Benefits of Clove : ನೀವು ತಿಳಿಯಲೇಬೇಕಾದ ಲವಂಗದ 5 ಆರೋಗ್ಯ ಪ್ರಯೋಜನಗಳು

ಭಾರತ (India) ಸಾಂಬಾರ ಪದಾರ್ಥಗಳಿಗೆ (spices) ಹೆಸರುವಾಸಿಯಾದ ದೇಶ. ಅವುಗಳನ್ನು ನಮ್ಮ ಪ್ರಾಚೀನ ವೈದ್ಯ ಪದ್ಧತಿಯಾದ ಆಯುರ್ವೇದ (Ayurveda) ದಲ್ಲಿ ಬಳಕೆ ಮಾಡಿಕೊಂಡಿರುವುದು ಹೆಮ್ಮೆಯ ವಿಷಯ. ಆಯುರ್ವೇದ ಪದ್ಧತಿಯಲ್ಲಿ ಬಳಕೆಯಾಗುವ ಹೆಚ್ಚಿನ ನೈಸರ್ಗಿಕ ಗಿಡಮೂಲಿಕೆಗಳು ಮತ್ತು ಮಸಾಲೆಗಳು ನಮ್ಮ ಅಡುಗೆಮನೆಯಲ್ಲಿ ಸುಲಭವಾಗಿ ಲಭ್ಯವಿದ್ದರೂ, ನಾವು ಅವುಗಳ ಪ್ರಯೋಜನವನ್ನು (Benefits of Clove) ಪೂರ್ಣವಾಗಿ ತಿಳಿದಿಲ್ಲ. ಅವುಗಳಲ್ಲಿ ಒಂದು ಲವಂಗ (Clove). ಇದು ಅನೇಕ ರೋಗಗಳ ವಿರುದ್ಧ ಹೋರಾಡುವುದರಲ್ಲಿ ಹೆಸರುವಾಸಿಯಾಗಿದೆ.

ವಿಶಿಷ್ಟ ಪರಿಮಳ ಬೀರುವ ಲವಂಗದ ಸೇವನೆಯಿಂದ ನಮ್ಮ ದೇಹಕ್ಕೆ ಅನೇಕ ಪ್ರಯೋಜನಗಳಿವೆ.

ಸೋಂಕುಗಳ ವಿರುದ್ಧ ಹೋರಾಡುತ್ತದೆ :
ಲವಂಗ, ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಿ, ಸೋಂಕುಗಳ ವಿರುದ್ಧ ಹೋರಾಡುತ್ತದೆ. ಅನೇಕ ಆಯುರ್ವೇದ ಔಷಧಗಳಲ್ಲಿ, ಲವಂಗವು ಅದರ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಗುಣದಿಂದಾಗಿ ಹೆಚ್ಚು ಪರಿಗಣಿಸಲ್ಪಟ್ಟಿದೆ. ಒಣಗಿದ ಲವಂಗವು ದೇಹದಲ್ಲಿ ಬಿಳಿ ರಕ್ತ ಕಣಗಳ ಬೆಳವಣಿಗೆಯನ್ನು ಉತ್ತೇಜಿಸುವ ಸಂಯುಕ್ತವನ್ನು ಹೊಂದಿದೆ. ಈ ಜೀವಕೋಶಗಳು ದೇಹವನ್ನು ವಿವಿಧ ಸೋಂಕುಗಳಿಂದ ರಕ್ಷಿಸಲು ನೆರವಾಗುತ್ತವೆ
ಮಲಗುವ ಮೊದಲು ಒಂದು ಲವಂಗವನ್ನು ಅಗಿದು, ಬೆಚ್ಚಗಿನ ನೀರನ್ನು ಕುಡಿಯುವುದರಿಂದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಬಹುದು.

ಆರೋಗ್ಯಕರ ಯಕೃತ್ತು:
ಇದು ಯಕೃತ್ತಿನ ಸಮಸ್ಯೆ ದೂರಮಾಡಿ ಪಿತ್ತಜನಕಾಂಗವನ್ನು ಬಲಪಡಿಸುತ್ತದೆ. ಇದು ಯಕೃತ್ತಿಗೆ ಹಾನಿ ಮಾಡುವ ಸ್ವತಂತ್ರ ರಾಡಿಕಲ್ಗಳೊಂದಿಗೆ ಹೋರಾಡುತ್ತದೆ. ಅಷ್ಟೇ ಅಲ್ಲದೇ, ಇದರಲ್ಲಿ ಯಕೃತ್ತಿನ ಜೀವಕೋಶಗಳ ಪುನರುತ್ಪಾದನೆಯನ್ನು ಉತ್ತೇಜಿಸುವ ಹೆಪಟೊಪ್ರೊಟೆಕ್ಟಿವ್ ಗುಣಲಕ್ಷಣಗಳು ಹೇರಳವಾಗಿದೆ. ಪ್ರತಿದಿನ ಲವಂಗವನ್ನು ಅಗಿಯುವುದು ನಿಮ್ಮ ಲಿಪಿಡ್ ಪ್ರೊಫೈಲ್ ಅನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.

ಕೆಮ್ಮಿಗೆ ಲವಂಗ :
ಮೇಲ್ಭಾಗದ ಉಸಿರಾಟದ ಕಾಯಿಲೆಗಳನ್ನು ಶಮನಗೊಳಿಸಲು ಸಹಾಯಮಾಡುತ್ತದೆ. ವಿಶೇಷವಾಗಿ COVID-19 ನಂತರ ಜನರು ಮೇಲ್ಭಾಗದ ಉಸಿರಾಟದ ಕಾಯಿಲೆಗಳಿಗೆ ಹೆಚ್ಚು ಒಳಗಾಗುತ್ತಾರೆ. ಲವಂಗವು ಕಮ್ಮು, ಲಾರಿಂಜೈಟಿಸ್, ನೋಯುತ್ತಿರುವ ಮತ್ತು ಕಟ್ಟಿದ ಗಂಟಲು ಮುಂತಾದ ಸಮಸ್ಯೆಗಳನ್ನು ಎದುರಿಸಲು ನಿಜವಾಗಿಯೂ ಸಹಾಯ ಮಾಡುವ ವಸ್ತುವಾಗಿದೆ. ಒಂದು ಅಥವಾ ಎರಡು ಲವಂಗವನ್ನು ಬಾಯಿಯಲ್ಲಿ ಇಟ್ಟುಕೊಂಡು ನಿಧಾನವಾಗಿ ಅಗಿಯುತ್ತಾ ಇರಿ. ಅದರ ತೀಕ್ಷ್ಣ ಪರಿಮಳ ಹೋಗುವವರೆಗೂ ಅಗಿಯಿರಿ, ನಂತರ ಬೆಚ್ಚಗಿನ ನೀರು ಕುಡಿಯಿರಿ. ಇಲ್ಲವೇ ಹೀಗೂ ಮಾಡಬಹುದು,
ಲವಂಗವನ್ನು ಪುಡಿಮಾಡಿ ಮತ್ತು ಪುಡಿಯೊಂದಿಗೆ ಬೆಚ್ಚಗಿನ ನೀರನ್ನು ಸೇರಿಸಿ ಕುಡಿಯಿರಿ.

ಉರಿಯೂತ ಶಮನಗೊಳಿಸುತ್ತದೆ :
ಲವಂಗವು ಕೀಲು ನೋವುಗಳನ್ನು ನಿವಾರಿಸುತ್ತದೆ. ಕೀಲು ನೋವು ಅತ್ಯಂತ ಕೆಟ್ಟ ಅನುಭವ ನೀಡುತ್ತದೆ. ಆದರೆ, ಲವಂಗವನ್ನು ದಿನನಿತ್ಯ ಸೇವಿಸಿದರೆ ಸ್ವಲ್ಪ ಆರಾಮ ಸಿಗುವುದು ಖಚಿತ. ಲವಂಗದಲ್ಲಿ ಉರಿಯೂತ ಶಮನಗೊಳಿಸುವ ಗುಣಲಕ್ಷಣಗಳು ಸಮೃದ್ಧವಾಗಿದೆ. ಅದು ನಿಮ್ಮ ಕೀಲು ನೋವನ್ನು ನಿವಾರಿಸುತ್ತದೆ. ಇದರ ನೋವು ನಿವಾರಕ ಗುಣವು ಸಂಧಿವಾತದ ಅಪಾಯವನ್ನು ಕಡಿಮೆ ಮಾಡುತ್ತದೆ ಮತ್ತು ಹಲ್ಲುನೋವಿಗೂ ಉತ್ತಮ ಚಿಕಿತ್ಸೆಯಾಗಿದೆ. ಈ ಪ್ರಯೋಜನಗಳನ್ನು ಪಡೆಯಲು ನೀವು ಪ್ರತಿದಿನ ಬೆಚ್ಚಗಿನ ಲವಂಗ ನೀರನ್ನು ಕುಡಿಯಬಹುದು.

ಜೀರ್ಣಕ್ರಿಯೆ ಸುಧಾರಿಸುತ್ತದೆ :
ಜೀರ್ಣಕ್ರಿಯೆ ಸುಧಾರಿಸಿ ಆರೋಗ್ಯ ಕಾಪಾಡುತ್ತದೆ. ಇತ್ತೀಚಿನ ದಿನಗಳಲ್ಲಿ ಜೀರ್ಣಕಾರಿ ಸಮಸ್ಯೆಗಳು ಬಹಳ ಸಾಮಾನ್ಯವಾಗಿದೆ. ಗ್ಯಾಸ್‌ ಮತ್ತು ವಾಕರಿಕೆಯಿಂದ ಜಠರದುರಿತ ಮತ್ತು ಡಿಸ್ಪೆಪ್ಸಿಯಾದವರೆಗೆ, ಜೀರ್ಣಕ್ರಿಯೆಗೆ ಸಂಬಂಧಿಸಿದ ಹಲವಾರು ಕಾಯಿಲೆಗಳು ನಮ್ಮನ್ನು ಕಾಡುತ್ತವೆ. ಆದರೆ, ಲವಂಗವನ್ನು ಪ್ರತಿದಿನ ಸೇವಿಸುವುದರಿಂದ ಇಂತಹ ಕಾಯಿಲೆಗಳನ್ನು ದೂರವಿಡಬಹುದು. ಲವಂಗವು ನಿಮ್ಮ ದೇಹದಲ್ಲಿ ಕಿಣ್ವ ಸ್ರವಿಸುವಿಕೆಯನ್ನು ಉತ್ತೇಜಿಸುವ ಮೂಲಕ ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ, ಇದು ಜೀರ್ಣಕಾರಿ ಕಾರ್ಯಗಳನ್ನು ಸುಧಾರಿಸುತ್ತದೆ.
ಇದು ಅತಿಸಾರವನ್ನು ನಿಯಂತ್ರಿಸಲು ಸಹ ಸಹಕಾರಿ.

ಇದನ್ನೂ ಓದಿ : Kia Seltos : 6 ಏರ್‌ಬ್ಯಾಗ್‌ಗಳ ಸುಧಾರಿತ ಸುರಕ್ಷತೆ ಅಳವಡಿಸಿಕೊಂಡು ಬರಲಿದೆ ಕಿಯಾ ಸೆಲ್ಟೋಸ್‌ ಎಸ್‌ಯುವಿ

ಇದನ್ನೂ ಓದಿ: Banana Benefits : ಬಾಳೆಕಾಯಿ ತಿನ್ನಿ, ಕ್ಯಾನ್ಸರ್‌ನಿಂದ ದೂರವಿರಿ; ರಿಸರ್ಚ್‌ನಿಂದ ಬಯಲಾಯ್ತು ಈ ಸೀಕ್ರೆಟ್‌

(Benefits of Clove you must know these 5 benefits of cloves)