YouTube Outage: ವಿಶ್ವದಾದ್ಯಂತ ಯೂಟ್ಯೂಬ್ ಸ್ತಬ್ಧ; ವಿಡಿಯೋ ವೀಕ್ಷಿಸಲಾಗದೆ ಕೋಟ್ಯಂತರ ಬಳಕೆದಾರರ ಪರದಾಟ

ಬೆಂಗಳೂರು: YouTube Outage: ನೀವು ಇಂದು ಬೆಳಗ್ಗೆಯಿಂದ ನಿಮ್ಮ ಸ್ಮಾರ್ಟ್‌ಫೋನ್ ಅಥವಾ ಕಂಪ್ಯೂಟರ್‌ನಲ್ಲಿ ಯೂಟ್ಯೂಬ್ ವಿಡಿಯೋ ನೋಡಲು ಪ್ರಯತ್ನಿಸುತ್ತಿದ್ದೀರಾ? ‘ಸಮ್‌ಥಿಂಗ್ ವೆಂಟ್ ರಾಂಗ್’ (Something Went Wrong) ಎಂಬ ಸಂದೇಶ ಬರುತ್ತಿದೆಯೇ? ಹಾಗಿದ್ದರೆ ಗಾಬರಿಪಡಬೇಡಿ, ಇದು ನಿಮ್ಮ ಇಂಟರ್ನೆಟ್ ಸಮಸ್ಯೆಯಲ್ಲ. ವಿಶ್ವದಾದ್ಯಂತ ಜನಪ್ರಿಯ ವಿಡಿಯೋ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ YouTube Outage ಸಮಸ್ಯೆಯಿಂದಾಗಿ ಸ್ಥಗಿತಗೊಂಡಿದೆ.

ಯೂಟ್ಯೂಬ್ ಡೌನ್ ; ಏನಿದು ಸಮಸ್ಯೆ‌ ?

ಬುಧವಾರ ಬೆಳಗ್ಗೆಯಿಂದಲೇ ಭಾರತ ಸೇರಿದಂತೆ ಅಮೆರಿಕ, ಬ್ರಿಟನ್ ಮತ್ತು ಆಸ್ಟ್ರೇಲಿಯಾದಲ್ಲಿ ಸಾವಿರಾರು ಬಳಕೆದಾರರು ಯೂಟ್ಯೂಬ್ ಲಾಗಿನ್ ಆಗಲು ಮತ್ತು ವಿಡಿಯೋ ಅಪ್‌ಲೋಡ್ ಮಾಡಲು ತೊಂದರೆ ಅನುಭವಿಸುತ್ತಿದ್ದಾರೆ. ‘ಡೌನ್‌ಡಿಟೆಕ್ಟರ್’ (Downdetector) ವರದಿಯ ಪ್ರಕಾರ, ಕೇವಲ ಅಮೆರಿಕವೊಂದರಲ್ಲೇ 3.2 ಲಕ್ಷಕ್ಕೂ ಹೆಚ್ಚು ದೂರುಗಳು ದಾಖಲಾಗಿವೆ. ಭಾರತದಲ್ಲಿ ಸುಮಾರು 20,000ಕ್ಕೂ ಹೆಚ್ಚು ಬಳಕೆದಾರರು ಈ ಸಮಸ್ಯೆಯ ಬಗ್ಗೆ ವರದಿ ಮಾಡಿದ್ದಾರೆ.

ಹೋಮ್ ಪೇಜ್ ಬ್ಲಾಂಕ್: ಹೆಚ್ಚಿನ ಬಳಕೆದಾರರಿಗೆ ಯೂಟ್ಯೂಬ್ ಹೋಮ್ ಪೇಜ್ ಖಾಲಿ ಕಾಣಿಸುತ್ತಿದ್ದು, ಯಾವುದೇ ಶಿಫಾರಸು ಮಾಡಿದ ವಿಡಿಯೋಗಳು ಲಭ್ಯವಾಗುತ್ತಿಲ್ಲ.

ಯೂಟ್ಯೂಬ್ ಟಿವಿ ಮತ್ತು ಮ್ಯೂಸಿಕ್: ಕೇವಲ ಮುಖ್ಯ ಆಪ್ ಮಾತ್ರವಲ್ಲದೆ, ಯೂಟ್ಯೂಬ್ ಮ್ಯೂಸಿಕ್, ಕಿಡ್ಸ್ ಮತ್ತು ಯೂಟ್ಯೂಬ್ ಟಿವಿ ಸೇವೆಗಳೂ ಸಹ ಅಸ್ತವ್ಯಸ್ತಗೊಂಡಿವೆ.

ತಾಂತ್ರಿಕ ದೋಷ: ಯೂಟ್ಯೂಬ್‌ನ ‘ರೆಕಮೆಂಡೇಶನ್ ಸಿಸ್ಟಮ್’ನಲ್ಲಿ ಉಂಟಾದ ತಾಂತ್ರಿಕ ವ್ಯತ್ಯಯವೇ ಈ ಸ್ಥಗಿತಕ್ಕೆ ಪ್ರಮುಖ ಕಾರಣ ಎಂದು ಗೂಗಲ್ ಸ್ಪಷ್ಟಪಡಿಸಿದೆ.

Also Read : ಬೆಂಗಳೂರು ನಮ್ಮ ಮೆಟ್ರೋದಲ್ಲಿ ಮದ್ಯದ ಬಾಟಲಿ ಕೊಂಡೊಯ್ಯಲು ಅನುಮತಿ!

ಗೂಗಲ್ ಪ್ರತಿಕ್ರಿಯೆ ಏನು?

ಈ ಬಗ್ಗೆ ಟ್ವೀಟ್ ಮಾಡಿರುವ ಯೂಟ್ಯೂಬ್ ತಂಡ, “ಕೆಲವು ಬಳಕೆದಾರರಿಗೆ ಸೇವೆ ಪಡೆಯಲು ತೊಂದರೆಯಾಗುತ್ತಿರುವುದು ನಮ್ಮ ಗಮನಕ್ಕೆ ಬಂದಿದೆ. ನಮ್ಮ ತಾಂತ್ರಿಕ ತಂಡವು ಇದನ್ನು ಸರಿಪಡಿಸಲು ನಿರಂತರವಾಗಿ ಶ್ರಮಿಸುತ್ತಿದೆ,” ಎಂದು ತಿಳಿಸಿದೆ. ಪ್ರಸ್ತುತ ಹೋಮ್ ಪೇಜ್ ಕ್ರಮೇಣ ಮರುಸ್ಥಾಪನೆಯಾಗುತ್ತಿದ್ದು, ಶೀಘ್ರದಲ್ಲೇ ಸಂಪೂರ್ಣ ಸೇವೆ ಲಭ್ಯವಾಗುವ ನಿರೀಕ್ಷೆಯಿದೆ.

ಸಾಮಾಜಿಕ ಜಾಲತಾಣವಾದ ‘X’ (ಟ್ವಿಟರ್) ನಲ್ಲಿ #YouTubeDown ಹ್ಯಾಶ್‌ಟ್ಯಾಗ್ ಟ್ರೆಂಡ್ ಆಗುತ್ತಿದ್ದು, ಬಳಕೆದಾರರು ಮೀಮ್‌ಗಳ ಮೂಲಕ ತಮ್ಮ ಅಸಮಾಧಾನ ಹೊರಹಾಕುತ್ತಿದ್ದಾರೆ.