2 ಲಕ್ಷಕ್ಕೂ ಅಧಿಕ ಮನೆಗಳನ್ನು ತಲುಪಿದ 5.76 ಲಕ್ಷ ಬೆಲೆಯ 7 ಸೀಟರ್ ಕಾರು: ಆದ್ರೆ ಇದು ಮಾರುತಿ ಎರ್ಟಿಗಾ ಅಂತೂ ಖಂಡಿತ ಅಲ್ಲ
Renault Triber: ಭಾರತದ ವಾಹನ ಮಾರುಕಟ್ಟೆಯಲ್ಲಿ ರೆನಾಲ್ಟ್ ಇಂಡಿಯಾ ತನ್ನ ಸೀಮಿತ ಮಾರಾಟದೊಂದಿಗೆ ದಿನದಿಂದ ದಿನಕ್ಕೆ ಪ್ರಗತಿ ಸಾಧಿಸುತ್ತಿದೆ.
ಕೆಲವು ತಿಂಗಳುಗಳ ಹಿಂದೆ ಮಾರುಕಟ್ಟೆಗೆ ಬಂದ ಹೊಸ ಟ್ರೈಬರ್ನಿಂದಾಗಿ ಇದು ತನ್ನ ತನ್ನ ಮಾರಾಟದ ವೇಗವನ್ನು ಹೆಚ್ಚಿಸಿಕೊಂಡಿದೆ.
ಭಾರತದಲ್ಲಿ ಸದ್ಯ 7 ಸೀಟರ್ ಕಾರುಗಳ ಟ್ರೆಂಡ್ ಪ್ರಾರಂಭವಾಗಿದೆ. ಕೈಗೆಟಕುವ ಬೆಲೆಯ ಕಾರುಗಳ ಸಾಲಿಗೆ ರೆನಾಲ್ಟ್ನ ಟ್ರೈಬರ್ ಸೇರಿದೆ. ಈ ಎಮ್ಪಿವಿ ಕಾರು 5.76 ಲಕ್ಷ ರೂ. ಬೆಲೆಗೆ (ಎಕ್ಸ್ ಶೋ ರೂಂ ಬೆಲೆ) ದೇಶೀಯ ಮಾರುಕಟ್ಟೆಯಲ್ಲಿ 2 ಲಕ್ಷ ಯುನಿಟ್ ಮಾರಾಟದ ಮೈಲಿಗಲ್ಲನ್ನು ತಲುಪಿದೆ.
ಬಿಡುಗಡೆಯಾಗಿ ಆರು ವರ್ಷಗಳ ನಂತರ ನವೀಕರಣಗೊಂಡು ತನ್ನ ಮಾರಾಟದ ವೇಗವನ್ನು ಅದು ಹೆಚ್ಚಿಸಿಕೊಂಡಿದೆ. ಭಾರತದಲ್ಲಿ, ಇದು ನಿಸ್ಸಾನ್ ಗ್ರಾವೈಟ್ನೊಂದಿಗೆ ನೇರವಾಗಿ ಸ್ಪರ್ಧಿಸಿದರೆ, ಮಾರುತಿ ಎರ್ಟಿಗಾ ಮತ್ತು ಕಿಯಾ ಕ್ಯಾರೆನ್ಸ್ಗಳಿಗೆ ಸೌಮ್ಯ ಸ್ಪರ್ಧೆಯನ್ನು ನೀಡುತ್ತದೆ.
ರೆನಾಲ್ಟ್ ಟ್ರೈಬರ್ ವೈಶಿಷ್ಟ್ಯ
2025 ರ ರೆನಾಲ್ಡ್ ಟ್ರೈಬರ್ನ ಟಾಪ್-ಸ್ಪೆಕ್ ಎಮೋಷನ್ ರೂಪಾಂತರವು ಆರು ಸಿಂಗಲ್-ಟೋನ್ ಮತ್ತು ಮೂರು ಡ್ಯುಯಲ್-ಟೋನ್ ಬಣ್ಣ ಆಯ್ಕೆಗಳಲ್ಲಿ ಬಿಡುಗಡೆಯಾಗಿತ್ತು.
ಇಂಟಿಗ್ರೇಟೆಡ್ LED DRL ಗಳೊಂದಿಗೆ LED ಪ್ರೊಜೆಕ್ಟರ್ ಹೆಡ್ಲ್ಯಾಂಪ್ಗಳು ಮತ್ತು LED ಫಾಗ್ ಲ್ಯಾಂಪ್ಗಳು ಸೇರ್ಪಡೆಗೊಂಡಿತ್ತು. ಮುಂಭಾಗದ ಬಂಪರ್ ಮತ್ತು ಗ್ರಿಲ್ ಅನ್ನು ಹೊಂದಿದ್ದ ಹೊಸ ಟ್ರೈಬರ್ ಹೊಸ ರೆನಾಲ್ಟ್ ಲೋಗೋವನ್ನು ಪಡೆದುಕೊಂಡಿದೆ.
ಇನ್ನು ಇದರ ಡ್ಯುಯಲ್-ಟೋನ್ ಅಲಾಯ್ ಚಕ್ರಗಳು ಹೊಸ ನೋಟವನ್ನು ನೀಡುತ್ತದೆ. ವೀಲ್ ಆರ್ಚ್ ಕ್ಲಾಡಿಂಗ್, ಕಾಂಟ್ರಾಸ್ಟಿಂಗ್ ಕಪ್ಪು ಡೋರ್ ಹ್ಯಾಂಡಲ್ಗಳು, ಡೋರ್ ಡೆಕಲ್ಗಳು, ಇಂಟಿಗ್ರೇಟೆಡ್ ಟರ್ನ್ ಇಂಡಿಕೇಟರ್ಗಳೊಂದಿಗೆ ORVMಗಳು, ಬ್ಲ್ಯಾಕ್-ಔಟ್ B ಮತ್ತು C ಪಿಲ್ಲರ್ಗಳು ಮತ್ತು 50 ಕೆಜಿ ಲೋಡ್ ಸಾಮರ್ಥ್ಯದ ರೂಫ್ ರೈಲ್ಗಳು ಇದರಲ್ಲಿ ಸೇರಿವೆ.
ಇದನ್ನೂ ಓದಿ: ಏನಿದು ಪಿಎಂ ರಾಹತ್ ಯೋಜನೆ? ಅಪಘಾತವಾದವರಿಗೆ ಇದು ಹೇಗೆ ಸಂಜೀವಿನಿಯಾಗಬಲ್ಲದು?
ಹಿಂಭಾಗದ ಡಿಫಾಗರ್, ವಾಷರ್, ವೈಪರ್, ಟಾಪ್-ಮೌಂಟೆಡ್ ಬ್ರೇಕ್ ಲೈಟ್, ಬೂಟ್ ಮುಚ್ಚಳದಲ್ಲಿ ‘ಟ್ರೈಬರ್’ ಬ್ಯಾಡ್ಮಿಂಗ್ ಮತ್ತು ಎಲ್ಇಡಿ ಟೈಲ್ ಲ್ಯಾಂಪ್ಗಳು ಹಿಂದಿನಿಂದಲೂ ಟ್ರೈಬರ್ ವಿಶೇಷವಾಗಿ ಕಾಣಿಸುವಂತೆ ಮಾಡಿದೆ.
ಮುಂಭಾಗ ಮತ್ತು ಹಿಂಭಾಗದ ಸ್ಕಿಡ್ ಪ್ಲೇಟ್ಗಳನ್ನು ಸಿಲ್ವರ್ ಬಣ್ಣದಲ್ಲಿ ಇರಿಸಿದ್ದರಿಂದ ಇದಕ್ಕೆ ಸ್ಪೋರ್ಟಿ ಲುಕ್ ಮತ್ತು ಫೀಲ್ ನೀಡುತ್ತದೆ. ಸ್ಪೇರ್ ವೀಲ್ ಟಾಪ್ ರೂಪಾಂತರದಲ್ಲಿ ಮಾತ್ರ ಲಭ್ಯವಿದೆ ಮತ್ತು ವಾಹನದ ಹಿಂಭಾಗದ ಕೆಳಗೆ ಜೋಡಿಸಲಾಗಿದೆ.
8-ಇಂಚಿನ ಟಚ್ಸ್ಟ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್, 7-ಇಂಚಿನ TFT ಇನ್ಸುಮೆಂಟ್ ಕ್ಲಸ್ಟರ್, ಸ್ಮಾರ್ಟ್ ಆಕ್ಸೆಸ್ ಕಾರ್ಡ್ ಮತ್ತು ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇನೊಂದಿಗೆ ವೈರ್ಲೆಸ್ ಸ್ಮಾರ್ಟ್ಫೋನ್ ನಂತಹ ತಂತ್ರಜ್ಞಾನ ಹೊಂದಿದೆ.
ಇಷ್ಟೇ ಅಲ್ಲದೇ ಕೂಲ್ಡ್ ಸೆಂಟರ್ ಕನ್ಸಿಲ್, ಡ್ರೈವರ್ ಸೀಟ್ ಆರ್ಮ್ರೆಸ್ಟ್, ಕೂಲ್ಡ್ ಲೋವರ್ ಗ್ಲೋವ್ ಬಾಕ್ಸ್, ಪುಶ್ ಬಟನ್ ಸ್ಟಾರ್ಟ್/ಸ್ಟಾಪ್ ಮತ್ತು ಆಟೋ ಹೆಡ್ಲ್ಯಾಂಪ್ಗಳು ಸೇರಿವೆ.
ಸುರಕ್ಷತೆಯ ವಿಷಯದಲ್ಲಿ, ಇದರ ಎಲ್ಲಾ ರೂಪಾಂತರಗಳು 21 ಪ್ರಮಾಣಿತ ವೈಶಿಷ್ಟ್ಯಗಳೊಂದಿಗೆ ಬರುತ್ತವೆ. ಆರು ಏರ್ಬ್ಯಾಗ್ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ ಹಿಲ್ ಸ್ಟಾರ್ಟ್ ಅಸಿಸ್ಟ್ ಮತ್ತು ಟ್ರಾಕ್ಷನ್ ಕಂಟ್ರೋಲ್ ಸೇರಿವೆ.
ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್, ರಿಯರ್ ಪಾರ್ಕಿಂಗ್ ಸೆನ್ಸರ್ಗಳು, ಬ್ರೇಕ್ ಅಸಿಸ್ಟ್ನೊಂದಿಗೆ ABS ಮತ್ತು EBD ಮುಂತಾದ ಇತರ ವೈಶಿಷ್ಟ್ಯಗಳು ಇದರಲ್ಲಿ ಸೇರಿದೆ.
ಇದರ ಎಮೋಷನ್ ರೂಪಾಂತರವು ಮುಂಭಾಗದ ಪಾರ್ಕಿಂಗ್ ಸಂವೇದಕಗಳು, ಫಾಲೋ-ಮಿ-ಹೋಮ್ ಹೆಡ್ಲ್ಯಾಂಪ್ಗಳು ಮತ್ತು ಟೇಕ್-ಎ-ಬ್ರೇಕ್ ರಿಮೈಂಡರ್ನಂತಹ ಹೆಚ್ಚುವರಿ ಸುರಕ್ಷತಾ ವೈಶಿಷ್ಟ್ಯಗಳನ್ನು ಸಹ ಒಳಗೊಂಡಿದೆ.
