ಬಿಗ್ಬಾಸ್ ಸೀಸನ್ 12 ವಿಜೇತನಾಗಿ ಹೊರಹೊಮ್ಮಿದ ಗಿಲ್ಲಿ ನಟ : ಮೊಟ್ಟ ಮೊದಲ ಬಾರಿಗೆ ಸುದೀಪರಿಂದ ವೈಯಕ್ತಿಕ ಬಹುಮಾನ
ಈ ವರ್ಷ ಟಿಆರ್ಪಿ ರೇಸ್ನಲ್ಲಿ ನಾಗಾಲೋಟದಿಂದ ಸಾಗಿದ್ದ ಬಿಗ್ಬಾಸ್ ಸೀಸನ್ 12 ಫಿನಾಲೆ ಪ್ರದರ್ಶನ ಮುಗಿಸಿ ತನ್ನ ಕಾರ್ಯಕ್ರಮ ಅಂತ್ಯಗೊಳಿಸಿದೆ. ಸುದೀಪ್ ನೇತೃತ್ವದಲ್ಲಿ ಮೂಡಿಬಂದ ಈ ಕಾರ್ಯಕ್ರಮದಲ್ಲಿ ಗಿಲ್ಲಿ ನಟ ವಿಜೇತರಾಗಿ ಹೊರಹೊಮ್ಮಿದ್ದಾರೆ. ಈ ಮೂಲಕ ಕೋಟ್ಯಂತರ ಕನ್ನಡಿಗರ ಕನಸು ನನಸಾಗಿದೆ.
ಸೀಸನ್ ಆರಂಭದಿಂದಲೇ ತಮ್ಮ ನೇರ ನಿಲುವು, ಕಾಮಿಡಿ ಕಚಗುಳಿ , ಸೆನ್ಸ್ ಆಫ್ ಹ್ಯೂಮರ್ ಮೂಲಕವೇ ಮನೆ ಮಾತಾಗಿದ್ದ ಗಿಲ್ಲಿ ನಟನಿಗೆ ಅಭಿಮಾನಿ ಬಳಗ ಬೆಳೆಯುತ್ತಲೇ ಹೋಗಿತ್ತು. ಅಂತೆಯೇ ದಾಖಲೆಯ 37 ಕೋಟಿ ಮತಗಳನ್ನು ತಮ್ಮದಾಗಿಸಿಕೊಳ್ಳುವ ಮೂಲಕ ಗಿಲ್ಲಿ ನಟ ಬಿಗ್ಬಾಸ್ ಟ್ರೋಫಿಗೆ ಮುತ್ತಿಟ್ಟಿದ್ದಾರೆ.
ಇದನ್ನೂ ಓದಿ: ಬಿಗ್ ಬಾಸ್ 12ರ ಟ್ರೋಫಿಗೆ ಮುತ್ತಿಟ್ಟ ಗಿಲ್ಲಿ ನಟ, ಕೋಟಿ ಕೋಟಿ ಮತಗಳ ಜೊತೆ ಕರುನಾಡ ಮನಸ್ಸು ಗೆದ್ದ ಕಿಲಾಡಿ!
ಬಿಗ್ಬಾಸ್ ವಿನ್ನರ್ ಆಗಿರುವ ಗಿಲ್ಲಿ ನಟನಿಗೆ 50 ಲಕ್ಷ ರೂಪಾಯಿ ಬಹುಮಾನ ಹಾಗೂ ಕಾರು ಬಹುಮಾನವಾಗಿ ದೊರಕಿದೆ. ಇದರ ಜೊತೆಯಲ್ಲಿ ಸೀಸನ್ನಲ್ಲಿ ಅತ್ಯಂತ ಉತ್ತಮವಾಗಿ ಆಡಿರುವ ಗಿಲ್ಲಿ ನಟನಿಗೆ ಸುದೀಪ್ ವೈಯಕ್ತಿಕವಾಗಿ 10 ಲಕ್ಷ ರೂಪಾಯಿ ಬಹುಮಾನ ಘೋಷಿಸಿದ್ದಾರೆ.
ನಟ ಗಿಲ್ಲಿ ವಿನ್ನರ್ ಎಂದು ಘೋಷಣೆಯಾಗುತ್ತಿದ್ದಂತೆಯೇ ಜನಸ್ತೋಮವೇ ಜಮಾಯಿಸಿದೆ. ಯಾವುದೇ ಅವಘಢ ಸಂಭವಿಸದಂತೆ ತಡೆಯುವ ಸಲುವಾಗಿ ಪೊಲೀಸ್ ವರಿಷ್ಠಾಧಿಕಾರಿಗಳು ಬಿಗ್ಬಾಸ್ ಫೈನಲಿಸ್ಟ್ಗಳನ್ನು ವೇದಿಕೆಯಿಂದ ಹೊರಬಿಡದಂತೆ ಬಿಗ್ಬಾಸ್ ತಂಡಕ್ಕೆ ಸೂಚನೆ ನೀಡಿದ್ದರು. ಜನರ ಗುಂಪು ತಿಳಿಯಾದ ಬಳಿಕ ರಾತ್ರಿ ವೇಳೆಗೆ ಬಿಗ್ಬಾಸ್ ಸ್ಪರ್ಧಿಗಳು ಕಾರ್ಯಕ್ರಮದಿಂದ ಹೊರಬಂದಿದ್ದಾರೆ.
