ಸಂಪೂರ್ಣ ಹದಗೆಟ್ಟ ಪಾಕಿಸ್ತಾನ ಆರ್ಥಿಕತೆ : ಕಾಸಿಲ್ಲದೇ ಗಣರಾಜ್ಯೋತ್ಸವ ಆಚರಣೆಯೇ ಬ್ಯಾನ್​

ಪಾಕಿಸ್ತಾನದ ಆರ್ಥಿಕ ಪರಿಸ್ಥಿತಿ ಸಂಪೂರ್ಣ ಹದಗೆಟ್ಟಿದ್ದು, ಸಂಪೂರ್ಣ ದಿವಾಳಿತನವನ್ನು ಎದುರಿಸುತ್ತಿದೆ. ಪೆಟ್ರೋಲ್​ ಹಾಗೂ ಗ್ಯಾಸ್​ಗಳಿಗೆ ಅಭಾವ ಒಂದೆಡೆಯಾದರೆ ಮತ್ತೊಂದೆಡೆ ಆರ್ಥಿಕ ಬಿಕ್ಕಟ್ಟು ಪಾಕಿಸ್ತಾನದ ಜೀವ ಹಿಂಡುತ್ತಿದೆ. ಈ ಎಲ್ಲದರ ನಡುವೆ ಮಿಲಿಟರಿ ಪರೇಡ್​ ನಡೆಸಲು ಕೂಡ ಪಾಕಿಸ್ತಾನಕ್ಕೆ ಇಂಧನ ಕೊರತೆ ಉಂಟಾಗಿದೆ. ಈ ಹಿನ್ನೆಲೆಯಲ್ಲಿ ಮಾರ್ಚ್23ರಂದು ನಡೆಯಬೇಕಿದ್ದ ಅದ್ಧೂರಿ ಗಣರಾಜ್ಯೋತ್ಸವ ಆಚರಣೆಯನ್ನು ಪಾಕಿಸ್ತಾನ ಸರ್ಕಾರ ರದ್ದುಗೊಳಿಸಿದೆ.

ಅಮೆರಿಕ ಇಸ್ರೇಲ್​ ಹಾಗೂ ಇರಾನ್​ ನಡುವಿನ ಯುದ್ಧದಿಂದಾಗಿ ಪಾಕಿಸ್ತಾನದಲ್ಲಿಯೂ ತೈಲ ಬಿಕ್ಕಟ್ಟು ಸೃಷ್ಠಿಯಾಗಿದೆ. ಹೀಗಾಗಿ ಈ ವರ್ಷ ಪಾಕಿಸ್ತಾನಕ್ಕೆ ತನ್ನ ಸೇನಾಬಲ ಪ್ರದರ್ಶಿಸಲು ಇಂಧನ ಕೂಡ ಇಲ್ಲದಂತಾಗಿದೆ. ಟ್ಯಾಂಕ್​ ಕ್ಷಿಪಣಿಗಳ ಪ್ರದರ್ಶನಕ್ಕೆ ಸರ್ಕಾರದ ಖಜಾನೆಯಲ್ಲಿ ಕಾಸಿಲ್ಲದೇ ಈ ಬಾರಿಯ ಗಣರಾಜ್ಯೋತ್ಸವ ಆಚರಣೆಯೇ ರದ್ದಾಗಿದ್ದು ವಿಶ್ವಮಟ್ಟದಲ್ಲಿ ಪಾಕಿಸ್ತಾನ ತಲೆತಗ್ಗಿಸುವಂತಾಗಿದೆ.

ಇದನ್ನೂ ಓದಿ: ಏನಿದು ಹಿಜ್ಬುಲ್ಲಾ? ಲೆಬನಾನ್‌ ದೇಶದ ಸೈನ್ಯಕ್ಕಿಂತ ಬಲಶಾಲಿ ಈ ಉಗ್ರ ಸಂಘಟನೆ!

ಈ ಸಂಬಂಧ ಪಾಕಿಸ್ತಾನ ಪ್ರಧಾನಿ ಶಹಬಾಜ್ ಷರೀಫ್ ಅವರ ಕಚೇರಿಯು ಸಾಮಾಜಿಕ ಜಾಲತಾಣ ‘ಎಕ್ಸ್‘ನಲ್ಲಿ ಮಾಹಿತಿ ನೀಡಲಾಗಿದೆ. ಈ ಬಾರಿ ಯಾವುದೇ ರೀತಿಯ ಮಿಲಿಟರಿ ಮೆರವಣಿಗೆ ಇರುವುದಿಲ್ಲ. ಸರಳವಾಗಿ ಧ್ವಜಾರೋಹಣ ಕಾರ್ಯಕ್ರಮ ಮಾತ್ರ ಇರಲಿದೆ. ಯಾವುದೇ ಸರ್ಕಾರಿ ಇಲಾಖೆಗಳು ಕೂಡ ದೊಡ್ಡ ಮಟ್ಟದ ಕಾರ್ಯಕ್ರಮ ಇಟ್ಟುಕೊಳ್ಳಬೇಡಿ. ಯಾರೂ ಹಣ ವ್ಯಯಿಸಬೇಡಿ ಎಂದು ಸಾರ್ವಜನಿಕರಿಗೂ ಸೂಚನೆ ನೀಡಿದೆ.