Deepika Padukone : ಪತಿ ರಣವೀರ್ ಸಿಂಗ್ ಉಡುಪನ್ನು ಮೈಕ್ಗೆ ಹೋಲಿಸಿದ ದೀಪಿಕಾ ಪಡುಕೋಣೆ
ಬಾಲಿವುಡ್ ನಟ ರಣವೀರ್ ಸಿಂಗ್ ತಮ್ಮ ನಟನಾ ಕೌಶಲ್ಯಗಳಿಗಿಂತ ಹೆಚ್ಚಾಗಿ ತಮ್ಮ ವಿಚಿತ್ರ ಹಾಗೂ ವಿಶಿಷ್ಠ ಉಡುಪಿನ ಶೈಲಿ ಮೂಲಕವೇ ಹೆಚ್ಚು ಸುದ್ದಿಯಲ್ಲಿ ಇರ್ತಾರೆ. ರಂಗ್ಭಿರಂಗಿ ಉಡುಪುಗಳ ಮೂಲಕವೇ ರಣವೀರ್ ಸಿಂಗ್ ಸೋಶಿಯಲ್ ಮೀಡಿಯಾದಲ್ಲಿ ಸುದ್ದಿಯಲ್ಲಿ ಇರ್ತಾರೆ. ಇವರ ವಿಚಿತ್ರ ಡ್ರೆಸ್ ನೋಡಿದ ಅನೇಕರು ಟ್ರೋಲ್ಗಳನ್ನು ಮಾಡೋದುಂಟು. ಈ ಬಾರಿ ಖುದ್ದು ನಟಿ ದೀಪಿಕಾ ಪಡುಕೋಣೆಯೇ (Deepika Padukone) ತಮ್ಮ ಪತಿಯ ಕಾಲೆಳೆದಿದ್ದಾರೆ.
ಈ ತಾರಾ ಜೋಡಿ ಇನ್ನೇನು ಕೆಲವೇ ದಿನಗಳಲ್ಲಿ 83 ಸಿನಿಮಾ ಮೂಲಕ ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ.ಟೀಂ ಇಂಡಿಯಾ ಮಾಜಿ ನಾಯಕ ಕಪಿಲ್ ದೇವ್ ಜೀವನ ಚರಿತ್ರೆ ಆಧಾರಿತ ಸಿನಿಮಾ ಇದಾಗಿದ್ದು ಭಾರತವು ವಿಶ್ವಕಪ್ನ್ನು ಎತ್ತಿ ಹಿಡಿಯುವ ಹಿಂದಿನ ಎಲ್ಲಾ ಪ್ರಯತ್ನಗಳನ್ನು ಎಳೆ ಎಳೆಯಾಗಿ ತೋರಿಸಲಾಗಿದೆ.
ಸಿನಿಮಾ ಪ್ರಮೋಷನ್ನಲ್ಲಿ ಬ್ಯುಸಿ ಇರುವ ನಟಿ ದೀಪಿಕಾ ಪಡುಕೋಣೆ ಹಾಗೂ ನಟ ರಣವೀರ್ ಸಿಂಗ್ ದುಬೈನಲ್ಲಿದ್ದಾರೆ. ಸಿನಿಮಾದ ನಿರ್ದೇಶಕ ಕಬೀರ್ ಖಾನ್ ಜೊತೆಯಲ್ಲಿ ದುಬೈಗೆ ತೆರಳಿದ ಈ ಜೋಡಿ ಮಾಧ್ಯಮಗಳ ಎದುರು ಕಾಣಿಸಿಕೊಂಡಿದೆ. ಇಲ್ಲೂ ಸಹ ರಣವೀರ್ ಸಿಂಗ್ ವಿಭಿನ್ನ ಉಡುಪಿನ ಮೂಲಕ ಮತ್ತೊಮ್ಮೆ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದ್ದಾರೆ.
ಸಿನಿಮಾ ಪ್ರಮೋಷನ್ಗೆಂದು ತೆರಳಿದ್ದ ವೇಳೆಯಲ್ಲಿ ನಟಿ ದೀಪಿಕಾ ಪಡುಕೋಣೆ ತಮ್ಮ ಪತಿಯ ಕಾಲೆಳೆದಿದ್ದಾರೆ. ಮೈಕ್ ಮುಂದೆ ಕುಳಿತ ದೀಪಿಕಾ ಅಲ್ಲೇ ಇದ್ದ ಬಂಗಾರ ಬಣ್ಣದ ಮೈಕ್ನತ್ತ ಕೈ ತೋರಿಸುತ್ತಾ ಈ ಮೈಕ್ ನಿಮ್ಮ ಡಿಸ್ಕೋ ಔಟ್ಫಿಟ್ಗೆ ಮ್ಯಾಚ್ ಆಗುವಂತಿದೆ ಎಂದು ಹೇಳಿದ್ದಾರೆ.
ಈ ವಿಡಿಯೋ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ನೆಟ್ಟಿಗರು ದೀಪಿಕಾ ಪಡುಕೋಣೆ ಸೆನ್ಸ್ ಆಫ್ ಹ್ಯೂಮರ್ಗೆ ಭಲೆ ಎಂದಿದ್ದಾರೆ. ಅಂದಹಾಗೆ ಈ ಸಿನಿಮಾ ಡಿಸೆಂಬರ್ 24ರಂದು ತೆರೆ ಕಾಣುತ್ತಿದೆ. ಈ ಸಿನಿಮಾದಲ್ಲಿ ನಟ ರಣವೀರ್ ಸಿಂಗ್ ಕಪಿಲ್ ದೇವ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರೆ ದೀಪಿಕಾ ಪಡುಕೋಣೆ ಕಪಿಲ್ ಪತ್ನಿ ಪಾತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಈ ಸಿನಿಮಾ ಹಿಂದಿ ಮಾತ್ರವಲ್ಲದೇ ತಮಿಳು , ತೆಲುಗು, ಕನ್ನಡ ಹಾಗೂ ಮಲಯಾಳಂ ಭಾಷೆಗಳಲ್ಲೂ ತೆರೆ ಕಾಣುತ್ತಿದೆ.
ಇದನ್ನು ಓದಿ : Ragini Dwivedi Malayalam Movie : ಮಲೆಯಾಳಂಗೆ ಹಾರಿದ ತುಪ್ಪದ ಬೆಡಗಿ : ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾದಲ್ಲಿ ರಾಗಿಣಿ
ಇದನ್ನೂ ಓದಿ :Niveditha Gowda : ಅಮ್ಮ ಅಜ್ಜಿ ಜೊತೆ ಹೆಜ್ಜೆ ಹಾಕಿದ ನಿವೇದಿತಾ ಗೌಡ : ಸೋಷಿಯಲ್ ಮೀಡಿಯಾ ದಲ್ಲಿ ವಿಡಿಯೋ ವೈರಲ್
Deepika Padukone quirky comment on husband Ranveer Singh’s disco outfit will leave you in splits – WATCH
Comments are closed.