ಉತ್ತರ ಕರ್ನಾಟಕ ಸ್ಪೆಷಲ್ ಜೋಳದ ರೊಟ್ಟಿ ರೆಸಿಪಿ ಇಲ್ಲಿದೆ

ಆಹಾ… ಅದೆಂತಾ ರುಚಿ ಗೊತ್ತಾ…! ಒಮ್ಮೆ ಸವಿದರೆ ಆ ರುಚಿ ಮರೆಯಲು ಸಾಧ್ಯವೇ ಇಲ್ಲ. ನಾನು ಇಲ್ಲಿ ಹೇಳುತ್ತಿರುವ ಖಾದ್ಯ ಯಾವುದೆಂದರೆ ಉತ್ತರ ಕರ್ನಾಟಕ ಸ್ಪೆಷಲ್ ಜೋಳದ ರೊಟ್ಟಿ..!
ಕರ್ನಾಟಕವು ವಿವಿಧ ಸಂಸ್ಕೃತಿಗಳು, ಉಪಭಾಷೆ ಮತ್ತು ಪಾಕಪದ್ಧತಿಗಳನ್ನು ಹೊಂದಿರುವ ರಾಜ್ಯವಾಗಿದೆ. ಕರಾವಳಿ ಪ್ರದೇಶವು ಅಕ್ಕಿ ಬೆಳೆಯುವುದು ಮತ್ತು ತಿನ್ನುವುದರಲ್ಲಿ ದೊಡ್ಡದಾಗಿದ್ದರೆ, ಉತ್ತರದ ಭಾಗದವರು ಜೋಳ, ಗೋಧಿ ಅಥವಾ ರಾಗಿಯಿಂದ ತಯಾರಿಸಿದ ಫ್ಲಾಟ್‌ಬ್ರೆಡ್ ಅಥವಾ ರೊಟ್ಟಿಗಳನ್ನು ಹೆಚ್ಚು ತಿನ್ನುತ್ತಾರೆ.
ಈ ಆರ್ಟಿಕಲ್ ನಲ್ಲಿ ಈ ಸ್ಪೆಷಲ್ ಜೋಳದ ರೊಟ್ಟಿ ಮಾಡುವ ವಿಧಾನವನ್ನು ನೀವು ತಿಳಿಯಬಹುದು.

ಜೋಳದ ರೊಟ್ಟಿ ಮಾಡುವ ವಿಧಾನ :

ಮೊದಲು ನೀರನ್ನು ಕುದಿಸಿ. ನೀರು ಕುದಿಯಲು ಪ್ರಾರಂಭಿಸಿದಾಗ ಸ್ವಲ್ಪ ಉಪ್ಪು ಸೇರಿಸಿ ಅದಕ್ಕೆ 1 ಚಮಚ ಜೋಳದ ಹಿಟ್ಟನ್ನು ಹಾಕಿ ಕುದಿಸಿ.

ಈಗ ಗ್ಯಾಸ್ ನ್ನು ಆಫ್ ಮಾಡಿ ಉಳಿದ ಜೋಳದ ಹಿಟ್ಟನ್ನು ಬಿಸಿ ನೀರಿಗೆ ಸೇರಿಸಿ.

ಮರದ ಚಮಚ ಅಥವಾ ಯಾವುದೇ ಚಮಚದಿಂದ ಮಿಶ್ರಣ ಮಾಡಿ. (ನೀರು ತುಂಬಾ ಬಿಸಿಯಾಗಿರುತ್ತದೆ)
ಸ್ವಲ್ಪ ತಣ್ಣಗಾಗಲು ಬಿಡಿ.

ಹಿಟ್ಟು ಚಪಾತಿ ಹಿಟ್ಟಿನಂತೆ ಮೃದುವಾಗಿರಬೇಕು. ಹಿಟ್ಟು ಗಟ್ಟಿಯಾಗಿದ್ದರೆ ನೀವು ಸ್ವಲ್ಪ ನೀರು ಸಿಂಪಡಿಸಿ ಚೆನ್ನಾಗಿ ಬೆರೆಸಬೇಕು.

ಕಲಸಿದ ಹಿಟ್ಟಿನಿಂದ ಸಮಾನ ಗಾತ್ರದ ಸಣ್ಣ ಉಂಡೆಗಳನ್ನು ಮಾಡಿ. ಹಿಟ್ಟಿನ ಉಂಡೆಯನ್ನು ಬರೀ ಹಿಟ್ಟಿನಲ್ಲಿ ಒಮ್ಮೆ ಇಟ್ಟು , ಏಕರೂಪವಾಗಿ ಒತ್ತುವ ಮೂಲಕ ಅದನ್ನು ಚಪ್ಪಟೆ ಮಾಡಿ.

ನಿಮ್ಮ ಕೈಯಿಂದ ತೆಳುವಾಗಿ ತಟ್ಟಲು ಪ್ರಾರಂಭಿಸಿ. ಅಗತ್ಯವಿದ್ದರೆ ಹಿಟ್ಟು ಬಳಸಿ. ಅದನ್ನು ತೆಳುಗೊಳಿಸಲು ಸಾಕಷ್ಟು ಅಭ್ಯಾಸದ ಅಗತ್ಯವಿದೆ.

ತೆಳುವಾಗಿ ತಟ್ಟಲು ಸಾಧ್ಯವಾಗದಿದ್ದರೆ, ನೀವು ಚಪಾತಿ ರೋಲರ್ ಬಳಸಿ ಚಪಾತಿಯಂತೆ ಲಟ್ಟಿಸಿಕೊಳ್ಳಬಹುದು.

ನಂತರ ಲಟ್ಟಿಸಿಕೊಂಡಿದ್ದನ್ನು ಬಿಸಿ ತವಾ ಮೇಲೆ ಹಾಕಿ.
ಈಗ ಬಟ್ಟೆಯನ್ನು ನೀರಿನಲ್ಲಿ ಅದ್ದಿ ಮತ್ತು ಮೇಲಿನಿಂದ ರೊಟ್ಟಿಯನ್ನು ಒರೆಸಲು ಪ್ರಾರಂಭಿಸಿ ಹೆಚ್ಚುವರಿ ಹಿಟ್ಟನ್ನು ತೆಗೆದುಹಾಕಿ.

ನೀರು ಆವಿಯಾಗುವವರೆಗೆ ಕಾಯಿರಿ ನಂತರ ಇನ್ನೊಂದು ಬದಿಗೆ ತಿರುಗಿಸಿ.
ಬಟ್ಟೆಯಿಂದ ನಿಧಾನವಾಗಿ ಒತ್ತಿ ಪ್ಲಫ್ ಮಾಡಿ.

ಈಗ ಅದನ್ನು ತವಾದಿಂದ ತೆಗೆದು ಬಿಸಿಯಾಗಿ ಬಡಿಸಿ.

ಜೋಳದ ರೊಟ್ಟಿಯನ್ನು ಎಣ್ಣೆಗಾಯಿ ಅಥವಾ ಒಣ ಬೆಳ್ಳುಳ್ಳಿ ಚಟ್ನಿಯೊಂದಿಗೆ ಸವಿಯಿರಿ.

ಹೀಗಿದೆ ಜೋಳದ ರೊಟ್ಟಿ ಮಾಡುವ ವಿಧಾನ. ಸಮಯವಿದ್ದಾಗ ನೀವು ಒಮ್ಮೆ ಈ ರೊಟ್ಟಿಯನ್ನು ಮಾಡಿ ಮನೆ ಮಂದಿಗೆಲ್ಲಾ ಈ ಜೋಳದ ರೊಟ್ಟಿಯ ರುಚಿ ತಿಳಿಸಿ. ಎಲ್ಲರೂ ಬಹಳ ಇಷ್ಟಪಟ್ಟು ತಿನ್ನುವ ಸ್ಪೆಷಲ್ ರೆಸಿಪಿ ಇದಾಗಿದೆ.