ನೀವು ಮಾಡುವ ಈ ತಪ್ಪುಗಳಿಂದ ಮನೆಯಲ್ಲಿ ರಾಹು ವಾಸ ಹೆಚ್ಚುತ್ತದೆ

Postive Weather: ವೈದಿಕ ಜ್ಯೋತಿಷ್ಯದ ಪ್ರಕಾರ ರಾಹುವನ್ನು ಜೀವನದಲ್ಲಿ ಅಡೆತಡೆಗಳನ್ನು ಸೃಷ್ಠಿಸುವ ಛಾಯಾ ಗ್ರಹ ಎಂದು ಪರಿಗಣಿಸಲಾಗುತ್ತದೆ. ನಮ್ಮ ಜೀವನದಲ್ಲಿ ದುಷ್ಟ ಪ್ರಭಾವಗಳು ಬೀರುವ ಹಿಂದೆ ರಾಹುವಿನ ಪಾತ್ರ ಇರುತ್ತದೆ. ನಿಮ್ಮ ಜೀವನದಲ್ಲಿಯೂ ನಿಮಗೆ ತಿಳಿಯದೆಯೇ ರಾಹುವಿನ ಪ್ರವೇಶವಾಗಿರಬಹುದು ಹಾಗೂ ನಕಾರಾತ್ಮಕ ಪರಿಣಾಮಗಳನ್ನುಂಟು ಮಾಡುತ್ತಿರಬಹುದು.

ವಾಸ್ತು ಶಾಸ್ತ್ರದ ಪ್ರಕಾರ, ಮನೆಯ ನಿರ್ದಿಷ್ಟ ವಾಸ್ತುಶಿಲ್ಪ ಅಥವಾ ಜೀವನಶೈಲಿಯಲ್ಲಿ ನಾವು ಮಾಡುವ ತಪ್ಪುಗಳನ್ನು ರಾಹುವಿನ ಶಕ್ತಿ ಹೆಚ್ಚುವಂತೆ ಮಾಡಬಹುದು. ಇದರಿಂದ ಜೀವನದಲ್ಲಿ ಅಸ್ತವ್ಯಸ್ತತೆ, ಆರೋಗ್ಯ ಸಮಸ್ಯೆಗಳು ಹಾಗೂ ಆರ್ಥಿಕ ಹಿನ್ನಡೆ ಸಂಭವಿಸುವ ಸಾಧ್ಯತೆ ಇರುತ್ತದೆ.

ನಿಮ್ಮ ಜೀವನದಲ್ಲಿ ನೀವು ಅತಿಯಾದ ಸಮಸ್ಯೆಗಳನ್ನು ಎದುರಿಸುತ್ತಿದ್ದರೆ, ಉದಾಹರಣೆಗೆ ಕೆಲಸ ಕಾರ್ಯಗಳಲ್ಲಿ ವಿಳಂಬ, ಅನಾರೋಗ್ಯ, ಭಾವನಾತ್ಮಕವಾಗಿ ಕುಗ್ಗುವುದು ಈ ರೀತಿಯೆಲ್ಲ ಅನುಭವವಾಗುತ್ತಿದ್ದರೆ ನೀವು ನಿಮ್ಮ ಮನೆಯ ವಾಸ್ತುವನ್ನು ಪರೀಕ್ಷಿಸುವುದು ಉತ್ತಮ.

ರಾಹುವಿನ ಪ್ರತಿಕೂಲ ಪ್ರಭಾವವು ನಿಮ್ಮ ವಾಸಸ್ಥಳದ ಮೇಲೆ ಹಿಡಿತ ಸಾಧಿಸುವುದನ್ನು ತಡೆಯಲು ನೀವು ತಪ್ಪಿಸಬೇಕಾದ ಐದು ಪ್ರಮುಖ ವಿಚಾರಗಳು ಇಲ್ಲಿವೆ.

Also Read: ಶೌಚಾಲಯದಲ್ಲಿ ಮೊಬೈಲ್​ ಬಳಕೆ ಮಾಡುವ ಅಭ್ಯಾಸವಿದೆಯೇ: ಈ ಖಾಯಿಲೆ ಅಪಾಯ ನಿಮಗೆ ಜಾಸ್ತಿ

• ಮನೆಯ ಅಲಂಕಾರಕ್ಕೆ ಮುಳ್ಳಿನ ಗಿಡ ಬಳಕೆ :

ನಿಮ್ಮ ಮನೆಯ ಒಳಗೆ ಅಲಂಕಾರಕ್ಕೆಂದು ಪಾಪಸ್​ಕಳ್ಳಿ ರೀತಿಯ ಮುಳ್ಳಿನ ಅಥವಾ ಮೊನಚಾದ ಗಿಡಗಳನ್ನು ಇಡುವುದನ್ನು ತಪ್ಪಿಸಬೇಕು. ವಾಸ್ತು ಪ್ರಕಾರ, ಈ ಸಸ್ಯಗಳು ಆಕ್ರಮಣಶೀಲತೆಯನ್ನು ಸಂಕೇತಿಸುತ್ತವೆ ಮತ್ತು ರಾಹುವಿನ ಪ್ರಭಾವವನ್ನು ಹೆಚ್ಚಿಸುತ್ತದೆ. ಇದರಿಂದ ಕೆಲಸದ ಸ್ಥಳದಲ್ಲಿ ಸಮಸ್ಯೆಗಳು, ಆತಂಕ ಮತ್ತು ಸಂಬಂಧಗಳಲ್ಲಿ ಬಿರುಕುಗಳಿಗೆ ಕಾರಣವಾಗಬಹುದು. ನೀವು ಅಂತಹ ಗಿಡಗಳನ್ನು ಬೆಳೆಸಲು ಬಯಸಿದರೆ, ಅವುಗಳನ್ನು ನಿಮ್ಮ ಮನೆಯೊಳಗೆ ಅಲ್ಲ, ಹೊರಗೆ ತೆರೆದ ಸ್ಥಳಗಳಲ್ಲಿ ಇರಿಸಬೇಕು.

• ಹಾಸಿಗೆಯ ಮೇಲೆ ಕುಳಿತು ಊಟ ಮಾಡುವುದು :

ನಿಮಗೆ ಹಾಸಿಗೆಯ ಮೇಲೆ ಕುಳಿತು ಊಟ ಮಾಡುವ ಅಭ್ಯಾಸವಿದ್ದರೆ ಈಗಲೇ ಅದನ್ನು ನಿಲ್ಲಿಸುವುದು ಉತ್ತಮ. ಈ ಅಭ್ಯಾಸವು ರಾಹುವಿನ ನಕಾರಾತ್ಮಕ ಶಕ್ತಿಯನ್ನು ಆಹ್ವಾನಿಸುತ್ತದೆ ಎಂದು ನಂಬಲಾಗಿದೆ, ಇದರಿಂದ ಪದೇ ಪದೇ ಆರ್ಥಿಕ ನಷ್ಟಗಳು ಮತ್ತು ಇನ್ನಿತರ ತೊಂದರೆಗಳು ಸಂಭವಿಸುತ್ತದೆ. ನೆಲದ ಮೇಲೆ ಕುಳಿತು ಊಟ ಮಾಡುವುದು ನಿಮ್ಮ ಜೀವನದಲ್ಲಿ ಅದೃಷ್ಟ ಮತ್ತು ಸ್ಥಿರತೆಯನ್ನು ಆಕರ್ಷಿಸುತ್ತದೆ ಎಂದು ಹೇಳಲಾಗುತ್ತದೆ.

• ಮನೆಯಲ್ಲಿ ನೈಸರ್ಗಿಕ ಬೆಳಕಿನ ಕೊರತೆ :

ನಿಮ್ಮ ಮನೆಗೆ ಸಾಕಷ್ಟು ಸೂರ್ಯನ ಬೆಳಕು ಸಿಗದಿದ್ದರೆ, ಅದು ನಕಾರಾತ್ಮಕತೆಯ ಸ್ಥಳವಾಗಬಹುದು. ಕತ್ತಲೆ ಮತ್ತು ಕಡಿಮೆ ಬೆಳಕು ರಾಹುವನ್ನು ಶಕ್ತಿಯುತಗೊಳಿಸುತ್ತದೆ ಎಂದು ವಾಸ್ತು ಸೂಚಿಸುತ್ತದೆ, ಇದು ಮನೆಯ ಸದಸ್ಯರ ಆರೋಗ್ಯ ಮತ್ತು ಮನಸ್ಥಿತಿಯ ಮೇಲೆ ಪರಿಣಾಮ ಬೀರುತ್ತದೆ. ನೈಸರ್ಗಿಕ ಬೆಳಕು ಕಡಿಮೆಯಾಗಿದ್ದರೆ, ಹೊಳಪು ಮತ್ತು ಸಕಾರಾತ್ಮಕ ಶಕ್ತಿಯನ್ನು ಕಾಪಾಡಿಕೊಳ್ಳಲು ನಿಮ್ಮ ಮನೆ ಕೃತಕ ಬೆಳಕಿನಿಂದ ಚೆನ್ನಾಗಿ ಬೆಳಗುವುದನ್ನು ಖಚಿತಪಡಿಸಿಕೊಳ್ಳಿ, ಇದರಿಂದಾಗಿ ರಾಹುವಿನ ಪರಿಣಾಮಗಳು ಕಡಿಮೆಯಾಗುತ್ತವೆ.

• ಮನೆಯಲ್ಲಿ ಕಸದ ರಾಶಿ :

ಅಸ್ತವ್ಯಸ್ತವಾಗಿರುವ ಮನೆಯನ್ನು ರಾಹುವಿನ ಶಕ್ತಿಗೆ ನೇರ ಆಹ್ವಾನವೆಂದು ಪರಿಗಣಿಸಲಾಗುತ್ತದೆ. ವಿಶೇಷವಾಗಿ ಪೂಜಾ ಕೊಠಡಿ, ಅಡುಗೆಮನೆ ಅಥವಾ ಮಲಗುವ ಕೋಣೆಯಂತಹ ಪವಿತ್ರ ಸ್ಥಳಗಳಲ್ಲಿ ಅಸ್ತವ್ಯಸ್ತತೆಯು ನಿಮ್ಮ ಜೀವನದ ತೊಂದರೆಗಳನ್ನು ಇನ್ನಷ್ಟು ಹದಗೆಡಿಸಬಹುದು. ನಿಮ್ಮ ಮನೆಯನ್ನು ಸ್ವಚ್ಛವಾಗಿಡಿ ಮತ್ತು ಮನೆಯಲ್ಲಿ ಸಕಾರಾತ್ಮಕತೆ ತುಂಬಿರಲಿ ಸದಾ ಮನೆಯಲ್ಲಿ ಯಾವುದೇ ರೀತಿಯ ಕಸಗಳು ಇರದಂತೆ ನೋಡಿಕೊಳ್ಳಿ.

Also Read: ನಿಮಗೆ ಅರಿಯದಂತೆ ಆರೋಗ್ಯ ಹಾಳು ಮಾಡುತ್ತಿವೆ ಮನೆಯಲ್ಲಿರುವ ಈ ಮೂರು ವಸ್ತುಗಳು

• ನೈಋತ್ಯ ದಿಕ್ಕಿನಲ್ಲಿ ವಾಸ್ತು ದೋಷಗಳು :

ನೈಋತ್ಯ ದಿಕ್ಕು – ರಾಹುವಿಗೆ ನೇರವಾಗಿ ಸಂಬಂಧಿಸಿದೆ. ಈ ಮೂಲೆಯಲ್ಲಿ ಮುಖ್ಯ ದ್ವಾರ, ಸ್ನಾನಗೃಹ ಅಥವಾ ಶವರ್ ಪ್ರದೇಶವನ್ನು ನಿರ್ಮಿಸುವುದರಿಂದ ರಾಹುವಿನ ದುಷ್ಟ ಪ್ರಭಾವ ತೀವ್ರಗೊಳ್ಳುತ್ತದೆ. ಇದು ವೈಯಕ್ತಿಕ ಮತ್ತು ವೃತ್ತಿಪರ ಜೀವನದ ದುರಾದೃಷ್ಟಕ್ಕೆ ಕಾರಣವಾಗಬಹುದು.ಅದರ ಶಕ್ತಿಯನ್ನು ಸಮತೋಲನಗೊಳಿಸಲು ಕಪಾಟುಗಳು ಅಥವಾ ಸ್ಟೋರ್​ ರೂಮ್​ಗಳಂತಹ ಭಾರವಾದ ಅಂಶಗಳಿಗೆ ಈ ಪ್ರದೇಶವನ್ನು ಮೀಸಲಿಡಲು ವಾಸ್ತು ತಜ್ಞರು ಹೇಳುತ್ತಾರೆ.

ನಿಮ್ಮ ಮನೆಯ ಪರಿಸರದಲ್ಲಿ ಈ ರೀತಿಯ ಕೆಲ ಬದಲಾವಣೆಗಳನ್ನು ಮಾಡಿಕೊಳ್ಳುವ ಮೂಲಕ ನೀವು ರಾಹುವಿನ ಶಕ್ತಿಯನ್ನು ಕಡಿಮೆ ಮಾಡಲು ಸಾಧ್ಯವಿದೆ. ಇದರಿಂದ ಸಾಮರಸ್ಯಯುಕ್ತ ಹಾಗೂ ಸಮೃದ್ಧ ಜೀವನ ನಿಮ್ಮದಾಗಲಿದೆ.