ಶೃಂಗೇರಿ : ಕಾಡಾನೆ ದಾಳಿ, ಒಂದೇ ದಿನ ಇಬ್ಬರು ಸಾವು

ಶೃಂಗೇರಿ : Sringeri : ಕೊಟ್ಟಿಗೆಗೆ ಸೊಪ್ಪು ತರಲು ಅರಣ್ಯ ಪ್ರದೇಶಕ್ಕೆ ತೆರಳಿದ್ದವರ ಮೇಲೆ ಕಾಡಾನೆ ದಾಳಿ ನಡೆಸಿ ಇಬ್ಬರನ್ನು ಕೊಂದು ಹಾಕಿರುವ ಘಟನೆ ಚಿಕ್ಕಮಗಳೂರು ಜಿಲ್ಲೆಯ ಶೃಂಗೇರಿಯಲ್ಲಿ ನಡೆದಿದೆ.

ಶೃಂಗೇರಿ ತಾಲೂಕಿನ ಕೆರೆ ಗ್ರಾಮ ಪಂಚಾಯತ್‌ ವ್ಯಾಪ್ತಿಯ ಮುಡುಬಾ ಎಲ್ಸಾರು ಎಂಬಲ್ಲಿ ಈ ಘಟನೆ ವರದಿಯಾಗಿದೆ. ಹರೀಶ್‌ ಶೆಟ್ಟಿ ಮತ್ತು ಉಮೇಶ್‌ ಗೌಡ ಎಂಬವರೇ ಸಾವನ್ನಪ್ಪಿದವರು.

ಇಂದು ಮುಂಜಾನೆ ಹರೀಶ್‌ ಶೆಟ್ಟಿ ಮತ್ತು ಉಮೇಶ್‌ ಗೌಡ ಎಂಬವರು ಅರಣ್ಯ ಪ್ರದೇಶದಲ್ಲಿ ಸೊಪ್ಪು ಕಡಿಯುತ್ತಿದ್ದ ವೇಳೆಯಲ್ಲಿ ಏಕಾಏಕಿಯಾಗಿ ಆನೆ ದಾಳಿ ನಡೆಸಿದೆ.

Also Read : Chikkamagaluru : ಮದುವೆಗೆ ಒಂದು ದಿನದ ಮುನ್ನ ಹಸೆಮಣೆ ಏರಬೇಕಿದ್ದ ವಧು ಹೃದಯಾಘಾತದಿಂದ ನಿಧನ

ಆನೆಯ ದಾಳಿಯಿಂದ ತಪ್ಪಿಸಿಕೊಳ್ಳಲು ಯತ್ನಿಸುವ ಮೊದಲೇ ಆನೆ ಇಬ್ಬರನ್ನು ಕೊಂದು ಹಾಕಿದೆ. ಘಟನೆಗೆ ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಸ್ಥಳಕ್ಕೆ ಅರಣ್ಯ ಸಚಿವರು ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರು ಸ್ಥಳಕ್ಕೆ ಆಗಮಿಸುವಂತೆ ಪಟ್ಟು ಹಿಡಿದಿದ್ದಾರೆ. ಕಳೆದ ಹಲವು ವರ್ಷಗಳಿಂದಲೂ ಈ ಭಾಗದಲ್ಲಿ ಕಾಡಾನೆಗಳ ಹಾವಳಿ ಮಿತಿಮೀರಿದ್ದು, ಹಲವರು ಈಗಾಗಲೇ ಜೀವ ಕಳೆದುಕೊಂಡಿದ್ದಾರೆ.