ವಾಸ್ತು ಪ್ರಕಾರ ಮನೆಯ ಮುಖ್ಯ ಬಾಗಿಲು ಯಾವ ದಿಕ್ಕು ಸೂಕ್ತ ?

Vastu Tips : ಮನೆಯ ಮುಖ್ಯ ಬಾಗಿಲು ವಾಸ್ತು ಶಾಸ್ತ್ರದಲ್ಲಿ ಬಹಳ ಮುಖ್ಯ. ಇದು ಮನೆಯ ಸಕಾರಾತ್ಮಕ ಶಕ್ತಿ ಮತ್ತು ಸಮೃದ್ಧಿಯನ್ನು ಆಕರ್ಷಿಸುವ ಪ್ರವೇಶದ್ವಾರವೆಂದು ಪರಿಗಣಿಸಲಾಗಿದೆ. ಸರಿಯಾದ ದಿಕ್ಕಿನಲ್ಲಿ ಬಾಗಿಲು ಇಡುವುದು ಮನೆಯ ಸದಸ್ಯರಿಗೆ ಅದೃಷ್ಟ, ಆರೋಗ್ಯ ಮತ್ತು ಸಂಪತ್ತನ್ನು ತರುತ್ತದೆ ಎಂದು ನಂಬಲಾಗಿದೆ.

Vastu Tips : ವಾಸ್ತು ಪ್ರಕಾರ, ಮನೆಯ ಮುಖ್ಯ ಬಾಗಿಲಿಗೆ ಉತ್ತಮವಾದ ದಿಕ್ಕು

ಉತ್ತರ (North): ಈ ದಿಕ್ಕು ಕುಬೇರನ ದಿಕ್ಕು ಎಂದು ಹೇಳಲಾಗುತ್ತದೆ. ಸಮೃದ್ದಿ, ಸಂಪತ್ತವನ್ನು ಆಕರ್ಷಿಸುತ್ತದೆ. ಉತ್ತರ ಧಿಕ್ಕಿಗೆ ಬಾಗಿಲು ಇಡುವುದು ಆರ್ಥಿಕವಾಗಿ ಲಾಭದಾಯಕ.

Also Read : ಗೃಹಾಲಂಕಾರಿ ವಸ್ತುಗಳು ಮನೆಯ ಅಂದದ ಜೊತೆಗೆ ಹೆಚ್ಚುತ್ತೆ ಸಮೃದ್ಧಿ

ಪೂರ್ವ (East): ಸೂರ್ಯನ ಉದಯದ ಧಿಕ್ಕು. ಪೂರ್ವ ಧಿಕ್ಕು ಹೊಸ ಅವಕಾಶದ ಜೊತೆಗೆ ಸಕಾರಾತ್ಮಕ ಶಕ್ತಿಯನ್ನು ನೀಡುತ್ತದೆ. ಈ ಧಿಕ್ಕಿಗೆ ಬಾಗಿಲು ಇಡುವುದರಿಂದ ಮನೆಯಲ್ಲಿ ಆರೋಗ್ಯ ವೃದ್ದಿಸುತ್ತದೆ.

ಈಶಾನ್ಯ (North-East): ಇದು ದೇವರ ದಿಕ್ಕು (ಈಶಾನ) ಎಂದು ಪರಿಗಣಿಸಲಾಗಿದೆ. ಈ ದಿಕ್ಕಿನಲ್ಲಿ ಮುಖ್ಯ ಬಾಗಿಲು ಇಡುವುದು ಆಧ್ಯಾತ್ಮಿಕ ಬೆಳವಣಿಗೆ, ಶಾಂತಿ ಮತ್ತು ಸಮೃದ್ಧಿಯನ್ನು ತರುತ್ತದೆ. ಇದು ಮನೆಯಲ್ಲಿ ಶಾಂತಿಯುತ ವಾತಾವರಣವನ್ನು ಸೃಷ್ಟಿಸುತ್ತದೆ.

ಪಶ್ಚಿಮ (West): ಈ ಧಿಕ್ಕಿಗೆ ಮನೆಯ ಮುಖ್ಯ ಬಾಗಿಲು ಇಡಬಹುದು, ಆದರೆ ಅದು “ಪಶ್ಚಿಮ-ವಾಯುವ್ಯ” (West-Northwest) ಹಾಗೂ “ಪಶ್ಚಿಮ-ನೈಋತ್ಯ” (West-Southwest) ವಲಯಕ್ಕೆ ಬರದಂತೆ ನೋಡಿಕೊಳ್ಳಬೇಕು. ಪಶ್ಚಿಮ ದಿಕ್ಕು ಲಾಭ ಮತ್ತು ಸಮೃದ್ಧಿಯನ್ನು ತರಬಲ್ಲದು, ಆದರೆ ವಲಯದ ಆಯ್ಕೆ ಮುಖ್ಯ.

Also Read : Vastu Homes : ಮನೆ ಹೇಗಿರಬೇಕು ? ಏನು ಹೇಳುತ್ತೆ ವಾಸ್ತುಶಾಸ್ತ್ರ

Vastu Tips : ಯಾವ ದಿಕ್ಕುಗಳನ್ನು ತಪ್ಪಿಸಬೇಕು?

ಕೆಲವು ದಿಕ್ಕುಗಳು ಮನೆಯ ಮುಖ್ಯ ಬಾಗಿಲಿಗೆ ಅಷ್ಟು ಸೂಕ್ತವಲ್ಲ ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ:

ದಕ್ಷಿಣ (South): ದಕ್ಷಿಣ ದಿಕ್ಕನ್ನು ಸಾಮಾನ್ಯವಾಗಿ ಯಮ ದೇವನ ದಿಕ್ಕು ಎಂದು ಪರಿಗಣಿಸಲಾಗುತ್ತದೆ ಮತ್ತು ಇದು ಅಷ್ಟೊಂದು ಶುಭವಲ್ಲ ಎಂದು ಭಾವಿಸಲಾಗುತ್ತದೆ.

ಆದರೂ, ಕೆಲವು ನಿರ್ದಿಷ್ಟ ವಾಸ್ತು ಪರಿಹಾರಗಳೊಂದಿಗೆ ದಕ್ಷಿಣ ದಿಕ್ಕಿನ ಬಾಗಿಲನ್ನು ಸರಿಪಡಿಸಬಹುದು. ಆದರೆ ಸಾಧ್ಯವಾದರೆ ಇದನ್ನು ತಪ್ಪಿಸುವುದು ಉತ್ತಮ.

ಆಗ್ನೇಯ (South-East): ಮುಖ್ಯವಾಗಿ ಇದು ಅಗ್ನಿಗೆ ಸಂಬಂಧಿಸಿದ ದಿಕ್ಕು,. ಈ ಧಿಕ್ಕಿನಲ್ಲಿ ಬಾಗಿಲು ಇಟ್ಟರೆ ಕೌಟುಂಬಿಕ ಕಲಹ ಹೆಚ್ಚಲಿದ್ದು, ಆರ್ಥಿಕ ಸಮಸ್ಯೆ ಎದುರಾಗಲಿದೆ.

ವಾಯುವ್ಯ (North-West): ಈ ಧಿಕ್ಕಿನಲ್ಲಿ ಸಾಮಾನ್ಯವಾಗಿ ಮನೆಯ ಬಾಗಿಲು ಇಡುವುದಿಲ್ಲ. ಈ ಧಿಕ್ಕು ಅತಿಥಿಗಳ ಆಗಮನ ಮತ್ತು ನಿರ್ಗಮನವನ್ನು ಸೂಚಿಸುತ್ತದೆ. ಅಲ್ಲದೇ ಮನೆಯಲ್ಲಿ ಅಶಾಂತಿಗೆ ಕಾರಣವಾಗಲಿದೆ.

ನೈಋತ್ಯ (South-West): ಇದು ರಾಕ್ಷಸ ದಿಕ್ಕು ಎಂದು ಪರಿಗಣಿಸಲಾಗಿದೆ ಮತ್ತು ಸಂಪೂರ್ಣವಾಗಿ ಇದನ್ನು ತಪ್ಪಿಸಬೇಕು. ನೈಋತ್ಯ ದಿಕ್ಕಿನ ಬಾಗಿಲು ಮನೆಯ ಸದಸ್ಯರಿಗೆ ದುರದೃಷ್ಟ, ಅನಾರೋಗ್ಯ ಮತ್ತು ನಕಾರಾತ್ಮಕ ಶಕ್ತಿಯನ್ನು ತರುತ್ತದೆ ಎಂದು ನಂಬಲಾಗಿದೆ.

ಬಾಗಿಲಿನ ಗುಣಮಟ್ಟ: ಮುಖ್ಯ ಬಾಗಿಲು ಯಾವಾಗಲೂ ಗಟ್ಟಿಮುಟ್ಟಾಗಿರಬೇಕು, ಉತ್ತಮ ಗುಣಮಟ್ಟದ ಮರದಿಂದ ಮಾಡಲ್ಪಟ್ಟಿರಬೇಕು ಮತ್ತು ಮನೆಯ ಇತರ ಬಾಗಿಲುಗಳಿಗಿಂತ ದೊಡ್ಡದಾಗಿರಬೇಕು.

ಪ್ರವೇಶದ್ವಾರ: ಮುಖ್ಯ ಬಾಗಿಲಿನ ಸುತ್ತಮುತ್ತಲಿನ ಪ್ರದೇಶ ಯಾವಾಗಲೂ ಸ್ವಚ್ಛವಾಗಿ, ಅಚ್ಚುಕಟ್ಟಾಗಿ ಮತ್ತು ಅಡೆತಡೆಗಳಿಂದ ಮುಕ್ತವಾಗಿರಬೇಕು.

ವಾಸ್ತು ದೋಷ ಪರಿಹಾರ: ಒಂದು ವೇಳೆ ನಿಮ್ಮ ಮನೆಯ ಬಾಗಿಲು ಅಷ್ಟು ಸೂಕ್ತವಲ್ಲದ ದಿಕ್ಕಿನಲ್ಲಿದ್ದರೆ, ಚಿಂತಿಸಬೇಡಿ. ವಾಸ್ತು ತಜ್ಞರಿಂದ ಸಲಹೆ ಪಡೆದು ಕೆಲವು ಪರಿಹಾರಗಳನ್ನು ಮಾಡಿಕೊಳ್ಳಬಹುದು.

ವಾಸ್ತು ಶಾಸ್ತ್ರವು ವೈಯಕ್ತಿಕ ನಂಬಿಕೆಗಳನ್ನು ಆಧರಿಸಿದೆ ಮತ್ತು ಇದು ಕೇವಲ ಸಲಹೆಗಳು. ನಿಮ್ಮ ಮನೆಯ ನಿರ್ಮಾಣ ಅಥವಾ ಬದಲಾವಣೆ ಮಾಡುವ ಮೊದಲು, ಯಾವಾಗಲೂ ಒಬ್ಬ ಅನುಭವಿ ವಾಸ್ತು ತಜ್ಞರನ್ನು ಸಂಪರ್ಕಿಸುವುದು ಉತ್ತಮ.

Vastu Tips : which direction is the main door of the house suitable ? in Kannada News