ನೀವು ಬಾಯಲ್ಲಿ ಹೇಳಿದ್ರೆ ಪೋಟೋ ಎಡಿಟ್ : ಗೂಗಲ್ AI ಹೊಸ ಫೀಚರ್ಸ್ ರಿಲೀಸ್
Google Gemini AI : ಗೂಗಲ್ ಫೋಟ್ ಅಪ್ಲಿಕೇಶನ್ನಲ್ಲಿ ಆರ್ಟಿಫಿಷಿಯಲ್ ಇಂಟಿಲಿಜೆನ್ಸ್ ಬಳಕೆ ಮಾಡಿ ಹೊಸ ವೈಶಿಷ್ಟ್ಯತೆ ಒಂದನ್ನು ತಯಾರಿಸಲಾಗಿದ್ದು ನೀವು ಕೇವಲ ಮಾತಿನ ಮುಖಾಂತರ ನಿಮಗೆ ಯಾವ ರೀತಿಯ ಚಿತ್ರ ಬೇಕೆಂದು ಹೇಳಿದರೆ ಸಾಕು ನಿಮ್ಮ ಫೋಟೋ ಅದೇ ರೀತಿ ಎಡಿಟ್ ಆಗಲಿದೆ.
ಮೇಡ್ ಬಾಯ್ ಕಾರ್ಯಕ್ರಮದಲ್ಲಿ ಗೂಗಲ್ ಕಂಪನಿಯು ಈ ಹೊಸ ಫೀಚರ್ ಬಗ್ಗೆ ಘೋಷಣೆ ಮಾಡಿದೆ. ಹಾಗೂ ಈ ಹೊಸ ವೈಶಿಷ್ಟ್ಯತೆಯು ಇತ್ತೀಚಿಗೆ ಲಾಂಚ್ ಮಾಡಲಾಗಿರುವ Google Pixel 10 ಸೀರಿಸ್ನಿಂದ ಆರಂಭಗೊಳ್ಳಲಿದೆ.
ಯಾವ ರೀತಿ ಕಾರ್ಯ ನಿರ್ವಹಿಸುತ್ತೆ ಈ Google ಹೊಸ ಫೀಚರ್ ?
ಸದ್ಯಕ್ಕೆ ತಿಳಿದುಬಂದಿರುವ ಮಾಹಿತಿಯ ಪ್ರಕಾರ ಗೂಗಲ್ ಫೊಟೋ ಆಪ್ನಲ್ಲಿ ಹೊಸದೊಂದು ಫೀಚರ್ನ್ನು ಸೇರ್ಪಡೆಗೊಳಿಸಲಾಗಿದೆ. ಇದು ಕಂಪನಿಯ AI Assistant, Geminiಯನ್ನು ಬಳಕೆ ಮಾಡಿ AI ಫೋಟೋಗಳನ್ನು ಎಡಿಟ್ ಮಾಡಲಿದೆ.
ನಿಮ್ಮ ಫೋಟೋವನ್ನು ಯಾವ ರೀತಿ ಎಡಿಟ್ ಮಾಡಬೇಕು ಎಂದು ನೀವು ಬಾಯಲ್ಲಿ ಹೇಳಿದರೆ ಸಾಕು. ಅದಕ್ಕೆ ಅನುಗುಣವಾಗಿ ನಿಮ್ಮ ಫೋಟೋ ಎಡಿಟ್ ಆಗಲಿದೆ.
ಇದನ್ನೂ ಓದಿ : ಬಿಎಸ್ಎನ್ಎಲ್ 4ಜಿ : 1 ರೂಪಾಯಿ ರಿಚಾರ್ಜ್ 30 ದಿನ ವ್ಯಾಲಿಡಿಟಿ
ಇನ್ನೂ ಸುಲಭವಾಗಿ ಇದನ್ನು ವಿವರಿಸಬೇಕೆಂದರೆ ನೀವು ಗೂಗಲ್ ಫೋಟೋಗೆ ತೆರಳಿ ನಿಮ್ಮ ಫೋಟೋಗಳನ್ನು ನಿಮ್ಮ ಧ್ವನಿಯ ಮೂಲಕ ಎಡಿಟ್ ಮಾಡಬೇಕೆಂದು ಬಯಸಿದರೆ Geminiಯು AI ತಂತ್ರಜ್ಞಾನವನ್ನು ಬಳಕೆ ಮಾಡಿಕೊಂಡು ನೀವು ಬಯಸಿದಂತೆ ಫೋಟೋಗಳನ್ನು ಎಡಿಟ್ ಮಾಡಲಿದೆ.
ಉದಾಹರಣೆ ನೀವು ಕ್ಲಿಕ್ಕಿಸಿಕೊಂಡ ಫೋಟೋದ ಬ್ಯಾಕ್ಗ್ರೌಂಡ್ನಲ್ಲಿ ಜನರು ಅಥವಾ ಗಾಡಿಗಳಿದ್ದರೆ ನೀವು ಅವುಗಳನ್ನು ತೆಗೆದು ಹಾಕು ಎಂದು ಹೇಳಿದರೆ ಸಾಕು Geminiಯು ಆ ಕಾರ್ಯವನ್ನು ಮಾಡಲಿದೆ.ಇದರಿಂದ ನೀವು ಉತ್ತಮ ಬ್ಯಾಕ್ಗ್ರೌಂಡ್ಗಳನ್ನು ಹೊಂದಿರುವ ಫೋಟೋವನ್ನು ಪಡೆಯಬಹುದಾಗಿದೆ.
ಇದನ್ನೂ ಓದಿ : ಗೂಗಲ್ ಫಿಕ್ಸೆಲ್ ಪ್ರೋ 10 : ಏನಿದು ಹೊಸ ಫೀಚರ್ಸ್
ನೀವು ಮ್ಯಾನ್ಯುವಲ್ ಸೆಟ್ಟಿಂಗ್ಗಳ ಮೂಲಕ ಈ ಕಾರ್ಯವನ್ನು ಮಾಡುವ ಹರಸಾಹಸವನ್ನು ಪಡಬೇಕಾದ ಅವಶ್ಯಕತೆ ಕೂಡ ಇರುವುದಿಲ್ಲ ಎಂದು ಕಂಪನಿ ತಿಳಿಸಿದೆ.
You can edit photos with your mouth: Google Gemini AI releases new features
