Learn Cricket From Sachin Tendulkar: ಸಚಿನ್ ತೆಂಡೂಲ್ಕರ್ ಬಳಿ ಕ್ರಿಕೆಟ್ ಕಲಿಯಲು ಅವಕಾಶ !

ವಿಶ್ವ ಪ್ರಸಿದ್ಧ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ (Sachin Tendulkar) ಅವರಿಂದಲೇ ಕ್ರಿಕೆಟ್ ಪಾಠ ಹೇಳಿಸಿಕೊಳ್ಳುವ ಅವಕಾಶವೊಂದು ತೆರೆದುಕೊಂಡಿದೆ. ಕ್ರಿಕೆಟ್ ದಂತಕಥೆಯೆಂದೇ ಖ್ಯಾತಿ ಹೊಂದಿರುವ ಸಚಿನ್ ತೆಂಡೂಲ್ಕರ್  ಆನ್‌ಲೈನ್ ಎಜುಕೇಶನ್ ಪ್ಲಾಟ್‌ಫಾರ್ಮ್ ಅನ್‌ಅಕಾಡೆಮಿಯೊಂದಿಗೆ ಕೈಜೋಡಿಸಿದ್ದಾರೆ. ಕ್ರಿಕೆಟ್ ದಂತಕಥೆ ಸಚಿನ್ ತೆಂಡೂಲ್ಕರ್ ಮುಂದಿನ ದಿನಗಳಲ್ಲಿ ಅನ್‌ಅಕಾಡೆಮಿಯ ಚಂದಾದಾರರಿಗೆ (Edtech Platform UnAcademy) ಕ್ರಿಕೆಟ್ ಪಾಠ ಹೇಳಿಕೊಡಲಿದ್ದಾರೆ. (Learn Cricket From Sachin Tendulkar)ಅನ್‌ಅಕಾಡೆಮಿ ಕಂಪನಿಯ ಕಾರ್ಯಕ್ರಮವೊಂದರ ಭಾಗವಾಗಿ ಸಂವಾದ ರೂಪದ ಪಾಠಗಳ ಸರಣಿಯಲ್ಲಿ ತೆಂಡೂಲ್ಕರ್ ಕ್ರಿಕೆಟ್ ಪಾಠಗಳನ್ನು ನೀಡಲಿದ್ದಾರೆ.

ಸಚಿನ್ ತೆಂಡೂಲ್ಕರ್ ಮತ್ತು ಅವರ ಸಹೋದರ ಅಜಿತ್ ತೆಂಡೂಲ್ಕರ್ ಮೂರು ತಿಂಗಳುಗಳ ಕಾಲ ಶ್ರಮವಹಿಸಿ ಅನ್‌ಅಕಾಡೆಮಿ ಅಪ್ಲಿಕೇಶನ್‌ನಲ್ಲಿ ಕ್ರಿಕೆಟ್ ಪಾಠಗಳನ್ನು ರೂಪಿಸಿದ್ದಾರೆ ಎಂದು ಎಕನಾಮಿಕ್ ಟೈಮ್ಸ್‌ ವರದಿ ಮಾಡಿದೆ.

“ಕ್ರಿಕೆಟ್ ನಮ್ಮ ಜೀವನವಾಗಿದೆ ಮತ್ತು ಈ ಕೋರ್ಸ್ ಅನ್ನು ರಚಿಸುವಲ್ಲಿ ನಾವು ನಮ್ಮ 100 ಶೇಕಡಾ ಪರಿಶ್ರಮವನ್ನು ನೀಡಿದ್ದೇವೆ. ನಿಮ್ಮ ಬ್ಯಾಟ್, ಕಿಟ್ ಮತ್ತು ಕ್ರಿಕೆಟ್‌ಗೆ ಸಂಬಂಧಿಸಿದ ಎಲ್ಲದರ ಆಯ್ಕೆಯಂತಹ ಸೂಕ್ಷ್ಮ ವಿವರಗಳನ್ನು ನಾವು ಅನ್ಅಕಾಡೆಮಿಯಲ್ಲಿ ಬೋಧಿಸಲಿದ್ದೇವೆ. ”ಎಂದು ಸಚಿನ್ ತೆಂಡೂಲ್ಕರ್ ತಿಳಿಸಿದ್ದಾರೆ. “ಕ್ರೀಡೆಯು ನಿರಂತರತೆ, ತಂಡದ ಕೆಲಸ, ಆತ್ಮವಿಶ್ವಾಸ, ಇತ್ಯಾದಿಗಳಂತಹ ಹಲವಾರು ಜೀವನ ಕೌಶಲಗಳನ್ನು ನೀಡುವ ಸಾಮರ್ಥ್ಯವನ್ನು ಹೊಂದಿದೆ. ಕ್ರಿಕೆಟ್ ಭಾರತದಲ್ಲಿ ಅತಿದೊಡ್ಡ ಕ್ರೀಡೆಯಾಗಿದೆ ಮತ್ತು ಕ್ರಿಕೆಟ್‌ನಲ್ಲಿ ಉನ್ನತ-ಗುಣಮಟ್ಟದ ಶಿಕ್ಷಣವನ್ನು ಪ್ರಜಾಪ್ರಭುತ್ವಗೊಳಿಸುವ ನಮ್ಮ ದೃಷ್ಟಿಯನ್ನು ವಿಸ್ತರಿಸಲು ಮತ್ತು ಆಸಕ್ತಿ ಹೊಂದಿರುವ ಯಾರಿಗಾದರೂ ತಲುಪಲು ನಾನು ಅನ್‌ಅಕಾಡೆಮಿಯೊಂದಿಗೆ ಪಾಲುದಾರಿಕೆ ಹೊಂದಿದ್ದೇನೆ. ಈ ಸುಂದರವಾದ ಆಟವನ್ನು ಭಾರತದ ಉದ್ದಗಲದಲ್ಲಿ ಮತ್ತು ಅದರಾಚೆಗೂ ಕಲಿಸಲು ನಾನು ಉತ್ಸುಕನಾಗಿದ್ದೇನೆ ಎಂದು ಕ್ರಿಕೆಟ್ ದಂತಕಥೆ ತಿಳಿಸಿದ್ದಾರೆ.

ಇದನ್ನೂ ಓದಿ: China: ಚೀನಾ ಹೆದರುವುದು ಈ ಎರಡು ವಿಷಯಕ್ಕೆ ಮಾತ್ರ!

ಅನ್‌ಅಕಾಡೆಮಿಯಲ್ಲಿ ಲಭ್ಯವಿರುವ ಸಂವಾದ ರೂಪದ ಕ್ರಿಕೆಟ್ ಪಾಠವು ಒಟ್ಟು 31 ಕಂತುಗಳನ್ನು ಹೊಂದಿದ್ದು ಏಳು ಗಂಟೆಗಳ ಸಂಚಿಕೆಗಳನ್ನು ಈಗಾಗಲೇ ಚಿತ್ರೀಕರಿಸಲಾಗಿದೆ ಎಂದು ವರದಿಯಾಗಿದೆ.

ಕಾರ್ಯಕ್ರಮವು ಅನ್‌ಅಕಾಡೆಮಿಯ ಇತ್ತೀಚಿನ ಯೋಜನೆಯಾದ ‘ಅನ್‌ಅಕಾಡೆಮಿ ಐಕಾನ್‌’ನ ಭಾಗವಾಗಿದೆ, ಇದನ್ನು ಬುಧವಾರ ಪ್ರಾರಂಭಿಸಲಾಗಿದೆ. ಈ ಯೋಜನೆಯು ಉದ್ಯಮದ ಐಕಾನ್‌ಗಳು ಕಲಿಸುವ ರಚನಾತ್ಮಕ ಪಠ್ಯಕ್ರಮವನ್ನು ಒದಗಿಸುವ ಗುರಿಯನ್ನು ಹೊಂದಿದೆ. ಕಂಪನಿಯು ಕ್ರೀಡೆ, ಕಲೆ, ವ್ಯಾಪಾರ, ನಾಯಕತ್ವ ಮತ್ತು ಹೆಚ್ಚಿನ ಕ್ಷೇತ್ರಗಳಿಂದ ತಜ್ಞರನ್ನು ತರಲು ಯೋಜಿಸಿದೆ. ಹಿಂದಿ ಮತ್ತು ಇಂಗ್ಲಿಷ್ ಹೊರತುಪಡಿಸಿ ಮರಾಠಿ, ತೆಲುಗು, ಕನ್ನಡ ಮತ್ತು ತಮಿಳು ಮುಂತಾದ ಪ್ರಾದೇಶಿಕ ಭಾಷೆಗಳಲ್ಲಿ ಪಾಠಗಳು ಲಭ್ಯವಿರುತ್ತವೆ.

ಇದನ್ನೂ ಓದಿ: Demat Account LIC IPO: ಡಿಮ್ಯಾಟ್ ಖಾತೆ ಎಂದರೇನು? LIC IPOದಲ್ಲಿ ಹೂಡಿಕೆ ಮಾಡಲು ಮೊಬೈಲ್‌ನಲ್ಲೇ ಡಿಮ್ಯಾಟ್ ಅಕೌಂಟ್ ತೆರೆಯುವುದು ಹೇಗೆ?

(Learn Cricket from Sachin Tendulkar by UnAcademy)