ಶನಿ ದೋಷ ದೂರಮಾಡುತ್ತದೆ ಶಂಖಪುಷ್ಪ ಗಿಡ: ಆದರೆ ಮನೆಯ ಈ ದಿಕ್ಕಿಗೆ ಬೆಳೆಸಿದ್ರೆ ಮಾತ್ರ ನಿಮಗೆ ಸಿಗತ್ತೆ ಲಾಭ

Vastu Tips Shankhpushpi plant : ಮನೆಯ ಸುತ್ತಮುತ್ತ ಸುಂದರ ಹೂವುಗಳ ಮರ–ಗಿಡಗಳಿದ್ದರೆ, ಮನೆ ಆಕರ್ಷಕವಾಗಿ ಕಾಣಿಸುವುದರ ಜೊತೆಗೆ ಅದಕ್ಕೊಂದು ಸಾತ್ವಿಕ ಕಳೆಯನ್ನು ತಂದುಕೊಡುತ್ತದೆ. ಪ್ರತಿದಿನದ ದೇವರ ಪೂಜೆಗೆ, ಹಬ್ಬ ಹಾಗೂ ವಿಶೇಷ ದಿನಗಳಲ್ಲಿ ನಮ್ಮ ಮನೆಯಲ್ಲಿಯೆ ಬೆಳೆದ ಹೂವುಗಳು ಮನಸ್ಸಿಗೆ ಆನಂದ, ತೃಪ್ತಿ ನೀಡುತ್ತವೆ. ಈ ಕಾರಣದಿಂದಲೇ ಬಹಳಷ್ಟು ಜನರು ಗಿಡಗಳನ್ನು ಬೆಳೆಸುವುದಕ್ಕೆ ಹೆಚ್ಚು ಆಸಕ್ತಿ ತೋರಿಸುತ್ತಾರೆ.

ಜಾಗವಿಲ್ಲದಿದ್ದರೂ ಪಾಟ್‌ಗಳಲ್ಲಿ ಗಿಡ ನೆಟ್ಟು, ಜೋಪಾನವಾಗಿ ಬೆಳೆಸುತ್ತಾರೆ. ವಾಸ್ತು ಶಾಸ್ತ್ರವೂ (Vastu Shastra) ಮನೆಯಲ್ಲಿ ಮರ–ಗಿಡಗಳನ್ನು ನೆಡುವುದನ್ನು ಉಲ್ಲೇಖಿಸುತ್ತದೆ. ವಾಸ್ತು ಶಾಸ್ತ್ರವು ಮನೆಯ ಸುತ್ತಮುತ್ತ ನೆಡಬಹುದಾದ ಗಿಡಗಳಿಗೆ ಕೆಲವು ನಿಯಮಗಳನ್ನು ಸಹ ಹೇಳಿದೆ. ಅದರಂತೆ ಗಿಡ ನೆಡುವುದರಿಂದ ಮನೆಯಲ್ಲಿ ಧನಾತ್ಮಕ ಶಕ್ತಿ ತುಂಬಿರುತ್ತದೆ.

ಸಂತೋಷ, ಸಮೃದ್ಧಿ ನೆಲೆಸುತ್ತದೆ. ವಾಸ್ತು ಶಾಸ್ತ್ರದಲ್ಲಿ ಕೆಲವು ಗಿಡಗಳು ಅತ್ಯಂತ ಪ್ರಯೋಜನಕಾರಿ ಎಂದು ಹೇಳಲಾಗಿದೆ. ಅದರಲ್ಲಿ ಶಂಖಪುಷ್ಪ ಗಿಡವನ್ನು ಮನೆಯಲ್ಲಿ ಬೆಳೆಸುವುದರಿಂದ ಅನೇಕ ಲಾಭವಿದೆ ಎನ್ನುತ್ತದೆ. ಆದರೆ ವಾಸ್ತು ನಿಯಮಗಳಿಗೆ (Vastu Tips) ಅನುಸಾರವಾಗಿಯೇ ಆ ಗಿಡವನ್ನು ನೆಡುವುದರಿಂದ ಹೆಚ್ಚಿನ ಪ್ರಯೋಜನ ಪಡೆದುಕೊಳ್ಳಬಹುದಾಗಿದೆ. ಹಾಗಾದರೆ ಶಂಖಪುಷ್ಪ ಗಿಡವನ್ನು ಮನೆಯ ಯಾವ ದಿಕ್ಕಿಗೆ ನೆಡಬೇಕು ಹಾಗೂ ಅದರಿಂದ ಸಿಗುವ ಪ್ರಯೋಜನಗಳೇನು ಎಂದು ತಿಳಿಯೋಣ.

Vastu Tips Shankhpushpi plant : ಶಂಖಪುಷ್ಪ ಗಿಡದಿಂದ ಸಿಗುವ ಪ್ರಯೋಜನಗಳು

ನೀಲಿ ಮತ್ತು ಬಿಳಿ ಬಣ್ಣಗಳಲ್ಲಿರುವ ಶಂಖಪುಷ್ಪವು ಒಂದು ಬಳ್ಳಿ ಗಿಡವಾಗಿದೆ. ವಾಸ್ತು ಪ್ರಕಾರ ಈ ಗಿಡವನ್ನು ಮನೆಯಲ್ಲಿ ಬೆಳೆಸುವುದರಿಂದ ಅನೇಕ ಪ್ರಯೋಜನಗಳಿವೆ. ಹಣಕ್ಕೆ ಸಂಬಂಧಿಸಿದ ಸಮಸ್ಯೆಗಳಿಗೆ ಪರಿಹಾರ ಪಡೆಯಲು ಈ ಗಿಡ ಬಹಳ ಪ್ರಯೋಜನಕಾರಿಯಾಗಿದೆ. ಇದಲ್ಲದೇ ಮನೆಯಲ್ಲಿ ನಕಾರಾತ್ಮಕ ಶಕ್ತಿಯನ್ನು ದೂರಮಾಡಿ, ಸಕಾರಾತ್ಮಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಮನೆಯಲ್ಲಿ ಶಂಖಪುಷ್ಪದ ಗಿಡವನ್ನು ಬೆಳೆಸುವುದರಿಂದ ವ್ಯಕ್ತಿಯ ವೃತ್ತಿಜೀವನದಲ್ಲಿರುವ ಸಮಸ್ಯೆಗಳು ಸಹ ದೂರವಾಗುತ್ತವೆ ಎಂಬ ನಂಬಿಕೆಯಿದೆ.

Also Read : Vastu Tips : ಈ ಫೋಟೋಗಳನ್ನುನಿಮ್ಮ ಮನೆಯಲ್ಲಿ ಇಟ್ಟುಕೊಂಡ್ರೆ ಅಧಿಕ ಲಾಭ : ಸದಾ ಸಂತೋಷ, ಸಮೃದ್ಧಿ

Vastu Tips Shankhpushpi plant : ಶಂಖಪುಷ್ಪವನ್ನು ಯಾವ ದಿಕ್ಕಿಗೆ ಬೆಳಸಬೇಕು ?

ವಾಸ್ತು ಶಾಸ್ತ್ರದ ಪ್ರಕಾರ ಶಂಖಪುಷ್ಪದ ಗಿಡವನ್ನು ಈಶಾನ್ಯ ದಿಕ್ಕಿಗೆ ಬೆಳೆಸುವುದು ಶುಭವೆಂದು ಪರಿಗಣಿಸಲಾಗಿದೆ. ಏಕೆಂದರೆ ವಾಸ್ತು ನಂಬಿಕೆಗಳ ಪ್ರಕಾರ ಈಶಾನ್ಯ ದಿಕ್ಕು ದೇವರು ನೆಲೆಸಿರುವ ದಿಕ್ಕು ಎಂದು ಪರಿಗಣಿಸಲಾಗಿದೆ. ಹಾಗಾಗಿ ಈ ಗಿಡವನ್ನು ಈಶಾನ್ಯ ದಿಕ್ಕಿಗೆ ಬೆಳೆಸುವುದರಿಂದ ಮನೆಯಲ್ಲಿ ದೇವರ ಅನಗ್ರಹವಿರುತ್ತದೆ, ಸಕಾರಾತ್ಮಕ ಶಕ್ತಿಯ ಹರಿವು ಹೆಚ್ಚಾಗುತ್ತದೆ. ಶಂಖಪುಷ್ಪ ಗಿಡವನ್ನು ಪೂರ್ವದಿಕ್ಕಿಗೆ ಬೆಳೆಸುವುದು ಸಹ ಶುಭವೆಂದು ಶಾಸ್ತ್ರದಲ್ಲಿ ಪರಿಗಣಿಸಲಾಗಿದೆ. ಪೂರ್ವದಿಕ್ಕಿಗೆ ಈ ಗಿಡವನ್ನು ಬೆಳೆಸುವುದರಿಂದ ಮನೆಯಲ್ಲಿ ಸಂತೋಷ, ಶಾಂತಿ ಮತ್ತು ಸಮೃದ್ಧಿ ಹೆಚ್ಚಾಗುತ್ತದೆ.

Also Read : Vastu Homes : ಮನೆ ಹೇಗಿರಬೇಕು ? ಏನು ಹೇಳುತ್ತೆ ವಾಸ್ತುಶಾಸ್ತ್ರ

ಶಂಖಪುಷ್ಪ ಗಿಡ ಬೆಳೆಸುವ ಮೊದಲು ಈ ವಿಷಯ ನೆನಪಿನಲ್ಲಿಡಿ

• ಶಂಖಪುಷ್ಪ ಗಿಡವನ್ನು ಎಂದಿಗೂ ಪಶ್ಚಿಮ ಅಥವಾ ದಕ್ಷಿಣ ದಿಕ್ಕಿನಲ್ಲಿ ನೆಡಬಾರದು. ಅದರಿಂದ ಮನೆಯಲ್ಲಿ ನಕಾರಾತ್ಮಕ ಶಕ್ತಿಯ ಹರಿವು ಹೆಚ್ಚಾಗಿ, ನಿಮ್ಮ ಜೀವನದಲ್ಲಿ ಅನೇಕ ಸಮಸ್ಯೆಗಳು ಉಂಟಾಗಬಹುದು.
• ಶಂಖಪುಷ್ಪ ಗಿಡವನ್ನು ಶನಿವಾರದಂದು ನೆಡುವುದರಿಂದ ಬಹಳಷ್ಟು ಪ್ರಯೋಜನವಿದೆ. ಶನಿದೇವರ ಪೂಜೆಯಲ್ಲಿ ಈ ಹೂವನ್ನು ಅರ್ಪಿಸುವುದರಿಂದ ಶನಿಯ ವಕ್ರದೃಷ್ಟಿ ನಿಮ್ಮ ಮೇಲೆ ಬೀಳುವುದನ್ನು ತಡೆಯುತ್ತದೆ.

Vastu Tips Shankhpushpi plant removes shani dosha and bring prosperity in your life in Kannada News