ಮುಂದಿನ 12 ರಿಂದ 18 ತಿಂಗಳಲ್ಲಿ ವಕೀಲರು, ಅಕೌಂಟೆಂಟ್ಗಳ ಕೆಲಸ ಹೋಗುತ್ತೆ; ಮೈಕ್ರೋಸಾಫ್ಟ್ನ ಎಐ ಮುಖ್ಯಸ್ಥರಿಂದ ಎಚ್ಚರಿಕೆ
Microsoft AI head Mustafa Suleyman | Job Cut: ಕಚೇರಿಗಳಲ್ಲಿ ಕುಳಿತು ಕಂಪ್ಯೂಟರ್ ಮೂಲಕ ಕೆಲಸ ಮಾಡುವ ವಕೀಲರು, ಅಕೌಂಟೆಂಟ್ಗಳು ಸೇರಿದಂತೆ ಬಹುತೇಕ ‘ವೈಟ್ ಕಾಲರ್’ ಉದ್ಯೋಗಗಳು ಮುಂದಿನ ಒಂದೂವರೆ ವರ್ಷದಲ್ಲಿ (12 ರಿಂದ 18 ತಿಂಗಳು) ಎಐ ಮೂಲಕ ಸಂಪೂರ್ಣವಾಗಿ ಸ್ವಯಂಚಾಲಿತಗೊಳ್ಳಲಿವೆ (Automated) ಎಂದು ಮೈಕ್ರೋಸಾಫ್ಟ್ನ ಎಐ ಮುಖ್ಯಸ್ಥ ಮುಸ್ತಫಾ ಸುಲೇಮಾನ್ ಎಚ್ಚರಿಸಿದ್ದಾರೆ.
ವೃತ್ತಿಪರ ದರ್ಜೆಯ ಎಜಿಐ (AGI):
ಮೈಕ್ರೋಸಾಫ್ಟ್ ಪ್ರಸ್ತುತ ‘ಪ್ರೊಫೆಷನಲ್-ಗ್ರೇಡ್ ಎಜಿಐ’ ಅನ್ನು ಅಭಿವೃದ್ಧಿಪಡಿಸುತ್ತಿದೆ. ಇದು ಮಾನವ ವೃತ್ತಿಪರರು ಮಾಡುವ ಬಹುತೇಕ ಎಲ್ಲ ಕೆಲಸಗಳನ್ನು ಮಾಡುವ ಸಾಮರ್ಥ್ಯ ಹೊಂದಿರಲಿದೆ. ಇದರಿಂದಾಗಿ ವಕೀಲರು, ಅಕೌಂಟೆಂಟ್ಗಳು, ಪ್ರಾಜೆಕ್ಟ್ ಮ್ಯಾನೇಜರ್ಗಳು ಮತ್ತು ಮಾರ್ಕೆಟಿಂಗ್ ತಜ್ಞರ ಕೆಲಸಗಳಲ್ಲಿ ಭಾರಿ ಬದಲಾವಣೆಯಾಗಲಿದೆ.
ಯಾವ ಉದ್ಯೋಗಗಳಿಗೆ ಅಪಾಯ?:
ಕಂಪ್ಯೂಟರ್ ಮುಂದೆ ಕುಳಿತು ಮಾಡುವ ಕೆಲಸಗಳು ಎಐ ವ್ಯಾಪ್ತಿಗೆ ಬರಲಿವೆ. ದಸ್ತಾವೇಜುಗಳ ಪರಿಶೀಲನೆ, ದತ್ತಾಂಶ ವಿಶ್ಲೇಷಣೆ ಮತ್ತು ಸಮನ್ವಯದಂತಹ ಪುನರಾವರ್ತಿತ ಕೆಲಸಗಳನ್ನು ಎಐ ಸುಲಭವಾಗಿ ಮಾಡಲಿದೆ.
ಸಾಫ್ಟ್ವೇರ್ ಎಂಜಿನಿಯರಿಂಗ್ ಉದಾಹರಣೆ:
ಈಗಾಗಲೇ ಸಾಫ್ಟ್ವೇರ್ ಎಂಜಿನಿಯರ್ಗಳು ತಮ್ಮ ಹೆಚ್ಚಿನ ಕೋಡಿಂಗ್ ಕೆಲಸಗಳಿಗೆ ಎಐ ಬಳಸುತ್ತಿದ್ದಾರೆ. ಮುಂದಿನ ದಿನಗಳಲ್ಲಿ ಎಂಜಿನಿಯರ್ಗಳ ಕೆಲಸವು ಕೇವಲ ಮೇಲ್ವಿಚಾರಣೆ ಮತ್ತು ಕಾರ್ಯತಂತ್ರ ರೂಪಿಸುವುದಕ್ಕೆ ಸೀಮಿತವಾಗಲಿದೆ ಎಂದು ಅವರು ಹೇಳಿದ್ದಾರೆ.
ಸಾಹಸಸಿಂಹ ಡಾ. ವಿಷ್ಣುವರ್ಧನ್ ಬ್ಯಾನರ್ಗೆ ವಿದ್ಯಾರ್ಥಿಗಳಿಂದ ಅವಮಾನ; ಕೈಮುಗಿದು ಕ್ಷಮೆ ಕೋರಿದ ಪಾಲಕರು
ಸ್ವಯಂ ಅವಲಂಬನೆ:
ಮೈಕ್ರೋಸಾಫ್ಟ್ ಈಗ ಓಪನ್ ಎಐ (OpenAI) ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಿ, ತನ್ನದೇ ಆದ ಸ್ವಂತ ಎಐ ಮಾಡೆಲ್ಗಳನ್ನು ಅಭಿವೃದ್ಧಿಪಡಿಸಲು ಮುಂದಾಗಿದೆ. 2026ರ ಅಂತ್ಯದ ವೇಳೆಗೆ ಇವು ಜಾಗತಿಕವಾಗಿ ಬಿಡುಗಡೆಯಾಗುವ ಸಾಧ್ಯತೆ ಇದೆ.
ಉದ್ಯೋಗ ಕಡಿತದ ಆತಂಕ:
ಈಗಾಗಲೇ ಅಮೆಜಾನ್ ಮತ್ತು ಒರಾಕಲ್ನಂತಹ ಜಾಗತಿಕ ಕಂಪನಿಗಳು ಎಐ ತಂತ್ರಜ್ಞಾನಕ್ಕೆ ಹೊಂದಿಕೊಳ್ಳುವ ಸಲುವಾಗಿ ಸಾವಿರಾರು ಉದ್ಯೋಗಿಗಳನ್ನು ವಜಾಗೊಳಿಸಿವೆ. ಮುಂಬರುವ ದಿನಗಳಲ್ಲಿ ಈ ತಂತ್ರಜ್ಞಾನವು ಆರ್ಥಿಕತೆಗೆ ಲಾಭ ತಂದರೂ, ಸಾಂಪ್ರದಾಯಿಕ ಉದ್ಯೋಗ ಮಾರುಕಟ್ಟೆಯಲ್ಲಿ ಭಾರಿ ಏರುಪೇರು ಉಂಟುಮಾಡುವ ಸಾಧ್ಯತೆ ಇದೆ.
ಭಾರತದಂತಹ ದೇಶಗಳಲ್ಲಿ ಐಟಿ ಸೇವೆಗಳು ಆರ್ಥಿಕತೆಯ ಬೆನ್ನೆಲುಬಾಗಿರುವುದರಿಂದ, ಎಐ ತಂತ್ರಜ್ಞಾನದ ಈ ವೇಗದ ಬೆಳವಣಿಗೆಯು ಇಲ್ಲಿನ ಉದ್ಯೋಗಿಗಳ ಮೇಲೆಯೂ ಗಂಭೀರ ಪರಿಣಾಮ ಬೀರಬಹುದು ಎಂದು ತಜ್ಞರು ಅಂದಾಜಿಸಿದ್ದಾರೆ.
