ಕನ್ನಡ ಚಿತ್ರರಂಗಅಭಿನಯ ಶಾರದೆ ಖ್ಯಾತ ನಟಿ ಬಿ.ಸರೋಜಾ ದೇವಿ ವಿಧಿವಶ

Saroja Devi Death : ಕನ್ನಡ ಸಿನಿಮಾ ರಂಗದ ಖ್ಯಾತ ಹಿರಿಯ ನಟಿ, “ಅಭಿನಯ ಶಾರದೆ” ಎಂದೇ ಖ್ಯಾತರಾಗಿದ್ದ ಬಿ. ಸರೋಜಾದೇವಿ ಅವರು ಇಂದು, (ಜುಲೈ 14, 2025) ನಿಧನರಾಗಿದ್ದಾರೆ. ಅವರಿಗೆ 87 ವರ್ಷ ವಯಸ್ಸಾಗಿತ್ತು.

ವಯೋ ಸಹಜ ಅನಾರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದ ಅವರು ಬೆಂಗಳೂರಿನ ಬೆಂಗಳೂರಿನ ಮಲ್ಲೇಶ್ವರಂನಲ್ಲಿರುವ ಖಾಸಗಿ ಆಸ್ಪತ್ರೆಯಲ್ಲಿ ಅವರು ಕೊನೆಯುಸಿರೆಳೆದಿದ್ದಾರೆ.

ಸರೋಜಾದೇವಿ ಅವರು ಕನ್ನಡ, ತಮಿಳು, ತೆಲುಗು ಮತ್ತು ಹಿಂದಿ ಸೇರಿದಂತೆ ಐದು ಭಾಷೆಗಳಲ್ಲಿ 200ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿ, ಆರೂವರೆ ದಶಕಗಳ ಕಾಲ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದರು. 2019 ರಲ್ಲಿ ತೆರೆಕಂಡ ಪುನೀತ್ ರಾಜ್‌ಕುಮಾರ್ ಅಭಿನಯದ ‘ನಟಸಾರ್ವಭೌಮ’ ಅವರ ಕೊನೆಯ ಚಿತ್ರವಾಗಿತ್ತು.

ಹಿರಿಯ ನಟಿ ಬಿ.ಸರೋಜಾ ದೇವಿ ಅವರ ನಿಧನಕ್ಕೆ ಕನ್ನಡ ಚಿತ್ರರಂಗ ಸೇರಿದಂತೆ ವಿವಿಧ ಕ್ಷೇತ್ರಗಳ ಗಣ್ಯರು ಸೇರಿದಂತೆ ಹಲವು ಸಂತಾಪ ಸೂಚಿಸಿದ್ದಾರೆ.

Saroja Devi Death : ಕನ್ನಡ ಚಿತ್ರರಂಗಕ್ಕೆ ಬಿ.ಸರೋಜಾದೇವಿ ಅವರ ಕೊಡುಗೆ

ಹಿರಿಯ ನಟಿ ಬಿ. ಸರೋಜಾದೇವಿ ಅವರು ಭಾರತೀಯ ಚಿತ್ರರಂಗಕ್ಕೆ ನೀಡಿದ ಕೊಡುಗೆ ಅಪಾರ. ಅವರ ದಶಕಗಳ ಕಾಲದ ಸಿನಿಪಯಣದಲ್ಲಿ ಹಲವು ಮಹತ್ವದ ಸಾಧನೆಗಳನ್ನು ಮಾಡಿದ್ದಾರೆ. ಅವುಗಳಲ್ಲಿ ಕೆಲವು ಪ್ರಮುಖ ಸಾಧನೆಗಳು ಹೀಗಿವೆ:

ಬಹುಭಾಷಾ ನಟಿ: ಸರೋಜಾದೇವಿ ಅವರು ಕನ್ನಡ, ತಮಿಳು, ತೆಲುಗು ಮತ್ತು ಹಿಂದಿ ಸೇರಿದಂತೆ ಐದು ಭಾಷೆಗಳಲ್ಲಿ 200ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಇದು ಅವರ ಬಹುಮುಖ ಪ್ರತಿಭೆಗೆ ಸಾಕ್ಷಿಯಾಗಿದೆ.

“ಅಭಿನಯ ಶಾರದೆ” ಎಂಬ ಬಿರುದು: ಅವರ ಅದ್ಭುತ ನಟನೆಗಾಗಿ ಅವರಿಗೆ “ಅಭಿನಯ ಶಾರದೆ” ಎಂಬ ಬಿರುದು ನೀಡಲಾಗಿದೆ.

ಪ್ರಮುಖ ನಾಯಕಿ: ಅವರು ಸುಮಾರು 161 ಸತತ ಚಿತ್ರಗಳಲ್ಲಿ ಪ್ರಮುಖ ನಾಯಕಿಯಾಗಿ ನಟಿಸಿದ್ದಾರೆ. ಇದು ಭಾರತೀಯ ಚಿತ್ರರಂಗದಲ್ಲಿ ಒಂದು ಅಪರೂಪದ ದಾಖಲೆಯಾಗಿದೆ.

Also Read : ಕೋಟ ಶ್ರೀನಿವಾಸ ರಾವ್‌ ನಿಧನ : ಖ್ಯಾತ ನಟನಿಗೆ ಆಗಿದ್ದೇನು ?

ಮೊದಲ ಸಿನಿಮಾ : ಕೇವಲ 17 ನೇ ವಯಸ್ಸಿನಲ್ಲಿ, 1955 ರಲ್ಲಿ ಕನ್ನಡದ “ಮಹಾಕವಿ ಕಾಳಿದಾಸ” ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು.

ಪ್ರಸಿದ್ಧ ಜೋಡಿಗಳು: ತಮಿಳು ಚಿತ್ರರಂಗದಲ್ಲಿ ಎಂ.ಜಿ. ರಾಮಚಂದ್ರನ್ (MGR) ಅವರೊಂದಿಗೆ 26ಕ್ಕೂ ಹೆಚ್ಚು ಯಶಸ್ವಿ ಚಿತ್ರಗಳಲ್ಲಿ ನಟಿಸಿ, ಆ ಕಾಲದ ಅತ್ಯಂತ ಯಶಸ್ವಿ ಜೋಡಿಗಳಲ್ಲಿ ಒಂದಾಗಿದ್ದರು.

ಕನ್ನಡದಲ್ಲಿ ಡಾ. ರಾಜ್‌ಕುಮಾರ್, ತಮಿಳಿನಲ್ಲಿ ಶಿವಾಜಿ ಗಣೇಶನ್ ಮತ್ತು ಜೆಮಿನಿ ಗಣೇಶನ್, ತೆಲುಗಿನಲ್ಲಿ ಎನ್.ಟಿ. ರಾಮರಾವ್ ಮತ್ತು ಅಕ್ಕಿನೇನಿ ನಾಗೇಶ್ವರ ರಾವ್ ಅವರಂತಹ ದಿಗ್ಗಜ ನಟರೊಂದಿಗೆ ತೆರೆ ಹಂಚಿಕೊಂಡಿದ್ದಾರೆ.

ಕೊನೆಯ ಸಿನಿಮಾ: 2019 ರಲ್ಲಿ ಪುನೀತ್ ರಾಜ್‌ಕುಮಾರ್ ಅಭಿನಯದ ‘ನಟಸಾರ್ವಭೌಮ’ ಅವರ ಕೊನೆಯ ಚಿತ್ರವಾಗಿದೆ.

Saroja Devi Death : ಪದ್ಮಶ್ರೀ, ಪದ್ಮಭೂಷಣ ಗೌರವ :

ಭಾರತೀಯ ಚಿತ್ರರಂಗಕ್ಕೆ ಅವರು ನೀಡಿದ ಕೊಡುಗೆಗಾಗಿ ಹಲವು ಪ್ರತಿಷ್ಠಿತ ಪ್ರಶಸ್ತಿಗಳನ್ನು ನೀಡಿ ಗೌರವಿಸಲಾಗಿದೆ

ಪದ್ಮಶ್ರೀ (1969): ಭಾರತದ ನಾಲ್ಕನೇ ಅತ್ಯುನ್ನತ ನಾಗರಿಕ ಪ್ರಶಸ್ತಿ.

ಪದ್ಮಭೂಷಣ (1992) – ಭಾರತದ ಮೂರನೇ ಅತ್ಯುನ್ನತ ನಾಗರಿಕ ಪ್ರಶಸ್ತಿ.

ಭಾರತ ಸರ್ಕಾರದ ಜೀವಮಾನ ಸಾಧನೆ ಪ್ರಶಸ್ತಿ (2008) – 54ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಸಮಾರಂಭದಲ್ಲಿ ಭಾರತದ ರಾಷ್ಟ್ರಪತಿಯಿಂದ ಪ್ರದಾನ ಮಾಡಲಾಯಿತು.

ರಾಜ್ಯ ಪ್ರಶಸ್ತಿಗಳು ಮತ್ತು ಇತರ ಗೌರವಗಳು:

ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ (1989)

ಕರ್ನಾಟಕ ಸರ್ಕಾರದ ಡಾ. ರಾಜ್‌ಕುಮಾರ್ ಜೀವಮಾನ ಸಾಧನೆ ಪ್ರಶಸ್ತಿ (2009)

ಆಂಧ್ರಪ್ರದೇಶ ಸರ್ಕಾರದಿಂದ ಎನ್‌ಟಿಆರ್ ರಾಷ್ಟ್ರೀಯ ಪ್ರಶಸ್ತಿ (2001 ಮತ್ತು 2009) – ಎರಡು ಬಾರಿ ಈ ಪ್ರಶಸ್ತಿ ಪಡೆದಿದ್ದಾರೆ.

ತಮಿಳುನಾಡು ಸರ್ಕಾರದಿಂದ ಕಲೈಮಾಮಣಿ ಪ್ರಶಸ್ತಿ (2009) ಮತ್ತು ಎಂಜಿಆರ್ ಪ್ರಶಸ್ತಿ (1993)

Also Read : Meghana Raj Sarja : ಶಾಲೆಗೆ ಹೊರಟ ಜ್ಯೂನಿಯರ್ ಚಿರು: ಮೇಘನಾ ರಾಜ್‌ ಸರ್ಜಾ ಹಂಚಿಕೊಂಡ್ರು ಸ್ಪೆಷಲ್ ಪೋಟೋ

ಬೆಂಗಳೂರು ವಿಶ್ವವಿದ್ಯಾಲಯದಿಂದ ಗೌರವ ಡಾಕ್ಟರೇಟ್ (2006)

ಫಿಲ್ಮ್‌ಫೇರ್ ಜೀವಮಾನ ಸಾಧನೆ ಪ್ರಶಸ್ತಿ (ದಕ್ಷಿಣ)

ತಮಿಳು ಚಿತ್ರರಂಗಕ್ಕೆ ನೀಡಿದ ಕೊಡುಗೆಗಾಗಿ ವಿಜಯ್ ಪ್ರಶಸ್ತಿ (2006)

ಸಿರಿಗನ್ನಡ ದತ್ತಿ ಪ್ರಶಸ್ತಿ

Saroja Devi Death : ಸರೋಜಾ ದೇವಿ ನಟನೆಯ ಸಿನಿಮಾಗಳು

ಸರೋಜಾದೇವಿ ಅವರು ಕನ್ನಡ, ತಮಿಳು, ತೆಲುಗು ಮತ್ತು ಹಿಂದಿ ಭಾಷೆಗಳಲ್ಲಿ 200ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಇಲ್ಲಿ ಕೆಲವು ಪ್ರಮುಖ ಮತ್ತು ಜನಪ್ರಿಯ ಚಿತ್ರಗಳ ಪಟ್ಟಿಯನ್ನು ನೀಡಲಾಗಿದೆ:

ಕನ್ನಡ ಚಿತ್ರಗಳು: ಮಹಾಕವಿ ಕಾಳಿದಾಸ (1955) – ಮೊದಲ ಚಿತ್ರ, ಅಣ್ಣ ತಂಗಿ (1958), ಭೂಕೈಲಾಸ (1958), ಸ್ಕೂಲ್ ಮಾಸ್ಟರ್ (1958), ಜಗಜ್ಯೋತಿ ಬಸವೇಶ್ವರ (1959), ಕಿತ್ತೂರು ಚೆನ್ನಮ್ಮ (1961), ವಿಜಯನಗರದ ವೀರಪುತ್ರ (1961), ಅಮರಶಿಲ್ಪಿ ಜಕಣಾಚಾರಿ (1964), ಬೇರತ ಜೀವ (1965, ಮಾಲಮನೆ ಪವಾಡ (1969)

ನ್ಯಾಯವೇ ದೇವರು (1971), ತಾಂಡೆ ಮಕ್ಕಳು (1971), ಪಾಪಿ ಪುಣ್ಯ (1971), ಹರಿದರ್ಶನ್ (1972), ಕಥಾಸಂಗಮ (1976), ಭಾಗ್ಯವಂತರು (1977), ಬಬ್ರುವಾಹನ (1977), ಶ್ರೀ ರೇಣುಕಾ ದೇವಿ ಮಹಾತ್ಮೆ (1977), ಶನಿಪ್ರಭಾವ (1977) ರುದ್ರನಾಗ (1984), ನಟಸಾರ್ವಭೌಮ (2019) – ಕೊನೆಯ ಚಿತ್ರ

ತಮಿಳು ಚಿತ್ರಗಳು:

ಥಂಗಾಮಲೈ ರಹಸಿಯಮ್ (1957), ,ಶಬಾಶ್ ಮೀನಾ (1958), ಕಲ್ಯಾಣ ಪರಿಸು (1959), ನಾಡೋಡಿ ಮನ್ನನ್ (1958), ಭಾಗ ಪಿರಿವಿನೈ (1959), ತಾಯ್ ಸೊಲ್ಲೈ ತಟ್ಟಾದೆ (1961), ಪಾಲುಂ ಪಝಾಮುಂ (1961), ತಿರುಡದೆ (1961), ಆಲಯಮಣಿ (1962)

ಕುಡುಂಬ ತಲೈವನ್ (1962), ತಾಯೈ ಕಾಥ ತನಯನ್ (1962), ಪೆರಿಯಾ ಇಡತು ಪೆಣ್ಣು (1963), ಧರ್ಮಮ್ ತಲೈ ಕಾಕ್ಕುಂ (1963), ಪನಕ್ಕಾರ ಕುಡುಂಬಮ್ (1964), ಪುಥಿಯಾ ಪರವೈ (1964), ಎಂಗ ವೀಟ್ಟು ಪಿಳ್ಳೈ (1965), ಅನ್ಬೇ ವಾ (1966), ಅರಸ ಕಟ್ಟಲೈ (1967), ಪನಮ ಪಸಮ (1968), ಆಧವನ್ (2009), ಚಂದ್ರಮುಖಿ 2 (2023),

ತೆಲುಗು ಚಿತ್ರಗಳು:

ಪಾಂಡುರಂಗ ಮಹಾತ್ಯಂ (1957), ಪಲ್ಲಿ ಕನುಕಾ (1960), ಇಂಟಿಕಿ ದೀಪಂ ಇಲ್ಲಾಲೆ (1961), ಜಗದೇಕಾ ವೀರನಿ ಕಥಾ (1961), ಶ್ರೀ ಸೀತಾರಾಮ ಕಲ್ಯಾಣಂ (1961), ಗುಣವಂತುಡು (1975), ಶ್ರೀ ಶ್ರೀನಿವಾಸ ಕಲ್ಯಾಣ (1974), ದಾವುದುಮೂತಲು (1964)

ಹಿಂದಿ ಚಿತ್ರಗಳು:

ಪೈಘಮ್ (1959), ಸಸುರಾಲ್ (1960), ಆಪೇರಾ ಹೌಸ್ (1961), ಹಾಂಕಾಂಗ್ (1962), ಪ್ಯಾರ್ ಕಿಯಾ ತೋ ಡರ್ನಾ ಕ್ಯಾ (1963), ಬೇಟಿ ಬೇಟೆ (1964)

ಬಿ. ಸರೋಜಾದೇವಿ ನಟನಾ ಪ್ರತಿಭೆ ಮತ್ತು ವೈವಿಧ್ಯಮಯ ಪಾತ್ರಗಳ ಆಯ್ಕೆಯು ಅವರನ್ನು ಭಾರತೀಯ ಚಿತ್ರರಂಗದ ಪ್ರಮುಖ ನಟಿಯರಲ್ಲಿ ಒಬ್ಬರನ್ನಾಗಿ ಮಾಡಿದೆ.

Saroja Devi Death Legendary South Indian Actress Passes Away At 87 in Kannada News