ಯಾರಿಗೆ ಪಟ್ಟ? ಯಾರಿಗೆ ಲಕ್? ಪಂಚರಾಜ್ಯಗಳ ಚುನಾವಣೋತ್ತರ ಸಮೀಕ್ಷೆಯ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ

ಚುನಾವಣಾ ಪ್ರಕ್ರಿಯೆ ಮುಕ್ತಾಯಗೊಂಡ ಪಂಚರಾಜ್ಯ ಚುನಾವಣೋತ್ತರ ಸಮೀಕ್ಷೆಯ ವರದಿ ಹೊರಬಿದ್ದಿದೆ. ನಿನ್ನೆ ಪ್ರಕಟಗೊಂಡ ಚುನಾವಣೋತ್ತರ ಸಮೀಕ್ಷಾ ವರದಿಗಳ ಪ್ರಕಾರ ತಮಿಳುನಾಡಿನಲ್ಲಿ ಡಿಎಂಕೆ ಮತ್ತೆ ಅಧಿಕಾರಕ್ಕೆ ಬರಲಿದೆ. ಕೇರಳದಲ್ಲಿ ಈ ಬಾರಿ ಎಡಪಕ್ಷ ಎಲ್​ಡಿಎಫ್​ ಸೋಲಿನ ರುಚಿ ಕಾಣಲಿದೆ ಎನ್ನಲಾಗಿದ್ದು ಮತ್ತೊಮ್ಮೆ ಕಾಂಗ್ರೆಸ್​ ನೇತೃತ್ವದ ಯುಡಿಎಫ್​​ ಕಮ್​ಬ್ಯಾಕ್​ ಮಾಡಲಿದೆ. ಇತ್ತ ಪಶ್ಚಿಮ ಬಂಗಾದಲ್ಲಿ ದೀದಿ – ಮೋದಿ ನಡುವೆ ಟಫ್​ ಫೈಟ್​ ಇರಲಿದ್ದು ಈ ಬಾರಿ ಬಿಜೆಪಿ ಅಧಿಕಾರಕ್ಕೆ ಬರಲಿದೆ ಎಂದು 4 ಸಮೀಕ್ಷಾ ವರದಿಗಳು ತಿಳಿಸಿವೆ. ಇತ್ತ ಪುದುಚೇರಿಯಲ್ಲಿ ಎಐಎನ್‌ಆರ್‌ಸಿ ನೇತೃತ್ವದ ಎನ್‌ಡಿಎ ಸರ್ಕಾರ ಮತ್ತೆ ಅಧಿಕಾರಕ್ಕೆ ಬರಲಿದೆ ಎಂದು ಸಮೀಕ್ಷೆ ಭವಿಷ್ಯ ನುಡಿದಿದೆ.
ಆಸ್ಸಾಂನಲ್ಲಿ ಆಕ್ಸಿಸ್ ಮೈ ಇಂಡಿಯಾ ಬಿಜೆಪಿಗೆ ಭರ್ಜರಿ ಗೆಲುವಿನ ಶಾಲು ಹೊದಿಸಿದೆ., ಬಿಜೆಪಿ ಮತ್ತು ಮಿತ್ರಪಕ್ಷಗಳಿಗೆ 88-100 ಸ್ಥಾನಗಳು ಮತ್ತು ಕಾಂಗ್ರೆಸ್ ಮತ್ತು ಅದರ ಪಾಲುದಾರರಿಗೆ 24-36 ಸ್ಥಾನಗಳು ಸಿಗಲಿವೆ ಎಂದು ಸಮೀಕ್ಷೆದಾರರು ಹೇಳಿದ್ದಾರೆ.

ಪೀಪಲ್ಸ್ ಪಲ್ಸ್ ನುಡಿದಿರುವ ಭವಿಷ್ಯದ ಪ್ರಕಾರ ಎನ್‌ಡಿಎ 68-72 ಸ್ಥಾನಗಳನ್ನು ಪಡೆಯಲಿದೆ , ಆದರೆ ಕಾಂಗ್ರೆಸ್ ಪ್ಲಸ್ 22-26 ಸ್ಥಾನಕ್ಕೆ ತೃಪ್ತಿ ಪಡೆಬೇಕಿದೆ. ಎನ್‌ಡಿಎ 85-95 ಸ್ಥಾನಗಳನ್ನು ಮತ್ತು ಕಾಂಗ್ರೆಸ್ ಮತ್ತು ಅದರ ಮಿತ್ರಪಕ್ಷಗಳಿಗೆ 25-32 ಸ್ಥಾನಗಳನ್ನು ಪಡೆಯುವ ಸಾಧ್ಯತೆಯಿದೆ ಎಂದು ಮ್ಯಾಟ್ರಿಜ್ ಭವಿಷ್ಯ ನುಡಿದಿದೆ. ಅಸ್ಸಾಂ ವಿಧಾನಸಭೆಯಲ್ಲಿ 126 ಸ್ಥಾನಗಳಿದ್ದು, ಸರ್ಕಾರ ರಚಿಸಲು ಬೇಕಾದ ಮ್ಯಾಜಿಕ್ ನಂಬರ್ 64 ಆಗಿದೆ.

ಇದನ್ನೂ ಓದಿ : Toll plaza free highways : ಟೋಲ್​ ಪ್ಲಾಜಾಗಳಿಗೆ ಶೀಘ್ರದಲ್ಲೇ ಕೊಕ್​ : ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಇನ್ಮುಂದೆ ಬ್ಯಾರಿಯರ್​ ಫ್ರೀ ಸಂಚಾರ

ಕೇರಳದಲ್ಲಿ, ಆಕ್ಸಿಸ್ ಮೈ ಇಂಡಿಯಾ ನೀಡಿರುವ ಮಾಹಿತಿಯ ಪ್ರಕಾರ ಯುಡಿಎಫ್ 78-90 , ಎಲ್‌ಡಿಎಫ್ 49-62 ಮತ್ತು ಎನ್‌ಡಿಎ 0-3 ಸ್ಥಾನಗಳನ್ನು ಪಡೆಯಲಿದೆ ಎನ್ನಲಾಗಿದೆ. ಪೀಪಲ್ಸ್ ಪಲ್ಸ್ ಕಾಂಗ್ರೆಸ್ ನೇತೃತ್ವದ ಯುಡಿಎಫ್ 75-85 , ಎಲ್‌ಡಿಎಫ್ 55-65 ಮತ್ತು ಎನ್‌ಡಿಎ 0-3 ಸ್ಥಾನಗಳನ್ನು ಪಡೆಯಲಿದೆ ಎಂದು ಭವಿಷ್ಯ ನುಡಿದಿದೆ. ಮ್ಯಾಟ್ರಿಜ್ ಎಲ್‌ಡಿಎಫ್ 60-65 , ಯುಡಿಎಫ್ 70-75 ಮತ್ತು ಎನ್‌ಡಿಎ 3-5 ಸ್ಥಾನಗಳನ್ನು ಪಡೆಯಲಿದೆ ಎಂದು ಹೇಳಲಾಗಿದೆ. ಕೇರಳ ವಿಧಾನಸಭೆಯಲ್ಲಿ ಒಟ್ಟು 140 ಸ್ಥಾನಗಳಿದ್ದು, ಇಲ್ಲಿ ಸರ್ಕಾರ ರಚನೆಗೆ ಬೇಕಾದ ಮ್ಯಾಜಿಕ್ ನಂಬರ್ 71 ಆಗಿದೆ.

ದೀದಿ ಭದ್ರಕೋಟೆ ಪಶ್ಚಿಮ ಬಂಗಾಳದಲ್ಲಿ, ಪೀಪಲ್ಸ್ ಪಲ್ಸ್ ನೀಡಿರುವ ಸಮಿಕ್ಷಾ ವರದಿಯ ಪ್ರಕಾರ, ಟಿಎಂಸಿ 177-187 , ಬಿಜೆಪಿ 95-110, ಎಡರಂಗ 0-1 ಮತ್ತು ಕಾಂಗ್ರೆಸ್ 1-3 ಸ್ಥಾನಗಳನ್ನು ಪಡೆಯಲಿದೆ ಎ. ಆದರೆ ಮ್ಯಾಟ್ರಿಜ್ ರಾಜ್ಯದಲ್ಲಿ ಬಿಜೆಪಿ ಮುನ್ನಡೆ ಸಾಧಿಸಲಿದೆ ಎಂದು ಭವಿಷ್ಯ ನುಡಿದಿದ್ದು, ಅದು 146-161 ಸ್ಥಾನಗಳನ್ನು ಪಡೆಯುವ ಸಾಧ್ಯತೆಯಿದೆ ಎಂದು ಹೇಳಿದೆ. ಟಿಎಂಸಿ 125-140 ಸ್ಥಾನಗಳನ್ನು ಪಡೆಯಲಿದೆ ಎಂದು ಅದು ಹೇಳಿದೆ. ಪಿ-ಮಾರ್ಕ್ ಬಿಜೆಪಿಗೆ 150-175 ಮತ್ತು ಟಿಎಂಸಿಗೆ 118-138 ಸ್ಥಾನಗಳನ್ನು ಗಳಿಸಲಿದೆ ಎಂದು ಭವಿಷ್ಯ ನುಡಿದಿದೆ. ಕಳೆದ ಚುನಾವಣೆಯಲ್ಲಿಯೂ ಕೆಲ ಸಮೀಕ್ಷೆಗಳು ಬಿಜೆಪಿ ಬಂಗಾಳದಲ್ಲಿ ಅಧಿಕಾರಕ್ಕೆ ಬರಲಿದೆ ಎಂದು ಭವಿಷ್ಯ ನುಡಿದಿದ್ದವು. ಆದರೆ ಆ ಎಲ್ಲಾ ಭವಿಷ್ಯಗಳು ಸುಳ್ಳಾಗಿದ್ದವು.

ಇದನ್ನೂ ಓದಿ : ರಾಜ್ಯದಲ್ಲಿ ಮುಂದಿನ 3 ದಿನ ವರುಣನ ಆರ್ಭಟ: ವಿವಿಧ ಜಿಲ್ಲೆಗಳಿಗೆ ಯೆಲ್ಲೋ ಅಲರ್ಟ್ ಘೋಷಣೆ

ತಮಿಳುನಾಡಿನಲ್ಲಿ ಮತ್ತೊಮ್ಮೆ ಡಿಎಂಕೆ ಸರ್ಕಾರ ರಚಿಸುವುದು ಪಕ್ಕಾ ಎಂದು ಚುನಾವಣೋತ್ತರ ಸಮೀಕ್ಷೆಗಳು ಹೇಳಿವೆ. ಪೀಪಲ್ಸ್ ಪಲ್ಸ್ ಡಿಎಂಕೆ ನೇತೃತ್ವದ ಮೈತ್ರಿಕೂಟಕ್ಕೆ 125-145, ಎಐಎಡಿಎಂಕೆ-ಬಿಜೆಪಿಗೆ 65-80 ಮತ್ತು ಟಿವಿಕೆಗೆ 18-24 ಸ್ಥಾನಗಳನ್ನು ಗಳಿಸಲಿದೆ ಎಂದು ಸಮೀಕ್ಷೆ ಹೇಳಿದೆ. ಡಿಎಂಕೆ-ಕಾಂಗ್ರೆಸ್ 122-132, ಎನ್‌ಡಿಎ 87-100 ಮತ್ತು ಟಿವಿಕೆ 10-12 ಸ್ಥಾನಗಳನ್ನು ಪಡೆಯಲಿದೆ ಎಂದು ಮ್ಯಾಟ್ರಿಜ್ ಭವಿಷ್ಯ ನುಡಿದಿದೆ. ತಮಿಳುನಾಡಿನಲ್ಲಿ ಒಟ್ಟು 234 ಸ್ಥಾನಗಳಿದ್ದು, ಮ್ಯಾಜಿಕ್ ಸಂಖ್ಯೆ 118 ಆಗಿದೆ.

ಇನ್ನು ಪುದುಚೇರಿಯಲ್ಲಿ, ಆಕ್ಸಿಸ್ ಮೈ ಇಂಡಿಯಾ NDA ಗೆ 16-20 ಸ್ಥಾನಗಳು ಮತ್ತು DMK-ಕಾಂಗ್ರೆಸ್‌ಗೆ 6-8 ಸ್ಥಾನಗಳು ಸಿಗುತ್ತವೆ ಎಂದು ಭವಿಷ್ಯ ನುಡಿದಿದೆ. TVK ತಮಿಳುನಾಡು ವಿಧಾನಸಭೆಯಲ್ಲಿ 2-4 ಸ್ಥಾನಗಳನ್ನು ಪಡೆಯುವ ಸಾಧ್ಯತೆಯಿದೆ . ಪುದುಚೇರಿಯಲ್ಲಿ 30 ಚುನಾಯಿತ ಸ್ಥಾನಗಳಿವೆ.
ಮೇ 4ರಂದು ಈ ಐದು ಪಂಚರಾಜ್ಯಗಳ ಮತಎಣಿಕೆ ಕಾರ್ಯ ನಡೆಯಲಿದ್ದು,ಚುನಾವಣೋತ್ತರ ಸಮೀಕ್ಷೆಗಳ ಭವಿಷ್ಯ ನಿಜವಾಗುತ್ತಾ ಇಲ್ಲವಾ ಎಂಬುದಕ್ಕೆ ಉತ್ತರ ದೊರೆಯಲಿದೆ.