ಬಣ್ಣ ಬದಲಿಸುತ್ತಿದೆ ಕಾಸ್ಮಿಕ್​ ಕೇಸರಿ ಬಣ್ಣದ ಐಫೋನ್​ 17 ಪ್ರೋ ಮ್ಯಾಕ್ಸ್ : ಇದರ ಹಿಂದಿದೆ ಈ ಕಾರಣ

IPhone 17: ಯಾವಾಗಿಂದ ಐಫೋನ್​ 17 ಪ್ರೋ ಮ್ಯಾಕ್ಸ್​ ಮಾರುಕಟ್ಟೆಗೆ ಲಗ್ಗೆ ಇಟ್ಟಿತೋ ಅಂದಿನಿಂದಲೂ ಒಂದಿಲ್ಲೊಂದು ಕಾರಣದಿಂದ ಈ ಫೋನ್​ಗಳು ಸುದ್ದಿಯಲ್ಲಿವೆ. ಇದೇ ಮೊದಲನೇ ಬಾರಿ ಐಫೋನ್​ ಕಂಪನಿಯು ಕೇಸರಿ ಬಣ್ಣದ ಫೋನುಗಳನ್ನು ಮಾರುಕಟ್ಟೆಗೆ ಪರಿಚಯಿಸಿತ್ತು.

ಹೊಸ ಬಣ್ಣದ ಫೋನ್​ ಆದ್ದರಿಂದ ಬಹುತೇಕರು ಐಫೊನ್​ 17 ಸರಣಿ ಖರೀದಿಸುವಾಗ ಈ ಬಣ್ಣಕ್ಕೆ ಹೆಚ್ಚು ಆದ್ಯತೆ ನೀಡಿದ್ದರು. ಆದರೆ ಇದೀಗ ಈ ಬಣ್ಣವು ಹೊಸದೊಂದು ಸಂಚಲನ ಮೂಡಿಸಿದೆ.

ಏನೆಂದರೆ ಐಫೋನ್ 17 ಪ್ರೋ ಮ್ಯಾಕ್ಸ್​ ಬಣ್ಣ ಬಿಡುತ್ತಿದೆ ಎನ್ನಲಾಗಿದ್ದು ಹಲವರ ಮೊಬೈಲ್​ಗಳು ಕೇಸರಿ ಬಣ್ಣದಿಂದ ಗುಲಾಬಿ ಬಣ್ಣಕ್ಕೆ ತಿರುಗಿದೆ. ಸೋಶಿಯಲ್​ ಮೀಡಿಯಾದಲ್ಲಿ ಈ ಮಾತಿಗೆ ಪುರಾವೆ ನೀಡುವಂತಹ ಫೋಟೋಗಳು ವೈರಲ್​ ಆಗುತ್ತಿದೆ.

ಸಾಮಾಜಿಕ ಜಾಲತಾಣಗಳ ವೇದಿಕೆಗಳ ಪೈಕಿ ಒಂದಾದ ರೆಡ್ಡಿಟ್​ನಲ್ಲಿ ಬಳಕೆದಾರರೊಬ್ಬರು ತನ್ನ ಐಫೋನ್​ 17 ಪ್ರೋ ಮ್ಯಾಕ್ಸ್​ ಗುಲಾಬಿ ಬಣ್ಣಕ್ಕೆ ತಿರುಗಿರುವ ಬಗ್ಗೆ ಫೋಟೋ ಪೋಸ್ಟ್​ ಮಾಡು್ತ್ತಿದ್ದಂತೆಯೇ ಈ ಚರ್ಚೆ ಆರಂಭಗೊಂಡಿದೆ.

ಫೋನ್​ ಕೆಲ ಭಾಗಗಳು ಗುಲಾಬಿ ಛಾಯೆ ಹೊಂದಿರುವುದನ್ನು ಕಾಣಬಹುದಾಗಿದೆ. ಅನೇಕರು ಇದೇನಪ್ಪಾ ಹೀಗಾಯ್ತು ಎಂದರೆ ಇನ್ನೂ ಕೆಲವರು ಇದು ಎಐ ಎಡಿಟ್​ ಮಾಡಿರುವ ಫೋಟೋ ಎಂದು ಅಭಿಪ್ರಾಯ ಹೊರಹಾಕಿದ್ದಾರೆ. ಇನ್ನೂ ಕೆಲವರು ಕೇಸರಿ ಬಣ್ಣಕ್ಕಿಂತ ಗುಲಾಬಿ ಬಣ್ಣವೇ ಚೆನ್ನಾಗಿದೆ ಎಂದು ತಮಾಷೆ ಮಾಡಿದ್ದಾರೆ.

Also Read: ಅನ್ನದಾತರಿಗೆ ಇಲ್ಲಿದೆ ಗುಡ್​ ನ್ಯೂಸ್​ : ಶೀಘ್ರದಲ್ಲೇ ನಿಮ್ಮ ಖಾತೆಗೆ ಬರಲಿದೆ ₹2000

ಯಾಕೆ ಐಫೋನ್​ ಪ್ರೋ ಮ್ಯಾಕ್ಸ್​ 17 ಪ್ರೋ ಬಣ್ಣ ಬದಲಿಸಿದೆ ?

ಐಫೋನ್​ ಎಂದಿಗೂ ತನ್ನ ಗುಣಮಟ್ಟದ ವಿಚಾರದಲ್ಲಿ ರಾಜಿಮಾಡಿಕೊಂಡ ಇತಿಹಾಸವೇ ಇಲ್ಲ. ಹೀಗಿರುವಾಗ ಯಾಕೆ ಐಫೋನ್​ಗಳು ಬಣ್ಣ ಬದಲಿಸಿದೆ ಎಂಬ ವಿಚಾರದ ಬಗ್ಗೆ ಸಂಶೋಧನೆ ನಡೆಸಿದಾಗ ತಿಳಿದುಬಂದ ನಿಜವಾದ ಕಾರಣ ಅನೇಕರಿಗೆ ಆಶ್ಚರ್ಯವನ್ನುಂಟು ಮಾಡಿದೆ.

ಇದು ಐಫೋನ್​ನ ವಿನ್ಯಾಸದ ಸಮಸ್ಯೆಯಲ್ಲ ಬದಲಾಗಿ ಜನರು ತಮ್ಮ ಮೊಬೈಲ್​ ಫೋನ್​ ಸ್ವಚ್ಛಗೊಳಿಸುವ ವಿಧಾನದಲ್ಲಿ ಸಮಸ್ಯೆಯಿದೆ ಎಂದು ತಿಳಿದುಬಂದಿದೆ. ಐಫೋನ್​ 17 ಪ್ರೋ ಸೀರಿಸ್​ಗಳನ್ನು ಆನೋಡೈಸ್ಡ್​​ ಆಲ್ಯೂಮಿನಿಯಂನಿಂದ ಮಾಡಲಾಗಿದೆ.

ಈ ಲೋಹಗಳನ್ನು ಶುದ್ಧಗೊಳಿಸಲು ಕೆಲ ರಾಸಾಯನಿಕಗಳನ್ನು ಬಳಕೆ ಮಾಡಿದಾಗ ತನ್ನ ಮೇಲೆ ಕೃತಕ ಆಕ್ಸೈಡ್​ ಪದರಗಳು ಕುಳಿತುಕೊಳ್ಳುವಂತೆ ಮಾಡುತ್ತದೆ. ಆಗ ಇದರ ಬಣ್ಣ ಬದಲಾಗುತ್ತದೆ. ಇನ್ನೂ ಸ್ಪಷ್ಟವಾಗಿ ಹೇಳುವುದಾದರೆ ಆಕ್ಸೈಡ್​ ಪದರಗಳು ಪೆರಾಕ್ಸೈಡ್​​ ಆಧಾರಿತ ಕ್ಲೀನರ್​​ಗಳಿಗೆ ಪ್ರತಿಕ್ರಿಯಿಸುತ್ತದೆ. ಹೀಗಾಗಿ ಕೇಸರಿ ಬಣ್ಣದಿಂದ ಗುಲಾಬಿ ಬಣ್ಣಕ್ಕೆ ತಿರುಗಿದೆ ಎಂದು ತಿಳಿದುಬಂದಿದೆ.

Also Read: ಅಮೆಜಾನ್‌, ಫ್ಲಿಪ್‌ಕಾರ್ಟ್‌ನಲ್ಲಿ ವರ್ಷದ ಅತಿದೊಡ್ಡ ಹಬ್ಬದ ಮಾರಾಟ ಪ್ರಾರಂಭ

ಆ್ಯಪಲ್​ ಫೋನ್​ಗಳನ್ನು ಯಾವ ರೀತಿ ಶುಚಿಗೊಳಿಸಬೇಕು :

ಆ್ಯಪಲ್​ ಫೋನ್​ನ ಬಣ್ಣದಲ್ಲಿ ಯಾವುದೇ ರೀತಿಯ ಬದಲಾವಣೆಗಳು ಆಗದಂತೆ, ಲೋಹಕ್ಕೆ ಏನೇ ತೊಂದರೆಯಾಗದಂತೆ ನೋಡಿಕೊಳ್ಳಲು ನಿಮ್ಮ ಫೋನ್​ಗಳನ್ನು ಈ ರೀತಿ ಸ್ವಚ್ಛಗೊಳಿಸಿ ,

• 70 ಪ್ರತಿಶತ ಐಸೊಪ್ರೊಪಿಲ್ ಆಲ್ಕೋಹಾಲ್ ವೈಪ್‌ಗಳು, 70 ಪ್ರತಿಶತ ಈಥೈಲ್ ಆಲ್ಕೋಹಾಲ್ ವೈಪ್‌ಗಳು ಅಥವಾ ಕ್ಲೋರಾಕ್ಸ್ ಸೋಂಕುನಿವಾರಕ ವೈಪ್‌ಗಳನ್ನು ಬಳಸಿ.
• ಫೋನಿನ ಹೊರಭಾಗವನ್ನು ನಿಧಾನವಾಗಿ ಸ್ವಚ್ಛಗೊಳಿಸಿ, ಆದರೆ ಬ್ಲೀಚ್ ಅಥವಾ ಹೈಡ್ರೋಜನ್ ಪೆರಾಕ್ಸೈಡ್ ಹೊಂದಿರುವ ಉತ್ಪನ್ನಗಳನ್ನು ಬಳಸಬೇಡಿ.
• ಐಫೋನ್ ಅನ್ನು ಯಾವುದೇ ಶುಚಿಗೊಳಿಸುವ ಏಜೆಂಟ್‌ನಲ್ಲಿ ಮುಳುಗಿಸಬೇಡಿ.
• ಐಫೋನ್ ಅನ್ನು ಸ್ವಚ್ಛಗೊಳಿಸಿದ ನಂತರ ಯಾವಾಗಲೂ ಸ್ವಚ್ಛವಾದ, ಒಣ ಬಟ್ಟೆಯಿಂದ ಒಣಗಿಸಿ.