ಹೋಟೆಲ್​ ನಿರ್ಮಾಣಕ್ಕಾಗಿ ವಿಮಾನವನ್ನೇ ಖರೀದಿಸಿದ ಸಹೋದರರು

BSF Plane Luxury Hotel : ದೇವಾಲಯಗಳ ನಗರಿ ಎಂದೇ ಕರೆಯಿಸಿಕೊಳ್ಳುವ ಉಜ್ಜಿಯನಿಯಲ್ಲಿ ಇನ್ಮೇಲೆ ಹೊಸದೊಂದು ಅನುಭವ ಸಿಗಲಿದೆ. ಅದುವೇ ಆಕಾಶದಲ್ಲಿ ಹಾರಾಡುತ್ತಾ ರುಚಿರುಚಿಯಾದ ಭಕ್ಷ್ಯ ಸವಿದಂತಾ ಅನುಭವ..!

ಹೌದು..! ದೇವಾಲಯಗಳ ನಗರಿ ತನ್ನ ಹೊಸ ವಿಮಾನ ನಿಲ್ದಾಣ ಉದ್ಘಾಟನೆಗೆ ಸಿದ್ಧವಾಗುತ್ತಿರುವ ನಡುವೆಯೇ ಇಲ್ಲಿನ ಇಬ್ಬರು ಸ್ಥಳೀಯ ಸಹೋದರರು ಹಾರಾಟಕ್ಕಾಗಿ ಅಲ್ಲ, ಬದಲಾಗಿ ಐದು ಕೋಣೆಗಳ ಐಷಾರಾಮಿ ವಾಸ್ತವ್ಯ ವ್ಯವಸ್ಥೆಗಾಗಿ ಹಳೆಯ ಬಿಎಸ್​ಎಫ್​ನ ಹಳೆಯ​ ವಿಮಾನ ಖರೀದಿಗೆ ಮುಂದಾಗಿದ್ದಾರೆ.

ಶಂಕರಪುರದಲ್ಲಿ ಅನಂತ ವಿಲೇಜ್ ಫಾರ್ಮ್ ಸ್ಟೇ ನಡೆಸುತ್ತಿರುವ ವೀರೇಂದ್ರ ಮತ್ತು ಪುಷ್ಪೇಂದ್ರ ಕುಶ್ವಾಹ, ದೆಹಲಿಯಲ್ಲಿ ಬಿಎಸ್‌ಎಫ್ ಟೆಂಡರ್ ಮೂಲಕ ಸುಮಾರು 40 ಲಕ್ಷ ರೂ.ಗಳಿಗೆ ನಿಷ್ಕ್ರಿಯಗೊಂಡ ಗಡಿ ಭದ್ರತಾ ಪಡೆ ಸರಕು ವಿಮಾನವನ್ನು ಖರೀದಿಸಿದ್ದಾರೆ.

ಅವ್ರೋ ಮಾದರಿಯ ವಿಮಾನ ಉಜ್ಜಯಿನಿ ತಲುಪಿದೆ ಎಂದು ತಿಳಿದುಬಂದಿದೆ.ಕುಶ್ವಾಹರಿಗೆ, ಇದು ವಾಯುಯಾನದ ಮೊದಲ ಅನುಭವವಲ್ಲ. ಅವರು ಮೊದಲೇ ಹೆಲಿಕಾಪ್ಟರ್ ಖರೀದಿಸಿದ್ದರು, ಆದರೆ ಈ ಬಾರಿ ಅವರು ನಾವೀನ್ಯತೆಗಾಗಿ ಬಿಎಸ್​ಎಫ್​ ವಿಮಾನ ಖರೀದಿಸಿದ್ದಾರೆ.

ಸಹೋದರರು ವಿಮಾನವನ್ನು ದೆಹಲಿಯಿಂದ ಮಧ್ಯಪ್ರದೇಶಕ್ಕೆ ಸಾಗಿಸಲು ಇನ್ನೂ 5.5 ಲಕ್ಷ ರೂ.ಗಳನ್ನು ಖರ್ಚು ಮಾಡಿದ್ದಾರೆ, ಅಲ್ಲಿ ಅದನ್ನು ಅವರ ಫಾರ್ಮ್‌ಹೌಸ್‌ನಲ್ಲಿ ಶಾಶ್ವತವಾಗಿ ನಿಲ್ಲಿಸಿ ಪಂಚತಾರಾ ಸೌಲಭ್ಯಗಳನ್ನು ಹೊಂದಿರುವ ಹೋಟೆಲ್ ಆಗಿ ಪರಿವರ್ತಿಸಲಾಗುತ್ತದೆ.

ಇದನ್ನೂ ಓದಿ : Veg biryani murder : ವೆಜ್​ ಬಿರಿಯಾನಿ ಬದಲು ಮಾಂಸಾಹಾರಿ ಬಿರಿಯಾನಿ ನೀಡಿದ್ದಕ್ಕೆ ಹೋಟೆಲ್​ ಮಾಲೀಕನ ಹ*ತ್ಯೆ

ನವೀಕರಣಗೊಂಡ ಬಳಿಕ ಈ ವಿಮಾನವು ಎಲ್ಲಾ ಮಾದರಿಯ ಆಧುನಿಕ ಸೌಕರ್ಯಗಳನ್ನು ಹೊಂದಲಿದೆ. ಐದು ಐಷಾರಾಮಿ ಕ್ಯಾಬಿನ್​ಗಳನ್ನು ನಿರ್ಮಿಸಲಾಗುತ್ತದೆ. ಈ ವಿಮಾನದಲ್ಲಿ ಫೋಟೋಶೂಟ್​ ಕೂಡ ಮಾಡಿಸಿಕೊಳ್ಳಬಹುದಾಗಿದೆ.

ಇಲ್ಲಿಗೆ ಆಗಮಿಸುವ ಪ್ರವಾಸಿಗರು ಹಾಗೂ ಸ್ಥಳೀಯ ನಿವಾಸಿಗಳಿಗೆ ಈ ಹೋಟೆಲ್​ ಹೊಸದೊಂದು ಅನುಭವ ನೀಡಲಿದೆ. ಗುಜರಿ ರೂಪದಲ್ಲಿ ನಾನು ವಿಮಾನ ಖರೀದಿಸಿದ್ದೇನೆ. ಮಾರಾಟಗಾರರು ಖರೀದಿಸಲು ಬಂದರೆ ನಾನು ಅದನ್ನು ಮಾರಾಟ ಮಾಡುತ್ತೇನೆ.

ಇಲ್ಲದಿದ್ದರೆ, ನಾನು ಇದನ್ನು ಹೋಟೆಲ್ ಆಗಿ ಪರಿವರ್ತಿಸಲು ಯೋಜಿಸುತ್ತೇನೆ. ನಾನು ಅದರೊಳಗೆ ಕೊಠಡಿಗಳನ್ನು ಮಾಡುತ್ತೇನೆ ಎಂದು ಸಹೋದರರ ಪೈಕಿ ಒಬ್ಬರು ಈ ಹೇಳಿಕೆ ನೀಡಿದ್ದಾರೆ.

ಇದನ್ನೂ ಓದಿ : 82ನೇ ವಯಸ್ಸಿನಲ್ಲಿ ವೃದ್ಧೆಯ ಬಂಗಿ ಜಂಪ್​ ಸಾಹಸ : ವೈರಲ್​ ಆಯ್ತು ವಿಡಿಯೋ

2009 ರಲ್ಲಿ ಸೇವೆಯಿಂದ ತೆಗೆದುಹಾಕಲಾದ ಈ ವಿಮಾನವು ವಸತಿ ಸೌಕರ್ಯವನ್ನು ನೀಡುವುದಲ್ಲದೆ, ಪ್ರವಾಸಿಗರು ಮತ್ತು ಸ್ಥಳೀಯರಿಗೆ ಒಂದು ಹೊಸ ಆಕರ್ಷಣೆಯಾಗಿಯೂ ಕಾರ್ಯನಿರ್ವಹಿಸುತ್ತದೆ.

Ujjain Brothers Buy BSF Plane To Turn It Into A 5 Room Luxury Hotel