RSS Funding : ಆರ್ಎಸ್ಎಸ್ ಆದಾಯದ ಮೂಲ ಪ್ರಶ್ನಿಸಿದ ಸಚಿವ ಪ್ರಿಯಾಂಕ್ ಖರ್ಗೆಗೆ ಮೋಹನ್ ಭಾಗ್ವತ್ ತಿರುಗೇಟು
RSS Funding : ಆರ್ಎಸ್ಎಸ್ ಹಾಗೂ ಸಚಿವ ಪ್ರಿಯಾಂಕ್ ಖರ್ಗೆ ನಡುವೆ ಜಟಾಪಟಿ ಮುಗಿಯುವ ಲಕ್ಷಣ ಕಾಣುತ್ತಿಲ್ಲ. ಕೆಲ ದಿನಗಳ ಹಿಂದಷ್ಟೇ ಇನ್ನೂ ನೊಂದಣಿಯೇ ಆಗದ ರಾಷ್ಟ್ರೀಯ ಸ್ವಯಂ ಸೇವಕ ಸಂಘಕ್ಕೆ ಹಣದ ಮೂಲ ಎಲ್ಲಿಂದ ಬರುತ್ತೆ ಎಂದು ಪ್ರಶ್ನೆ ಮಾಡಿದ್ದರು. ಈ ಪ್ರಶ್ನೆಗೆ ಇದೀಗ ಸ್ವತಃ ಆರ್ಎಸ್ಎಸ್ ಮುಖ್ಯಸ್ಥ ಮೋಹನ ಭಾಗವತ್ ಉತ್ತರಿಸಿದ್ದಾರೆ.
ಬೆಂಗಳೂರಿನಲ್ಲಿ ಈ ವಿಚಾರವಾಗೊ ಮಾತನಾಡಿದ ಮೋಹನ್ ಭಾಗ್ವತ್, ಆರ್ಎಸ್ಎಸ್ ಎಂದಿಗೂ ಹೊರಗಿನ ನಯಾಪೈಸೆ ಮುಟ್ಟಿಲ್ಲ. ನಮ್ಮ ಸಂಘದ ಕಾರ್ಯಕರ್ತರೇ ನಮ್ಮ ಆದಾಯದ ಮೂಲ. ಸ್ವಯಂ ಸೇವಕರು ನೀಡಿದ ದೇಣಿಗೆ ಹಣದಿಂದಲೇ ನಮ್ಮ ಸಂಘ ನಡೆಯುತ್ತಿದೆ ಎಂದು ಹೇಳಿದ್ದಾರೆ.
ಆರ್ಎಸ್ಎಸ್ಗೆ ಬಡ ಸ್ವಯಂ ಸೇವಕರೂ ದೇಣಿಗೆ ನೀಡುತ್ತಾರೆ. ವರ್ಷಂಪೂರ್ತಿ ದ್ವಿದಳ ಧಾನ್ಯ ತಿನ್ನದೇ ಹಣ ಕೂಡಿಟ್ಟು ಆರ್ಎಸ್ಎಸ್ಗೆ ನೀಡುವವರೂ ಇದ್ದಾರೆ. ಇದೇ ಹಣದಿಂದ ನಾವು ನಮ್ಮ ಸಂಘವನ್ನು ನಡೆಸುತ್ತಿದ್ದೇವೆ ಎಂದು ಬೆಂಗಳೂರಿನಲ್ಲಿ ನಡೆದ ಆರ್ಎಸ್ಎಸ್ ಶತಮಾನೋತ್ಸವ ಉಪನ್ಯಾಸ ಕಾರ್ಯಕ್ರಮದಲ್ಲಿ ಅವರು ಹೇಳಿದರು.
ಇದನ್ನೂ ಓದಿ : ಪರಪ್ಪನ ಅಗ್ರಹಾರ ಜೈಲಲ್ಲಿ ಖೈದಿಗಳ ವಿಲಾಸಿ ಜೀವನ, ಲಷ್ಕರ್ ಸಂಘಟನೆ ಉಗ್ರನಿಗೆ ಮೊಬೈಲ್ ಬಳಕೆಗೆ ಅವಕಾಶ
ಆರ್ಎಸ್ಎಸ್ ಎಂದಿಗೂ ಅಧಿಕಾರಕ್ಕಾಗಿ ಹೋರಾಡುವುದಿಲ್ಲ. ಆರ್ಎಸ್ಎಸ್ ಸಮಾಜದಲ್ಲಿ ಹಿಂದೂ ಸಂಘಟನೆಯ ಕಾರ್ಯವನ್ನು ಮಾತ್ರ ಮಾಡುತ್ತಿದೆ.ಭಾರತ ಮಾತೆಯ ಘನತೆಯನ್ನು ಕಾಪಾಡಲು ಆರ್ಎಸ್ಎಸ್ ಶ್ರಮಿಸಿದೆ.
ಆದರೆ ನಮ್ಮ ಸಂಘವನ್ನು ವಿಷಕಾರಿ ಎಂದು ಕರೆಯುವವರಿದ್ದಾರೆ. ಆದರೆ ಜನರ ಬೆಂಬಲ ನಮ್ಮೊಂದಿಗಿದೆ ಎಂಬುದು ನಮಗೆ ತಿಳಿದಿದೆ. ಸಮಾಜ ಸಂಘಟನೆ ಮಾತ್ರ ನಮ್ಮ ಗುರಿ. ಈ ರೀತಿಯ ವಿರೋಧಗಳಿಗೆ ನಾವು ತಲೆಕೆಡಿಸಿಕೊಳ್ಳುವುದಿಲ್ಲ ಎಂದಿದ್ದಾರೆ.
ಇದನ್ನೂ ಓದಿ : ಆರ್ಎಸ್ಎಸ್ ತೆರಿಗೆ ಕಟ್ಟುತ್ತಾ ? ಸತ್ಯ ಬಿಚ್ಚಿಟ್ಟ ಮೋಹನ್ ಭಾಗವತ್
Mohan Bhagwat Hits Back at Minister Priyank Kharge for Questioning RSS Funding
