ಉಡುಪಿಯಲ್ಲಿ ಹದಗೆಡುತ್ತಿದೆ ಗಾಳಿಯ ಗುಣಮಟ್ಟ : ಹವಾಮಾನ ವೈಪರೀತ್ಯದಿಂದ ಕಾದಿದ್ಯಾ ಅಪಾಯ ?

ಉಡುಪಿ : ಕೃಷ್ಣನ ನಗರಿ ಉಡುಪಿಯಲ್ಲಿ ಇಂದು ವಾಯು ಗುಣಮಟ್ಟ ಸೂಚ್ಯಂಕ (AQI) 83 ದಾಖಲಾಗಿದೆ. ಹವಾಮಾನ ಇಲಾಖೆಯ ಮಾನದಂಡಗಳ ಪ್ರಕಾರ ಇದು ‘ಸಾಧಾರಣ’ (Moderate) ಮಟ್ಟದ್ದಾಗಿದ್ದರೂ, ಮುಂಬರುವ ದಿನಗಳಲ್ಲಿ ಹವಾಮಾನದ ಬದಲಾವಣೆ ಅಪಾಯವನ್ನು ತಂದೊಡ್ಡುವ ಭೀತಿ ಎದುರಾಘಿದೆ.

ಏನಿದು 83 AQI ?

ಸಾಮಾನ್ಯವಾಗಿ 0-50 ರವರೆಗಿನ AQI ‘ಉತ್ತಮ’ ಎಂದು ಪರಿಗಣಿಸಲಾಗುತ್ತದೆ. ಆದರೆ 83 ತಲುಪಿರುವುದು ವಾಯುವಿನಲ್ಲಿ ಧೂಳು ಮತ್ತು ಸಣ್ಣ ಕಣಗಳ ಪ್ರಮಾಣ ಏರಿಕೆಯಾಗಿರುವುದನ್ನು ಸೂಚಿಸುತ್ತದೆ. ಸದ್ಯಕ್ಕೆ ಇದು ಸಾಮಾನ್ಯ ಜನರಿಗೆ ತೊಂದರೆ ನೀಡದಿದ್ದರೂ, ಶ್ವಾಸಕೋಶದ ಕಾಯಿಲೆ ಇರುವವರು, ಮಕ್ಕಳು ಮತ್ತು ವೃದ್ಧರಿಗೆ ಸ್ವಲ್ಪ ಮಟ್ಟದ ಅಸ್ವಸ್ಥತೆ ಉಂಟುಮಾಡುವ ಸಾಧ್ಯತೆ ಇರುತ್ತದೆ.

ಹವಾಮಾನ ಬದಲಾದರೆ ‘ಡೇಂಜರ್’?

ಹವಾಮಾನದ ಬದಲಾವಣೆ ಜನರ ಜೀವನದ ಮೇಲೆಯೇ ಪ್ರತಿಕೂಲ ಪರಿಣಾಮವನ್ನು ಬೀರಲಿದೆ. ಅದ್ರಲ್ಲೂ ವಾಯು ಗುಣಮಟ್ಟವು ಹವಾಮಾನದ ಮೇಲೆ ನೇರವಾಗಿ ಅವಲಂಬಿತವಾಗಿದೆ:

• ಗಾಳಿಯ ಸ್ಥಗಿತ: ಒಂದು ವೇಳೆ ಗಾಳಿ ಬೀಸುವುದು ಕಡಿಮೆಯಾಗಿ, ವಾತಾವರಣ ಸ್ಥಬ್ದಗೊಂಡರೆ ವಾಹನಗಳ ಹೊಗೆ ಮತ್ತು ಕೈಗಾರಿಕಾ ಧೂಳು ಒಂದೇ ಕಡೆ ಶೇಖರಣೆಯಾಗುತ್ತದೆ. ಇದರಿಂದ AQI 150-200 ದಾಟಿ ‘ಅಪಾಯಕಾರಿ’ (Unhealthy) ಮಟ್ಟಕ್ಕೆ ತಲುಪಬಹುದು.
• ಉಷ್ಣಾಂಶ ಏರಿಕೆ: ಬಿಸಿಲು ಹೆಚ್ಚಾದಂತೆ ನೆಲಮಟ್ಟದಲ್ಲಿ ‘ಓಜೋನ್’ ಕಣಗಳ ಸೃಷ್ಟಿ ಹೆಚ್ಚಾಗುತ್ತದೆ, ಇದು ಉಸಿರಾಟದ ಸಮಸ್ಯೆಗೆ ನೇರ ಕಾರಣವಾಗುತ್ತದೆ.
• ಮಳೆಯ ಕೊರತೆ: ಮಳೆಯಾದರೆ ಗಾಳಿಯಲ್ಲಿನ ಧೂಳು ನೆಲಕ್ಕೆ ಸೇರುತ್ತದೆ. ಮಳೆ ಬಾರದೆ ಕೇವಲ ಮೋಡ ಕವಿದು ತೇವಾಂಶ ಹೆಚ್ಚಾದರೆ, ಧೂಳಿನ ಕಣಗಳು ಗಾಳಿಯಲ್ಲೇ ತೇಲುತ್ತಾ ‘ಸ್ಮೋಗ್’ (Smog) ಸೃಷ್ಟಿಸುತ್ತವೆ.

Also Read : ಕೋಟ: ಸಿಸಿ ಕ್ಯಾಮೆರಾ ಕಿರಿಕ್; ವೃದ್ಧೆಯ ಮೇಲೆ ಹಲ್ಲೆ ನಡೆಸಿ ಜೀವ ಬೆದರಿಕೆ, 7 ಮಂದಿಯ ವಿರುದ್ಧ ಎಫ್‌ಐಆರ್

ಯಾವೆಲ್ಲಾ ಸಮಸ್ಯೆಗಳು ಉಂಟಾಗಲಿದೆ ?

ವಾಯು ಮಾಲಿನ್ಯ ಹೆಚ್ಚಾದರೆ ಕೇವಲ ಉಸಿರಾಟದ ಸಮಸ್ಯೆಯಷ್ಟೇ ಅಲ್ಲದೆ, ಕಣ್ಣಿನ ಉರಿ, ಚರ್ಮದ ಅಲರ್ಜಿ ಮತ್ತು ಅಕಾಲಿಕ ಆಯಾಸ ಕಾಣಿಸಿಕೊಳ್ಳಬಹುದು. ನಗರ ಪ್ರದೇಶಗಳಲ್ಲಿ ಕಟ್ಟಡ ನಿರ್ಮಾಣ ಕಾರ್ಯಗಳು ಹೆಚ್ಚಾಗಿರುವುದರಿಂದ ಧೂಳಿನ ಪ್ರಮಾಣ ನಿಯಂತ್ರಿಸುವುದು ಸವಾಲಾಗಿದೆ.

Also Read : ಅನ್ಯಧರ್ಮೀಯರಿಂದ ದೈವನರ್ತನ ಆರೋಪ : ಗಣೇಶ ಪಂಬದ ಕುಟುಂಬಸ್ಥರಿಂದ ದಾಖಲೆ ಸಮೇತ ಸ್ಪಷ್ಟನೆ

ಸದ್ಯಕ್ಕೆ ಗಾಳಿಯ ಗುಣಮಟ್ಟ ನಿಯಂತ್ರಣದಲ್ಲಿದ್ದರೂ, ಸಾರ್ವಜನಿಕರು ಮಾಸ್ಕ್ ಧರಿಸುವುದು ಮತ್ತು ಅನಗತ್ಯವಾಗಿ ವಾಹನಗಳ ಬಳಕೆ ಕಡಿಮೆ ಮಾಡುವುದು ಪರಿಸರಕ್ಕೆ ಪೂರಕವಾಗಲಿದೆ.

Udupi air quality index aqi 83 moderate level weather update kannada news