Hindu deities on bikinis : ಬಿಕನಿಗಳ ಮೇಲೆ ಹಿಂದೂ ದೇವರ ಚಿತ್ರ: ಸೋಶಿಯಲ್ ಮೀಡಿಯಾದಲ್ಲಿ ಆಕ್ರೋಶಗಳ ಸುರಿಮಳೆ
Hindu deities on bikinis ಸಹಾರಾ ರೇ ಸ್ವಿಮ್ ಹೆಸರಿನ ಬಟ್ಟೆ ಬ್ರ್ಯಾಂಡ್ ತನ್ನ ಸ್ವಿಮ್ ಸೂಟ್ಗಳ ಹೊಸ ಕಲೆಕ್ಷನ್ಗಳ ಮೇಲೆ ದೇವತೆಯ ಚಿತ್ರಗಳನ್ನು ಮುದ್ರಿಸುವ ಮೂಲಕ ವಿವಾದವನ್ನು ಸೃಷ್ಟಿಸಿದೆ . ಈ ಬ್ರ್ಯಾಂಡ್ ಸಹಾರಾ ರೇ ಒಡೆತನದಲ್ಲಿದೆ. ಬ್ರ್ಯಾಂಡ್ ಔರಾ ಕಲೆಕ್ಷನ್ 2022 ಎಂಬ ಹೊಸ ಸಾಲಿನ ಬಿಕನಿಗಳು ಇದಾಗಿದೆ . ಹೆಚ್ಚಾಗಿ ಥಾಂಗ್ಸ್ ಹಾಗೂ ಮೈಕ್ರೋ ಸ್ಟ್ರಿಂಗ್ ಟಾಪ್ಗಳನ್ನು ಒಳಗೊಂಡಿರುವ ಈ ಹೊಸ ಕಲೆಕ್ಷನ್ಗಳು ಹಿಂದೂ ದೇವತೆಗಳ ಚಿತ್ರಗಳನ್ನು ಒಳಗೊಂಡಿದೆ. ಈ ವಿವಾದಾತ್ಮಕ ಫೋಟೋಗಳು ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿವೆ.
ಈ ಆಕ್ಷೇಪಾರ್ಹ ಉಡುಗೆಗಳ ಸಂಬಂಧ ಟ್ವೀಟರ್ ಬಳಕೆದಾರರೊಬ್ಬರು ಟ್ವೀಟ್ ಮಾಡಿದ್ದು, ಸೌಂದರ್ಯದ ಹೆಸರಿನಲ್ಲಿ ಬಿಕನಿ ಉಡುಗೆಗಳ ಮೇಲೆ ಹಿಂದೂ ದೇವರ ಚಿತ್ರಗಳನ್ನು ಬಳಕೆ ಮಾಡಲಾಗುತ್ತಿದೆ. ಈ ಸಹಾರಾ ರೇ ಈಜುಡುಗೆ ಕಂಪನಿಯ ಈ ರೀತಿ ಮಾಡುವುದರ ಹಿಂದೆ ಬೇರೆ ಏನಾದರೂ ಉದ್ದೇಶವಿದೆಯೇ..? ದೇವತೆಗಳ ಚಿತ್ರವೇ ಬೇಕು ಎಂದಿದ್ದರೆ ಯೇಸುವಿನ ಚಿತ್ರಗಳನ್ನೇ ಪ್ರಿಂಟ್ ಮಾಡಬಹುದಿತ್ತಲ್ಲವೇ..? ಎಂದು ಪ್ರಶ್ನಿಸಿದ್ದಾರೆ.
ಮತ್ತೊಬ್ಬ ಟ್ವೀಟಿಗರು ಕೂಡ ಪಾಶ್ಚಿಮಾತ್ಯ ದೇಶಗಳ ವಸ್ತ್ರ ವಿನ್ಯಾಸಕರು ಹಿಂದೂ ದೇವರನ್ನು ಫ್ಯಾಶನ್ ಎಂದು ಕೊಂಡಿದ್ದಾರೆ. ಹೀಗಾಗಿ ಹಿಂದೂ ದೇವತೆಗಳ ಚಿತ್ರಗಳು ಸೌಂದರ್ಯ ವಿನ್ಯಾಸದ ವಸ್ತುಗಳಾಗಿವೆ. ನಿಮ್ಮ ಸೌಂದರ್ಯದ ವಿನ್ಯಾಸವಾಗಿ ನೀವೇಕೆ ಯೇಸುವಿನ ಚಿತ್ರಗಳನ್ನು ಬಳಕೆ ಮಾಡುವುದಿಲ್ಲ..? ಎಂದು ಕೇಳಿದ್ದಾರೆ.
ಇನ್ನೊಬ್ಬ ಟ್ವೀಟ್ ಬಳಕೆದಾರರು, ಹಿಂದೂ ಧರ್ಮವು ತಮಾಷೆಯ ವಸ್ತುವಲ್ಲ ಅಥವಾ ಅದು ಸೌಂದರ್ಯ ಶಾಸ್ತ್ರ ಕೂಡ ಅಲ್ಲ. ನಿಮ್ಮ ಬಿಕನಿಗಳ ಮೇಲೆ ಹಿಂದೂ ದೇವರ ಚಿತ್ರಗಳನ್ನು ಬಿಡಿಸಿವುದನ್ನು ನಿಲ್ಲಿಸಿ. ಅಲ್ಲದೇ ಈ ರೀತಿಯ ಕಾರ್ಯ ಎಸಗಿದ್ದಕ್ಕೆ ಕ್ಷಮೆ ಕೂಡ ಕೇಳಬೇಕು ಎಂದು ಆಗ್ರಹಿಸಿದ್ದಾರೆ.
ಇದನ್ನು ಓದಿ : Bolero Accident In Hunsur : ಹುಣಸೂರಿನಲ್ಲಿ ಭೀಕರ ಅಪಘಾತ: ಆರು ಮಂದಿ ದಾರುಣ ಸಾವು
ಇದನ್ನೂ ಓದಿ : Groom Arrest : ತಾಳಿ ಕಟ್ಟುವ ವೇಳೆಯಲ್ಲೇ ಅತ್ಯಾಚಾರ ಕೇಸ್ನಲ್ಲಿ ವರ ಅರೆಸ್ಟ್
Social media users slam clothing brand for printing images of Hindu deities on bikinis
Comments are closed.