ಜೀರ್ಣಕ್ರಿಯೆ ಸುಧಾರಿಸುವ, ಬೆನ್ನುಮೂಳೆ ಬಲಪಡಿಸುವ ಮತ್ತು ಮನಸ್ಸನ್ನು ಶಾಂತಗೊಳಿಸುವ ಆಸನ
ವಜ್ರಾಸನ ಅಥವಾ “ಥಂಡರ್ಬೋಲ್ಟ್ ಪೋಸ್,” ಎಂದು ಎದು ಕರೆಯಲ್ಪಡುವ ಈ ಆಸನವನ್ನು ಮಂಡಿಯೂರಿ ಮತ್ತು ನೇರವಾದ ಬೆನ್ನೆಲುಬಿನೊಂದಿಗೆ ನಮ್ಮ ಹಿಮ್ಮಡಿಯ ಮೇಲೆ ಸರಳವಾಗಿ ಕುಳಿತುಕೊಂಡು ಮಾಡಬಹುದಾಗಿದೆ.
ಯೋಗದ ಎಲ್ಲಾ ಆಸನಗಳಲ್ಲಿ ಇದು ವೈಶಿಷ್ಟ್ಯ , ಏಕೆಂದರೆ ಈ ಭಂಗಿಯನ್ನು ಊಟವಾದ ತಕ್ಷಣವೇ ಮಾಡಬಹುದಾಗಿದೆ. ಇದು ಜೀರ್ಣಕ್ರಿಯೆಗೆ ಹೆಚ್ಚು ಪ್ರಯೋಜನಕಾರಿಯಾಗಿದೆ ಮತ್ತು ಗ್ಯಾಸ್ ಮತ್ತು ಆಮ್ಲೀಯತೆಯಂತಹ ಸಮಸ್ಯೆಗಳಿಗೆ ಬಹಳ ಪರಿಣಾಮಕಾರಿಯಾಗಿದೆ. ಈ ಆಸನವನ್ನು “ಡೈಮಂಡ್ ಪೋಸ್” ಎಂದೂ ಕರೆಯುತ್ತಾರೆ. ನಮ್ಮ ಮನಸ್ಸನ್ನು ಶಾಂತಿ ಹಾಗು ಏಕಾಗ್ರತೆಯಿಂದ ಇರಿಸಿಕೊಳ್ಳಲು ಈ ಭಂಗಿಯು ಫಲಕಾರಿಯಾಗಿದೆ.
ಈ ಹೆಸರು ಸಂಸ್ಕೃತ ಪದಗಳಾದ “ವಜ್ರ” (ಸಿಡಿಲು ಅಥವಾ ವಜ್ರ) ಮತ್ತು “ಆಸನ” (ಭಂಗಿ ಅಥವಾ ಆಸನ) ದಿಂದ ಬಂದಿದೆ, ಇದು ಶಕ್ತಿ ಮತ್ತು ಸ್ಥಿರತೆಯನ್ನು ಸಂಕೇತಿಸುತ್ತದೆ.
ಆಸನ ಮಾಡುವ ವಿಧಾನ : ಮಂಡಿಯೂರಿ ನಮ್ಮ ಹಿಮ್ಮಡಿಯ ಮೇಲೆ ಕುಳಿತುಕೊಂಡು, ಬೆನ್ನುಮೂಳೆಯನ್ನು ನೇರವಾಗಿಟ್ಟುಕೊಂಡು ಮತ್ತು ನಮ್ಮ ಕೈಗಳನ್ನು ನಮ್ಮ ತೊಡೆಗಳ ಮೇಲೆ ಇಟ್ಟುಕೊಳ್ಳಬೇಕು.
ವಜ್ರಾಸನ ಪ್ರಯೋಜನಗಳೇನು ?
- ವಜ್ರಾಸನ ಮಾಡುವುದರಿಂದ ನಮ್ಮ ಜೀರ್ಣಾಂಗ ಕ್ರಿಯೆಯು ಸುಧಾರಿಸುತ್ತದೆ. ಈ ಆಸನವು ನಮ್ಮ ಕಾಲುಗಳು ಹಾಗು ತೊಡೆಗಳಿಗೆ ರಕ್ತದ ಸಂಚಾರವನ್ನು ನಿರ್ಬಂಧಿಸಿ , ನಮ್ಮ ಹೊಟ್ಟೆಗೆ ರಕ್ತದ ಹರಿವನ್ನು ಹೆಚ್ಚಿಸುವ ಮೂಲಕ ನಮ್ಮ ಜೀರ್ಣಾಂಗ ವ್ಯವಸ್ಥೆಯನ್ನು ಸರಿ ಮಾಡಲು ಸಹಾಯಕಾರಿಯಾಗಿದೆ.
- ಬೆನ್ನು ನೋವಿನ ನಿವಾರಣೆಗೆ ಸಹಾಯಕಾರಿಯಾಗಿದೆ.
ಬೆನ್ನಿನ ಕೆಳಭಾಗದ ಸ್ನಾಯುಗಳನ್ನು ಬಲಪಡಿಸಿ, ನೋವು ಮತ್ತು ಬಿಗಿತದಿಂದ ಪಾರಾಗಲು ಈ ಆಸನವು ಫಲಕಾರಿಯಾಗಿದೆ. - ಸಂಧಿವಾತದಿಂದ ನಿವಾರಣೆ ಹೊಂದಬಹುದು.
ವಜ್ರಾಸನವು ನಮ್ಮ ತೊಡೆ ಮತ್ತು ಪಾದದ ಸ್ನಾಯುಗಳ ನಮ್ಯತೆಯನ್ನು ಕಾಪಾಡಿ, ನಮ್ಮ ಸೊಂಟ ಹಾಗು ಮೊಣಕಾಲುಗಳ ಸ್ನಾಯುಗಳನ್ನು ಬಲಪಡಿಸುವಲ್ಲಿ ಸಹಾಯ ಮಾಡುತ್ತದೆ. - ನಮ್ಮ ಮನಸ್ಸನ್ನು ಶಾಂತಗೊಳಿಸಲು ಹಾಗು ಮನಸ್ಸಿನ ಏಕಾಗ್ರತೆಗೆ ಸಹಾಯ ಮಾಡುತ್ತದೆ.
ಧ್ಯಾನ ಮಾಡಲು ಅತೀ ಉತ್ತಮವಾದ ಆಸನವೇ ಈ ವಜ್ರಾಸನ. ಈ ಭಂಗಿಯಲ್ಲಿ ನಾವು ಉಸಿರಾಟದ ವ್ಯಾಯಾಮಗಳನ್ನು ಮಾಡಿದರೆ ನಮ್ಮ ಮನಸ್ಸು ತಿಳಿಯಾಗಿ ಶಾಂತತೆ ಸಿಗುತ್ತದೆ ಹಾಗು ನಮ್ಮ ಮಾನಸಿಕ ಯೋಗಕ್ಷೇಮವನ್ನು ಸುಧಾರಿಸುವಲ್ಲಿ ಬಹಳ ಫಲಕಾರಿಯಾಗಿದೆ. - ದೇಹದ ಭಂಗಿ ಸುಧಾರಿಸುತ್ತದೆ.
ನಾವು ವಜ್ರಾಸನ ಮಾಡುವಾಗ ನಮ್ಮ ಬೆನ್ನನ್ನು ನೇರವಾಗಿ ಇರಿಸಿಕೊಳ್ಳಲೇ ಬೇಕು. ಇದರಿಂದ ದೇಹದ ಭಂಗಿ ಸುಧಾರಿಸಿ ಎಲ್ಲಾ ಸಮಯದಲ್ಲೂ ನಮ್ಮ ಬೆನ್ನನ್ನು ನೇರವಾಗಿಟ್ಟುಕೊಳ್ಳಲು ಈ ಆಸನ ಸಹಾಯಕವಾಗಿದೆ
