ನಿಮ್ಮ ಜಿಮೇಲ್‌ನ @gmail.com ವಿಳಾಸ ಬದಲಾಗಲಿದೆಯೇ? ಇಲ್ಲಿದೆ ಅಸಲಿ ಸತ್ಯ!

Google Gmail address change: ಗೂಗಲ್ ತನ್ನ ಜಿಮೇಲ್ (Gmail) ಇತಿಹಾಸದಲ್ಲೇ ಅತ್ಯಂತ ದೊಡ್ಡ ಬದಲಾವಣೆಗೆ ಮುಂದಾಗಿದೆ. ಇದುವರೆಗೆ ಒಮ್ಮೆ ಇಮೇಲ್ ಐಡಿ ಕ್ರಿಯೇಟ್ ಮಾಡಿದರೆ ಅದನ್ನು ಬದಲಿಸಲು ಸಾಧ್ಯವಿರಲಿಲ್ಲ. ಆದರೆ, ಈಗ ಗೂಗಲ್ ಬಳಕೆದಾರರಿಗೆ ತಮ್ಮ ಅಸ್ತಿತ್ವದಲ್ಲಿರುವ @gmail.com ವಿಳಾಸವನ್ನು ಬದಲಿಸಲು (Email Rename) ಅವಕಾಶ ನೀಡುತ್ತಿರುವುದಾಗಿ ಅಧಿಕೃತವಾಗಿ ಘೋಷಿಸಿದೆ. ಈ ಹೊಸ ಫೀಚರ್ ಅನ್ನು ಗೂಗಲ್ ಪ್ರಸ್ತುತ ಹಂತಹಂತವಾಗಿ ಜಾರಿಗೆ ತರುತ್ತಿದೆ.

ಈ ಬದಲಾವಣೆಯ ವಿಶೇಷತೆಗಳೇನು?
ಹೊಸ ವಿಳಾಸ, ಹಳೆಯ ಡೇಟಾ: ನೀವು ನಿಮ್ಮ ಇಮೇಲ್ ಐಡಿಯನ್ನು ಬದಲಿಸಿದರೂ, ನಿಮ್ಮ ಹಳೆಯ ಇಮೇಲ್‌ಗಳು, ಕಾಂಟ್ಯಾಕ್ಟ್‌ಗಳು ಮತ್ತು ಗೂಗಲ್ ಡ್ರೈವ್‌ನಲ್ಲಿರುವ ಫೈಲ್‌ಗಳು ಹಾಗೆಯೇ ಇರುತ್ತವೆ. ಅವು ಹೊಸ ಐಡಿಗೆ ಸಿಂಕ್ ಆಗಲಿವೆ.

ರಿಡೈರೆಕ್ಷನ್ ಸೌಲಭ್ಯ: ಯಾರಾದರೂ ನಿಮ್ಮ ಹಳೆಯ ಇಮೇಲ್ ವಿಳಾಸಕ್ಕೆ ಸಂದೇಶ ಕಳುಹಿಸಿದರೆ, ಅದು ಆಟೋಮ್ಯಾಟಿಕ್ ಆಗಿ ನಿಮ್ಮ ಹೊಸ ಇಮೇಲ್ ವಿಳಾಸಕ್ಕೆ ಬಂದು ತಲುಪುವಂತೆ ಗೂಗಲ್ ವ್ಯವಸ್ಥೆ ಮಾಡಲಿದೆ. ಇದರಿಂದ ಪ್ರಮುಖ ಇಮೇಲ್‌ಗಳು ಮಿಸ್ ಆಗುವ ಭಯವಿರುವುದಿಲ್ಲ.

ಯಾರಿಗೆ ಲಭ್ಯ?: ಸದ್ಯಕ್ಕೆ ಈ ಫೀಚರ್ ಅನ್ನು ‘ಗೂಗಲ್ ವರ್ಕ್‌ಸ್ಪೇಸ್’ (Google Workspace) ಬಳಕೆದಾರರಿಗೆ ಮತ್ತು ಆಯ್ದ ವೈಯಕ್ತಿಕ ಖಾತೆದಾರರಿಗೆ ನೀಡಲಾಗುತ್ತಿದೆ. ಮುಂದಿನ ದಿನಗಳಲ್ಲಿ ಇದು ಎಲ್ಲಾ ಸಾಮಾನ್ಯ ಬಳಕೆದಾರರಿಗೂ ಲಭ್ಯವಾಗಲಿದೆ.

ಯಾಕೆ ಈ ಬದಲಾವಣೆ?
ಹಲವು ಬಳಕೆದಾರರು ಚಿಕ್ಕ ವಯಸ್ಸಿನಲ್ಲಿ ಅಥವಾ ಅನ್-ಪ್ರೊಫೆಷನಲ್ ಆದ ಹೆಸರುಗಳಲ್ಲಿ ಇಮೇಲ್ ಐಡಿಗಳನ್ನು ಕ್ರಿಯೇಟ್ ಮಾಡಿರುತ್ತಾರೆ (ಉದಾಹರಣೆಗೆ: coolboy123@gmail.com). ನಂತರ ವೃತ್ತಿಜೀವನದಲ್ಲಿ ಅಂತಹ ಐಡಿಗಳನ್ನು ಬಳಸುವುದು ಮುಜುಗರ ತರುತ್ತದೆ. ಈ ಸಮಸ್ಯೆಯನ್ನು ಹೋಗಲಾಡಿಸಲು ಗೂಗಲ್ ಈ “ರಿನೇಮ್” ಆಯ್ಕೆಯನ್ನು ನೀಡುತ್ತಿದೆ.

ಹೇಗೆ ಬದಲಿಸುವುದು?
ಈ ಫೀಚರ್ ನಿಮ್ಮ ಖಾತೆಗೆ ಲಭ್ಯವಾದಾಗ:

ಜಿಮೇಲ್‌ನ Settings ಗೆ ಹೋಗಿ.

Accounts and Import ವಿಭಾಗವನ್ನು ಕ್ಲಿಕ್ ಮಾಡಿ.

ಅಲ್ಲಿ ಇಮೇಲ್ ಬದಲಿಸುವ ಅಥವಾ ಎಡಿಟ್ ಮಾಡುವ ಆಯ್ಕೆ ಕಾಣಿಸಿಕೊಳ್ಳುತ್ತದೆ.

ಗಮನಿಸಿ: ಈ ಫೀಚರ್ ಅನ್ನು ಗೂಗಲ್ ಹಂತ-ಹಂತವಾಗಿ ಬಿಡುಗಡೆ ಮಾಡುತ್ತಿರುವುದರಿಂದ, ನಿಮ್ಮ ಫೋನ್ ಅಥವಾ ಕಂಪ್ಯೂಟರ್‌ನಲ್ಲಿ ತಕ್ಷಣವೇ ಕಾಣಿಸದೇ ಇರಬಹುದು. ಮುಂದಿನ ಕೆಲವು ವಾರಗಳಲ್ಲಿ ಇದು ಹೆಚ್ಚಿನ ಜನರಿಗೆ ತಲುಪಲಿದೆ.

ಇದನ್ನೂ ಓದಿ: ಸ್ವಂತ ವಾಹನ ಖರೀದಿಗೆ ಸಹಾಯಧನ; ಸ್ವಾವಲಂಬಿ ಸಾರಥಿ ಯೋಜನೆಯ ಪ್ರಯೋಜನಗಳಿವು