ಆರ್​ಸಿಬಿ ಖರೀದಿ ರೇಸ್​ಗೆ ಆದಾರ್​ ಪೂನಾವಾಲಾ ಅಧಿಕೃತ ಎಂಟ್ರಿ : ಭರ್ಜರಿ ಬಿಡ್​ಗೆ ಸಿದ್ಧತೆ

ಇಂಡಿಯನ್​ ಪ್ರೀಮಿಯರ್​ ಲೀಗ್​ ಈ ಬಾರಿ ಆರಂಭಕ್ಕೂ ಮುನ್ನವೇ ಸಾಕಷ್ಟು ವಿಚಾರಗಳಿಂದ ಸುದ್ದಿಯಾಗುತ್ತಲೇ ಇದೆ. ಇದರಲ್ಲಿ ಪ್ರಮುಖವಾದದ್ದು ಆರ್​ಸಿಬಿ (RCB )ಪ್ರಾಂಚೈಸಿ ಮಾರಾಟದ ವಿಚಾರ. ಯುನೈಟೆಡ್ ಸ್ಪಿರಿಟ್ಸ್ ಲಿಮಿಟೆಡ್ ಆರ್​ಸಿಬಿ ಮಾಲೀಕತ್ವದ ಬದಲಾವಣೆಗೆ ಮುಂದಾಗಿರುವ ಬೆನ್ನಲ್ಲೇ ಇದೀಗ ಈ ರೇಸ್​ಗೆ ಆದಾರ್​ ಪೂನಾವಾಲಾ (Aadar Poonawalla) ಅಧಿಕೃತ ಎಂಟ್ರಿ ನೀಡಿದ್ದಾರೆ.

ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾದ ಸಿಇಒ ಹಾಗೂ ಮ್ಯಾನೇಜಿಂಗ್ ಡೈರೆಕ್ಟರ್ ಆದಾರ್ ಪೂನಾವಾಲಾ ಬಿಡ್ ಸಲ್ಲಿಸುವುದಾಗಿ ಅಧಿಕೃತ ಘೋಷಣೆ ಮಾಡಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ಈ ವಿಚಾರವಾಗಿ ಪೋಸ್ಟ್​ ಮಾಡಿರುವ ಆದಾರ್​ ಪೂನಾವಾಲಾ, ಐಪಿಎಲ್​ನ ಅತ್ಯಂತ ಜನಪ್ರಿಯ ತಂಡಗಳ ಪೈಕಿ ಒಂದಾದ ಆರ್​ಸಿಬಿ ಮಾಲೀಕತ್ವಕ್ಕಾಗಿ ಮುಂದಿನ ಕೆಲವೇ ತಿಂಗಳಲ್ಲಿ ಬಿಡ್​ ಮಾಡಲಿದ್ದೇನೆ ಎಂದು ಅಧಿಕೃತ ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ : ನೀರಜ್ ಚೋಪ್ರಾ-ಹಿಮಾನಿ ಮದುವೆ: ಭೇಟಿ ನೀಡಿ ಹಾರೈಸಿದ ಪಿಎಂ ಮೋದಿ

ಅಂದಹಾಗೆ ಕಳೆದ ವರ್ಷ ಅಕ್ಟೋಬರ್​ ತಿಂಗಳಲ್ಲಿಯೇ ಆರ್​ಸಿಬಿ ಮಾಲೀಕತ್ವ ಖರೀದಿಯ ಬಗ್ಗೆ ಪೂನಾವಾಲಾ ಸುಳಿವು ನೀಡಿದ್ದರು. ಕೊರೊನಾ ಸಂದರ್ಭದಲ್ಲಿ ಸೀರಮ್​ ಇನ್​ಸ್ಟಿಟ್ಯೂಟ್​ ಆಫ್​ ಇಂಡಿಯಾ ಮೂಲಕ ಕೊರೊನಾ ಲಸಿಕೆಗಳನ್ನು ಜಗತ್ತಿನಾದ್ಯಂತ ಪೂರೈಸಿ ಜಾಗತಿಕ ಮಟ್ಟದಲ್ಲಿ ಪೂನಾವಾಲಾ ಸದ್ದು ಮಾಡಿದ್ದರು.

ಇದನ್ನೂ ಓದಿ : Mary Kom: ಮೇರಿ ಕೋಮ್‌ಗೆ ವ್ಯಾಪಕ ಛೀಮಾರಿ, ಮದುವೆ-ಡಿವೋರ್ಸ್‌ ವಿವಾದಕ್ಕೆ ಏನು ಕಾರಣ?

ಅಲ್ಲದೇ ಈ ಮೂಲಕ ಉದ್ಯಮ ವಲಯದಲ್ಲಿಯೂ ಭದ್ರವಾದ ಸ್ಥಾನ ಗಳಿಸಿದ್ದರು. ಇದೀಗ ಕ್ರೀಡಾ ವಲಯಕ್ಕೂ ಕಾಲಿಡಲು ಸಜ್ಜಾಗಿರುವ ಪೂನಾವಾಲಾ ಆರ್​ಸಿಬಿ ಖರೀದಿ ರೇಸ್​ಗೆ ಅಧಿಕೃತ ಎಂಟ್ರಿ ನೀಡಿದ್ದಾರೆ.

Aadar Poonawalla officially enters RCB buying race: Preparing for a huge bid