ಹೊಸ ತಲೆಮಾರಿನ BYD Atto 3 ಕಾರ್ ಅನಾವರಣ: ಕೇವಲ 9 ನಿಮಿಷಗಳಲ್ಲಿ ಚಾರ್ಜಿಂಗ್!
ಈ ಹೊಸ Atto 3 ಈಗ ರಿಯರ್-ವೀಲ್ ಡ್ರೈವ್ (RWD) ಲೇಔಟ್ ಹೊಂದಿದ್ದು, ಇದು ವಾಹನದ ಕಾರ್ಯಕ್ಷಮತೆಯನ್ನು ಮತ್ತಷ್ಟು ಹೆಚ್ಚಿಸಲಿದೆ.
BYD Atto 3 features: ಚೀನಾದ ಪ್ರಮುಖ ಎಲೆಕ್ಟ್ರಿಕ್ ವಾಹನ ತಯಾರಿಕಾ ಸಂಸ್ಥೆಯಾದ BYD, ತನ್ನ ಜನಪ್ರಿಯ Atto 3 ಮಾದರಿಯ ಮುಂದಿನ ತಲೆಮಾರಿನ ಆವೃತ್ತಿಯನ್ನು ಬೀಜಿಂಗ್ ಆಟೋ ಶೋ 2026ರಲ್ಲಿ ಬಿಡುಗಡೆ ಮಾಡಿದೆ. ಈ ಹೊಸ ಮಾದರಿಯು ಅತ್ಯಾಧುನಿಕ ತಂತ್ರಜ್ಞಾನ ಮತ್ತು ಹೆಚ್ಚಿನ ಮೈಲೇಜ್ (Range) ಸಾಮರ್ಥ್ಯವನ್ನು ಹೊಂದಿದೆ.
ಪ್ರಮುಖ ವೈಶಿಷ್ಟ್ಯಗಳು
-
ಬ್ಯಾಟರಿ ಮತ್ತು ರೇಂಜ್: ಈ ಕಾರ್ನಲ್ಲಿ ಎರಡನೇ ತಲೆಮಾರಿನ ‘ಬ್ಲೇಡ್ ಬ್ಯಾಟರಿ’ (Blade Battery) ಬಳಸಲಾಗಿದೆ. ಇದು ಒಮ್ಮೆ ಪೂರ್ಣ ಚಾರ್ಜ್ ಮಾಡಿದರೆ 630 ಕಿ.ಮೀ ವರೆಗೆ ಚಲಿಸುವ ಸಾಮರ್ಥ್ಯ ಹೊಂದಿದೆ.
-
ಫಾಸ್ಟ್ ಚಾರ್ಜಿಂಗ್: BYD ಪರಿಚಯಿಸಿರುವ ಹೊಸ “ಫ್ಲಾಶ್ ಚಾರ್ಜಿಂಗ್” (Flash Charging) ತಂತ್ರಜ್ಞಾನದ ಮೂಲಕ, ಕೇವಲ 9 ನಿಮಿಷಗಳಲ್ಲಿ ಬ್ಯಾಟರಿಯನ್ನು ಶೇ. 10ರಿಂದ ಶೇ. 97ರಷ್ಟು ಚಾರ್ಜ್ ಮಾಡಬಹುದು.
-
ವಿನ್ಯಾಸ: ಹೊಸ ವಿನ್ಯಾಸದ 19 ಇಂಚಿನ ಅಲಾಯ್ ಚಕ್ರಗಳು, ಎಲ್ಇಡಿ ಟೈಲ್ ಲೈಟ್ಸ್ ಮತ್ತು ಪ್ರೀಮಿಯಂ ಲುಕ್ ನೀಡುವ ಇಲ್ಲುಮಿನೇಟೆಡ್ BYD ಲೋಗೋವನ್ನು ಅಳವಡಿಸಲಾಗಿದೆ.
-
ವೈಶಾಲ್ಯತೆ: ಪ್ರಸ್ತುತ ಮಾರುಕಟ್ಟೆಯಲ್ಲಿರುವ ಮಾದರಿಗಿಂತ ಇದು ಗಾತ್ರದಲ್ಲಿ ದೊಡ್ಡದಾಗಿದೆ. ಇದರಲ್ಲಿ 750 ಲೀಟರ್ ಬೂಟ್ ಸ್ಪೇಸ್ ಮತ್ತು ಮುಂಭಾಗದಲ್ಲಿ 180 ಲೀಟರ್ ಹೆಚ್ಚುವರಿ ಸ್ಟೋರೇಜ್ (Frunk) ನೀಡಲಾಗಿದೆ.
ಒಳಾಂಗಣ ಮತ್ತು ತಂತ್ರಜ್ಞಾನ (Interior)
-
256 ಬಣ್ಣಗಳ ಆ್ಯಂಬಿಯೆಂಟ್ ಲೈಟಿಂಗ್ ಮತ್ತು 16 ಸ್ಪೀಕರ್ಗಳ ಪ್ರೀಮಿಯಂ ಆಡಿಯೋ ಸಿಸ್ಟಮ್.
-
ಹೈ-ಸ್ಪೀಡ್ ವೈರ್ಲೆಸ್ ಚಾರ್ಜಿಂಗ್ ಮತ್ತು ಪನೋರಮಿಕ್ ಗ್ಲಾಸ್ ರೂಫ್.
-
ಸುರಕ್ಷತೆಗಾಗಿ LiDAR ತಂತ್ರಜ್ಞಾನ ಆಧಾರಿತ ಆಟೋಮೇಟೆಡ್ ಡ್ರೈವಿಂಗ್ ಸಿಸ್ಟಮ್ ಅಳವಡಿಸಲಾಗಿದೆ.
ವೆಸ್ಪಾ 80ನೇ ವರ್ಷದ ಸಂಭ್ರಮ: ಭಾರತದಲ್ಲಿ ‘ಟೆಕ್ 80’ ವಿಶೇಷ ಆವೃತ್ತಿಯ ಸ್ಕೂಟರ್ ಅನಾವರಣ!
ಎಂಜಿನ್ ಸಾಮರ್ಥ್ಯ
ಚೀನಾ ಮಾರುಕಟ್ಟೆಯಲ್ಲಿ ಈ ಕಾರು ಎರಡು ಬ್ಯಾಟರಿ ಆಯ್ಕೆಗಳಲ್ಲಿ ಲಭ್ಯವಿದೆ:
-
57.54 kWh: 540 ಕಿ.ಮೀ ರೇಂಜ್.
-
68.54 kWh: 630 ಕಿ.ಮೀ ರೇಂಜ್.
ಈ ಹೊಸ Atto 3 ಈಗ ರಿಯರ್-ವೀಲ್ ಡ್ರೈವ್ (RWD) ಲೇಔಟ್ ಹೊಂದಿದ್ದು, ಇದು ವಾಹನದ ಕಾರ್ಯಕ್ಷಮತೆಯನ್ನು ಮತ್ತಷ್ಟು ಹೆಚ್ಚಿಸಲಿದೆ. ಭಾರತೀಯ ಮಾರುಕಟ್ಟೆಗೆ ಈ ಹೊಸ ಮಾದರಿಯು ಯಾವಾಗ ಬರಲಿದೆ ಎಂಬ ಅಧಿಕೃತ ಮಾಹಿತಿ ಇನ್ನು ಹೊರಬೀಳಬೇಕಿದೆ.
