cloth mask : ಓಮಿಕ್ರಾನ್​ ರೂಪಾಂತರಿಯ ವಿರುದ್ಧ ಬಟ್ಟೆ ಮಾಸ್ಕ್​ ಪರಿಣಾಮಕಾರಿಯಲ್ಲ : ಅಧ್ಯಯನ

cloth mask :ಪ್ರಸ್ತುತ ದೇಶವು ಕೊರೊನಾ ಮೂರನೇ ಅಲೆಯ ಹೊಸ್ತಿಲಿನಲ್ಲಿದೆ. ಸಂಭಾವ್ಯ ಮೂರನೇ ಅಲೆಯು ಎರಡನೆ ಅಲೆಯಲ್ಲಿ ಉಂಟು ಮಾಡಿದ ಯಾವುದೇ ಪ್ರತಿಕೂಲ ವಾತಾವರಣಗಳನ್ನು ಮರುಸೃಷ್ಟಿ ಮಾಡದೇ ಇರಲಿ ಎಂದು ಈಗಾಗಲೇ ವಿವಿಧ ಸರ್ಕಾರಗಳು ಸೂಕ್ತ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳುತ್ತಿವೆ. ಸರ್ಕಾರಗಳ ಮುಂಜಾಗ್ರತಾ ಕ್ರಮಗಳ ನಡುವೆಯೆ ಇದೀಗ ನಾವು ಬಳಕೆ ಮಾಡುವ ಮಾಸ್ಕ್​ಗಳೂ ಸಹ ಮತ್ತೊಮ್ಮೆ ಚರ್ಚೆಯಲ್ಲಿದೆ. ಓಮಿಕ್ರಾನ್​​ ಹರಡುವಿಕೆಯ ವೇಗವು ಮಾಸ್ಕ್​ನ ಮಹತ್ವ ಏನು ಎಂಬುದನ್ನು ಮತ್ತೊಮ್ಮೆ ಸಾಬೀತು ಪಡಿಸುತ್ತಿದೆ. ಸಾಮಾನ್ಯವಾಗಿ ಜನರು ಬಟ್ಟೆಯ ಮಾಸ್ಕ್​ಗಳನ್ನೇ ಬಳಕೆ ಮಾಡುತ್ತಾರೆ. ಆದರೆ ತಜ್ಞರು ನೀಡಿರುವ ಮಾಹಿತಿಯ ಪ್ರಕಾರ ಬಟ್ಟೆಯಿಂದ ತಯಾರಾದ ಮಾಸ್ಕ್​​ಗಳು ಓಮಿಕ್ರಾನ್​ ವೈರಸ್​ ವಿರುದ್ಧ ಸೂಕ್ತ ರಕ್ಷಣೆ ನೀಡುವುದಿಲ್ಲ ಎಂದು ತಿಳಿದುಬಂದಿದೆ.

ಅಮೇರಿಕನ್ ಕಾನ್ಫರೆನ್ಸ್ ಆಫ್ ಗವರ್ನಮೆಂಟಲ್ ಇಂಡಸ್ಟ್ರಿಯಲ್ ಹೈಜೀನಿಸ್ಟ್‌ಗಳ ಪ್ರಕಾರ, ವೈರಸ್ ಹರಡುವಿಕೆಯ ವಿರುದ್ಧ ಗರಿಷ್ಠ ರಕ್ಷಣೆ ನೀಡಲು N95 ಮಾಸ್ಕ್​ಗಳು ಉತ್ತಮವಾಗಿದೆ. ಸೋಂಕಿತ ವ್ಯಕ್ತಿಯು ಮಾಸ್ಕ್ ಧರಿಸದೇ ಇದ್ದರೆ ಒಬ್ಬ ವ್ಯಕ್ತಿಯಿಂದ ಇನ್ನೊಬ್ಬ ವ್ಯಕ್ತಿಗೆ ಸೋಂಕು ಹರಡಲು ಕನಿಷ್ಠ 2.5 ಗಂಟೆಗಳು ಬೇಕಾಗುತ್ತದೆ. ಇಬ್ಬರೂ N95 ಮುಖವಾಡಗಳನ್ನು ಧರಿಸಿದ್ದರೆ, ವೈರಸ್ ಹರಡಲು 25 ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ. ಸರ್ಜಿಕಲ್ ಮಾಸ್ಕ್‌ಗಳು ಬಟ್ಟೆಯ ಮಾಸ್ಕ್‌ಗಿಂತ ಉತ್ತಮ ರಕ್ಷಣೆಯನ್ನು ನೀಡುತ್ತವೆ ಆದರೆ ಸೋಂಕಿತ ವ್ಯಕ್ತಿಯು ಮಾಸ್ಕ್​ ಧರಿಸದಿದ್ದರೆ ಮತ್ತು ಎರಡನೇ ವ್ಯಕ್ತಿ ಸರ್ಜಿಕಲ್ ಮಾಸ್ಕ್ ಧರಿಸಿದ್ದರೆ ಸೋಂಕು 30 ನಿಮಿಷಗಳಲ್ಲಿ ಹರಡುತ್ತದೆ ಎಂದು ತೋರಿಸುತ್ತದೆ.

ಅನೇಕ ಜನರು ಉಸಿರಾಡಲು ಆರಾಮವಾಗುತ್ತದೆ ಎಂದು N95 ಗಿಂತ ಬಟ್ಟೆಯ ಮಾಸ್ಕ್​ಗಳನ್ನು ಆರಿಸುತ್ತಿದ್ದಾರೆ. ಇಂತವದು ಕನಿಷ್ಟ ಸರ್ಜಿಕಲ್​ ಮಾಸ್ಕ್​ಗಳನ್ನು ಧರಿಸಿ ಎಂದು ತಜ್ಞರು ಶಿಫಾರಸು ಮಾಡಿದ್ದಾರೆ. ಕೇವಲ 1 ಪದರವನ್ನು ಹೊಂದಿರುವ ಬಟ್ಟೆಯ ಮಾಸ್ಕ್​ಗಳು ವೈರಸ್​ ವಿರುದ್ಧ ಯಾವುದೇ ರಕ್ಷಣೆಗಳನ್ನು ನೀಡುವುದಿಲ್ಲ ಎಂದು ಎಚ್ಚರಿಕೆ ನೀಡಿದ್ದಾರೆ .

Omicron SARs-CoV-2 ನ ಅತ್ಯಂತ ವೇಗವಾಗಿ ಹರಡುವ ರೂಪಾಂತರವಾಗಿದೆ. ಎರಡು ಮತ್ತು ಮೂರು ಡೋಸ್ ಲಸಿಕೆಗಳನ್ನು ಹೊಂದಿರುವ ಜನರು ಸಹ ಸೋಂಕಿಗೆ ಒಳಗಾಗುತ್ತಿದ್ದಾರೆ. ಆದ್ದರಿಂದ, ಕೋವಿಡ್ ವಿರುದ್ಧ ಸೂಕ್ತ ಎಚ್ಚರಿಕೆಯನ್ನು ಕೈಗೊಳ್ಳುವುದು ಮುಖ್ಯವಾಗಿದೆ. ಇಬ್ಬರು ವ್ಯಕ್ತಿಗಳು ಮಾಸ್ಕ್ ಧರಿಸದೇ ಇದ್ದರೆ ಮತ್ತು ಅವರಲ್ಲಿ ಒಬ್ಬರು ಸೋಂಕಿಗೆ ಒಳಗಾಗಿದ್ದರೆ, ನಂತರ ಸೋಂಕು 15 ನಿಮಿಷಗಳಲ್ಲಿ ಹರಡುತ್ತದೆ ಎಂದು ಡೇಟಾ ತೋರಿಸುತ್ತದೆ. ಎರಡನೆಯ ವ್ಯಕ್ತಿಯು ಬಟ್ಟೆಯ ಮುಖವಾಡವನ್ನು ಧರಿಸಿದರೆ, ನಂತರ ವೈರಸ್ 20 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ. ಇಬ್ಬರೂ ಬಟ್ಟೆಯ ಮಾಸ್ಕ್ ಧರಿಸಿದರೆ, 27 ನಿಮಿಷಗಳಲ್ಲಿ ಸೋಂಕು ಹರಡುತ್ತದೆ ಎನ್ನಲಾಗಿದೆ.

It takes only 20 minutes to get Covid if you are wearing a cloth mask: Study

ಇದನ್ನು ಓದಿ : Weekend curfew rules : ರಾಜ್ಯದಲ್ಲಿ ವೀಕೆಂಡ್​ ಕರ್ಫ್ಯೂ ಅವಧಿಯಲ್ಲಿ ಏನಿರುತ್ತೆ, ಏನಿರಲ್ಲ: ಇಲ್ಲಿದೆ ಮಾಹಿತಿ

ಇದನ್ನೂ ಓದಿ : Curfew Relaxation : ಕಾಂಗ್ರೆಸ್ ಗಾಗಿ ಕರ್ಪ್ಯೂ ಸಡಿಲಿಕೆ : ರೆಸಾರ್ಟ್, ರೆಸ್ಟೋರೆಂಟ್ ಗೆ ಅವಕಾಶ ಕೊಟ್ಟ ಸರ್ಕಾರ