ಜಿಯೋ, ಏರ್ಟೆಲ್ ಬಳಕೆದಾರರಿಗೆ ಬಿಗ್ ಶಾಕ್ : ರೀಚಾರ್ಜ್ ದರ ಶೀಘ್ರದಲ್ಲೇ ಮತ್ತಷ್ಟು ಏರಿಕೆ
ದೇಶದ ಪ್ರಮುಖ ಟೆಲಿಕಾಂ ಕಂಪನಿಗಳಾದ ರಿಲಯನ್ಸ್ ಜಿಯೋ ಹಾಗೂ ಭಾರ್ತಿ ಏರ್ಟೆಲ್, ವೋಡಾಪೋನ್ ಐಡಿಯಾ ತನ್ನ ಗ್ರಾಹಕರಿಗೆ ಬಿಗ್ಶಾಕ್ ನೀಡಿದೆ. ಈ ವರ್ಷದಲ್ಲಿ ತಮ್ಮ ಪ್ರಿಪೇಯ್ಡ್ ಹಾಗೂ ಪೋಸ್ಟ್ಪೇಯ್ಡ್ ರೀಚಾರ್ಜ್ ದರವನ್ನು ಏರಿಕೆ ಮಾಡಲು ಸಿದ್ಧತೆ ನಡೆಸಿವೆ. ಈ ವರ್ಷದ ಜೂನ್ ತಿಂಗಳ ವೇಳೆಗೆ ರೀಚಾರ್ಜ್ ದರ ಶೇಕಡಾ 20ರಷ್ಟು ಏರಿಕೆ ಕಾಣುವ ಸಾಧ್ಯತೆ ಇದೆ ಎಂದು ತಿಳಿದುಬಂದಿದೆ.
ತಮ್ಮ ಸರಾಸರಿ ಪ್ರತಿ ಬಳಕೆದಾರ ಆದಾಯ ಏರಿಕೆ ಮಾಡಿಕೊಳ್ಳಲು ದರ ಏರಿಕೆ ಮಾಡಿದೆ. ಪ್ರಸ್ತುತ ರೀಚಾರ್ಜ್ ದರವು , ಅವುಗಳು 5G ತಂತ್ರಜ್ಞಾನ ಮತ್ತು ನೆಟ್ವರ್ಕ್ ವಿಸ್ತರಣೆಗಾಗಿ ಮಾಡಿರುವ ಬೃಹತ್ ಹೂಡಿಕೆಗೆ ಹೋಲಿಸಿದರೆ ತೀರಾ ಕಡಿಮೆ ಇರುವ ಹಿನ್ನೆಲೆಯಲ್ಲಿ ದರ ಏರಿಕೆಯ ನಿರ್ಧಾರಕ್ಕೆ ಬರಲಾಗಿದೆ.
ಇದನ್ನೂ ಓದಿ: ನೀವೂ ಅಮರರಾಗಬಹುದು! ಅನ್ಯಗ್ರಹ ಜೀವಿಗಳಿಗೂ ಲಭ್ಯವಾಗಲಿದೆ ನಿಮ್ಮ ಜೀವನ ಚರಿತ್ರೆ: ಎಲೋನ್ ಮಸ್ಕ್ ಹೊಸ ಪ್ಲಾನ್
ಏರ್ಟೆಲ್ ಸಂಸ್ಥೆಯು ತನ್ನ ARPU ಅನ್ನು ಸದ್ಯದ ಮಟ್ಟದಿಂದ 300 ರೂಪಾಯಿಗಳಿಗೆ ಕೊಂಡೊಯ್ಯಲು ನಿರ್ಧರಿಸಿದೆ. ಈ ಗುರಿ ತಲುಪಬೇಕಾದರೆ ಸುಂಕದ ಏರಿಕೆ ಅನಿವಾರ್ಯವಾಗಿದೆ. ಕಂಪನಿಗಳ ಲಾಭದಂಶವನ್ನು ಸುಧಾರಿಸಲು ಮತ್ತು ಗುಣಮಟ್ಟದ ಸೇವೆ ನೀಡಲು ಇದು ಅಗತ್ಯ ಎಂದು ಟೆಲಿಕಾಂ ಸಂಸ್ಥೆಗಳು ತಿಳಿಸಿವೆ.
