IND vs ENG : ವಿಶ್ವಕಪ್ ಸೆಮಿಫೈನಲ್‌ಗೆ ಮಳೆ ಬಂದ್ರೆ ಭಾರತ ‌ ಮನೆಗೆ ? ಏನು ಹೇಳುತ್ತೆ ಐಸಿಸಿ ರೂಲ್ಸ್‌

india vs england : ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ಇಂದು (ಮಾರ್ಚ್ 5, 2026) ನಡೆಯಲಿರುವ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಟಿ20 ವಿಶ್ವಕಪ್ ಸೆಮಿಫೈನಲ್ (t20 world cup 2026 semifinal )ಮೇಲೆ ಮಳೆಯ ಕರಿನೆರಳು ಬಿದ್ದರೆ ಕ್ರಿಕೆಟ್ ಅಭಿಮಾನಿಗಳಿಗೆ ನಿರಾಸೆ ಆಗುವುದು ಖಂಡಿತ. ಆದರೆ, ಪಂದ್ಯ ರದ್ದಾದರೆ ಟೀಂ ಇಂಡಿಯಾ ಸರಣಿಯಿಂದಲೇ ಹೊರ ಬೀಳುವುದು ಖಚಿತ.

t20 world cup 2026 semifinal : ಮಳೆ ಬಂದರೆ ಐಸಿಸಿ ನಿಯಮವೇನು ?

ಐಸಿಸಿ ನಿಯಮಗಳ ಪ್ರಕಾರ, ಸೆಮಿಫೈನಲ್ ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿದರೆ ಪಂದ್ಯವನ್ನು ಪೂರ್ಣಗೊಳಿಸಲು ಮೊದಲು ಹೆಚ್ಚುವರಿ ಸಮಯವನ್ನು ಬಳಸಲಾಗುತ್ತದೆ. ಒಂದು ವೇಳೆ ಅಂದು ಸಾಧ್ಯವಾಗದಿದ್ದರೆ, ಪಂದ್ಯವು ‘ರಿಸರ್ವ್ ಡೇ’ (Reserve Day) ಅಂದರೆ ಮಾರ್ಚ್ 6ಕ್ಕೆ ಮುಂದೂಡಲ್ಪಡುತ್ತದೆ. ಎರಡೂ ದಿನಗಳಲ್ಲಿ ಕನಿಷ್ಠ ತಲಾ 10 ಓವರ್‌ಗಳ ಆಟವೂ ಸಾಧ್ಯವಾಗದಿದ್ದರೆ ಮಾತ್ರ ಪಂದ್ಯವನ್ನು ರದ್ದುಗೊಳಿಸಲಾಗುತ್ತದೆ.

ಇದನ್ನೂ ಓದಿ : ಟೀಮ್ ಇಂಡಿಯಾಕ್ಕೆ ಬಿಗ್ ಶಾಕ್ ! ವಿಶ್ವಕಪ್ ಸೆಮಿಫೈನಲ್ ಪಂದ್ಯದಿಂದ ಹೀರೊ ‘ಸಂಜು ಸ್ಯಾಮ್ಸನ್’ ಔಟ್ ? ಕಾರಣವೇನು ?

ಪಂದ್ಯ ರದ್ದಾದ್ರೆ ಫೈನಲ್ ಎಂಟ್ರಿ ಯಾರಿಗೆ ?

• ಒಂದು ವೇಳೆ ಎರಡು ದಿನವೂ ಮಳೆ ಸುರಿದು ಪಂದ್ಯ ಸಂಪೂರ್ಣ ರದ್ದಾದರೆ, ಇಂಗ್ಲೆಂಡ್ ತಂಡ ಫೈನಲ್‌ಗೆ ಎಂಟ್ರಿ ಕೊಡಲಿದೆ.
• ಐಸಿಸಿ ನಿಯಮದಂತೆ, ನಾಕೌಟ್ ಪಂದ್ಯ ರದ್ದಾದಾಗ ಸೂಪರ್ 8 ಹಂತದ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದ ತಂಡಕ್ಕೆ ಆದ್ಯತೆ ನೀಡಲಾಗುತ್ತದೆ.
• ಇಂಗ್ಲೆಂಡ್ ತನ್ನ ಸೂಪರ್ 8 ಗ್ರೂಪ್‌ನಲ್ಲಿ ಎಲ್ಲಾ 3 ಪಂದ್ಯಗಳನ್ನು ಗೆದ್ದು ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದಿದೆ.
• ಭಾರತ ತಂಡ ದಕ್ಷಿಣ ಆಫ್ರಿಕಾ ವಿರುದ್ಧ ಸೋತಿದ್ದರಿಂದ ತನ್ನ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆದಿದೆ. ಹೀಗಾಗಿ, ಮಳೆಯಾದಲ್ಲಿ ಭಾರತಕ್ಕೆ ಅದೃಷ್ಟ ಕೈಕೊಡಲಿದೆ.

ಭಾರತ vs ಇಂಗ್ಲೆಂಡ್: ಬಲಾಬಲ ಹೇಗಿದೆ ?

• ಈ ಎರಡು ತಂಡಗಳು ಟಿ20 ಕ್ರಿಕೆಟ್‌ನಲ್ಲಿ ಸಮಬಲದ ಹೋರಾಟ ನಡೆಸಿವೆ.
• ಮುಖಾಮುಖಿ: ಇದುವರೆಗೆ ನಡೆದ 29 ಟಿ20 ಪಂದ್ಯಗಳಲ್ಲಿ ಭಾರತ 17 ಬಾರಿ ಗೆದ್ದಿದ್ದರೆ, ಇಂಗ್ಲೆಂಡ್ 12 ಬಾರಿ ಜಯಿಸಿದೆ.
• ಟಿ20 ವಿಶ್ವಕಪ್ ಇತಿಹಾಸ: ವಿಶ್ವಕಪ್‌ನಲ್ಲಿ ಇವೆರಡೂ ತಂಡಗಳು 5 ಬಾರಿ ಮುಖಾಮುಖಿಯಾಗಿದ್ದು, ಭಾರತ 3 ಹಾಗೂ ಇಂಗ್ಲೆಂಡ್ 2 ಬಾರಿ ಗೆಲುವು ಸಾಧಿಸಿವೆ.

ಇದನ್ನೂ ಓದಿ : ಐಪಿಎಲ್ 2026: ಆರ್‌ಸಿಬಿ (RCB) ಫ್ಯಾನ್ಸ್‌ಗೆ ಭರ್ಜರಿ ಗುಡ್ ನ್ಯೂಸ್ : ಚಿನ್ನಸ್ವಾಮಿ ಸ್ಟೇಡಿಯಂ ಟಿಕೆಟ್ ಬುಕ್ಕಿಂಗ್ ಯಾವಾಗ ಶುರು? ಪ್ರೈಸ್ ಎಷ್ಟು?

ತಂಡದ ಶಕ್ತಿ: ಟೀಮ್ ಇಂಡಿಯಾ ಪರ ಸಂಜು ಸ್ಯಾಮ್ಸನ್ ಮತ್ತು ನಾಯಕ ಸೂರ್ಯಕುಮಾರ್ ಯಾದವ್ ಅದ್ಭುತ ಫಾರ್ಮ್‌ನಲ್ಲಿದ್ದಾರೆ. ಇತ್ತ ಇಂಗ್ಲೆಂಡ್ ತಂಡದಲ್ಲಿ ಹ್ಯಾರಿ ಬ್ರೂಕ್ ಮತ್ತು ವಿಲ್ ಜಾಕ್ಸ್ ಅವರ ಬ್ಯಾಟಿಂಗ್ ಬಲ ಪ್ರಬಲವಾಗಿದೆ.

ಭಾರತ ತಂಡ:
ಸಂಜು ಸ್ಯಾಮ್ಸನ್ (ವಿಕೆಟ್ ಕೀಪರ್), ಸೂರ್ಯಕುಮಾರ್ ಯಾದವ್ (ನಾಯಕ), ಅಭಿಷೇಕ್ ಶರ್ಮಾ, ಇಶಾನ್ ಕಿಶನ್, ತಿಲಕ್ ವರ್ಮಾ, ಹಾರ್ದಿಕ್ ಪಾಂಡ್ಯ, ಶಿವಂ ದುಬೆ, ಅಕ್ಷರ್ ಪಟೇಲ್, ಅರ್ಷದೀಪ್ ಸಿಂಗ್, ವರುಣ್ ಚಕ್ರವರ್ತಿ, ಜಸ್ಪ್ರೀತ್ ಬುಮ್ರಾ, ಕುಲದೀಪ್ ಯಾದವ್, ಮೊಹಮ್ಮದ್ ಸಿರಾಜ್, ರಿಂಕು ಸಿಂಗ್, ವಾಷಿಂಗ್ಟನ್ ಸುಂದರ್.

ಇಂಗ್ಲೆಂಡ್ ತಂಡ:
ಜೋಸ್ ಬಟ್ಲರ್ (ವಿಕೆಟ್ ಕೀಪರ್), ಹ್ಯಾರಿ ಬ್ರೂಕ್ (ನಾಯಕ), ಫಿಲಿಪ್ ಸಾಲ್ಟ್, ಜಾಕೋಬ್ ಬೆಥೆಲ್, ಟಾಮ್ ಬ್ಯಾಂಟನ್, ಸ್ಯಾಮ್ ಕರನ್, ವಿಲ್ ಜಾಕ್ಸ್, ರೆಹಾನ್ ಅಹಮದ್, ಲಿಯಾಮ್ ಡಾಸನ್, ಜೋಫ್ರಾ ಆರ್ಚರ್, ಆದಿಲ್ ರಶೀದ್, ಬೆನ್ ಡಕೆಟ್, ಲ್ಯೂಕ್ ವುಡ್, ಜೋಶ್ ಟಂಗ್, ಜೇಮಿ ಓವರ್ಟನ್.

india vs england t20 world cup 2026 semifinal rain rules in kannada