ಜಪಾನಿನ ಅತ್ಯಂತ ಹಿರಿಯ ಜೀವಂತ ವ್ಯಕ್ತಿ ಇವರೇ ನೋಡಿ ! ವಯಸ್ಸು ಕೇಳಿದ್ರೆ ಶಾಕ್ ಆಗ್ತೀರಿ !

ಇಂದಿನ ಯುಗದಲ್ಲಿ ಕೆಟ್ಟ ಜೀವನಶೈಲಿಯಿಂದಾಗಿ ಜನರು ಹೃದಯಾಘಾತ, ಮಾರಣಾಂತಿಕ ಕಾಯಿಲೆಗಳು ಹಾಗೂ ಇನ್ನಿತರ ಕಾರಣಗಳಿಂದ 50-60 ವರ್ಷ ದಾಟುವುದರೊಳಗೆ ಸಾವನಪ್ಪುತ್ತಿದ್ದಾರೆ.

ಹೀಗಿರುವಾಗ ಜಪಾನಿನಲ್ಲಿರುವ ನಿವೃತ್ತ ವೈದ್ಯ ಶಿಗೆಕೊ ಕಗಾವಾ ಎಂಬಾಕೆಗೆ 114 ವರ್ಷ ವಯಸ್ಸಾಗಿದ್ದು, ಇದೀಗ ಆಕೆಯನ್ನು ಅಧಿಕೃತವಾಗಿ ಜಪಾನ್ನ ಅತ್ಯಂತ ಹಿರಿಯ ಜೀವಂತ ವ್ಯಕ್ತಿ ಎಂದು ಘೋಷಿಸಲಾಗಿದೆ.

ಇತ್ತೀಚೆಗೆ 114 ವರ್ಷ ವಯಸ್ಸಿನ ಮಿಯೋಕೊ ಹಿರೋಯಾಸು ನಿಧನರಾದ ನಂತರ ಜಪಾನ್ನ ಆರೋಗ್ಯ, ಕಾರ್ಮಿಕ ಮತ್ತು ಕಲ್ಯಾಣ ಸಚಿವಾಲಯವು ಈ ಘೋಷಣೆ ಮಾಡಿದೆ.

ಶಿಗೆಕೊ ಕಗಾವಾ ಜೀವನ ಹೇಗಿತ್ತು ಗೊತ್ತಾ ?

ಕಗಾವಾ ಉತ್ತಮವಾದ ಜೀವನವನ್ನು ನಡೆಸಿದ್ದಾಳೆ. 2021 ರಲ್ಲಿ, ಅಂದರೆ ತನ್ನ 109 ನೇ ವಯಸ್ಸಿನಲ್ಲಿ, ಟೋಕಿಯೊ ಕ್ರೀಡಾಕೂಟದ ರಿಲೇ ಸಮಯದಲ್ಲಿ ಒಲಿಂಪಿಕ್ ಜ್ಯೋತಿಯನ್ನು ಹೊತ್ತ ಅತ್ಯಂತ ಹಿರಿಯ ವ್ಯಕ್ತಿಗಳಲ್ಲಿ ಈಕೆಯು ಒಬ್ಬಳಾಗಿದ್ದಳು.

ವೃತ್ತಿಯಲ್ಲಿ, ಕಗಾವಾ ಪ್ರಸೂತಿ ಮತ್ತು ಸ್ತ್ರೀರೋಗತಜ್ಞರಾಗಿದ್ದಳು. ಅವಳು ಎರಡನೇ ಮಹಾಯುದ್ಧದ ಮೊದಲು ವೈದ್ಯಕೀಯ ಶಾಲೆಯಿಂದ ಪದವಿ ಪಡೆದಳು ಮತ್ತು ಯುದ್ಧದ ಸಮಯದಲ್ಲಿ ಒಸಾಕಾದ ಆಸ್ಪತ್ರೆಯಲ್ಲಿ ಕೆಲಸ ಮಾಡಿದಳು.

Also Read :

ಅದರ ನಂತರ, ಅವಳು ತನ್ನ ಕುಟುಂಬದ ಕ್ಲಿನಿಕ್ನ ಜವಾಬ್ದಾರಿಯನ್ನು ವಹಿಸಿಕೊಂಡಳು ಮತ್ತು ಹಲವು ವರ್ಷಗಳ ಕಾಲ ತನ್ನ ಸಮುದಾಯಕ್ಕೆ ಸಮರ್ಪಣಾಭಾವದಿಂದ ಸೇವೆ ಸಲ್ಲಿಸಿದಳು.

ಅವಳು ಅಂತಿಮವಾಗಿ 86 ನೇ ವಯಸ್ಸಿನಲ್ಲಿ ನಿವೃತ್ತರಾದಳು. ವೃತ್ತಿಯಲ್ಲಿ ವೈದ್ಯೆಯಾಗಿದ್ದ ಅವಳು ತನ್ನ ಇಡೀ ಜೀವನವನ್ನು ರೋಗಿಗಳಿಗಾಗಿ ಸಮರ್ಪಣೆ ಮಾಡಿದ್ದಳು ಮತ್ತು ಆರೋಗ್ಯಕರ ಜೀವನಶೈಲಿಯನ್ನು ರೂಢಿಸಿಕೊಂಡಿದ್ದಳು.

ಶಿಗೆಕೊ ಕಗಾವಾ ವೃತ್ತಿ ಜೀವನ

ಪ್ರಸೂತಿ ತಜ್ಞೆ ಮತ್ತು ಸ್ತ್ರೀರೋಗತಜ್ಞೆಯಾಗಿದ್ದ ಆಕೆ ಸ್ಥಳೀಯರ ವೈದ್ಯಕೀಯ ಆರೈಕೆಗೆ ಕೊಡುಗೆ ನೀಡಿದಳು. ಅವಳು ಪ್ರತಿದಿನ ರಾತ್ರಿ ತನ್ನ ಹಾಸಿಗೆಯ ಪಕ್ಕದಲ್ಲಿ ಫೋನ್ ಅನ್ನು ಇಟ್ಟುಕೊಂಡಿದ್ದು, ಬೆಳಿಗ್ಗೆ ಅಥವಾ ತಡರಾತ್ರಿಯಲ್ಲಿ ಯಾರೇ ಕರೆ ಮಾಡಿದರೂ ಕೂಡ ತಡಮಾಡದೆ ತನ್ನ ರೋಗಿಗಳ ಮನೆಗಳಿಗೆ ಹೋಗುತ್ತಿದ್ದಳು.

ಶಿಗೆಕೊ ಕಗಾವಾ ದೀರ್ಘಾಯುಷ್ಯದ ರಹಸ್ಯ

ಈಗಲೂ ಸಹ, ಕಗಾವಾ ಮಾನಸಿಕವಾಗಿ ಸಕ್ರಿಯಳಾಗಿದ್ದಾಳೆ. ತನ್ನ ಮನಸ್ಸನ್ನು ಚುರುಕಾಗಿಡಲು ಅವಳು ಪ್ರತಿದಿನ ಭೂತಗನ್ನಡಿಯನ್ನು ಬಳಸಿ ಪತ್ರಿಕೆಯನ್ನು ಓದುತ್ತಾಳಂತೆ.

ಕಗಾವಾ ಆರೋಗ್ಯವಾಗಿರಲು ಅಸಾಮಾನ್ಯವಾದ ಏನನ್ನೂ ಮಾಡಿಲ್ಲ ಎಂದು ಅವರ ಕುಟುಂಬ ಸದಸ್ಯರು ಹೇಳಿದ್ದಾರೆ. ಅವಳು ದೈನಂದಿನ ದಿನಚರಿಯನ್ನು ಸರಿಯಾಗಿ ಅನುಸರಿಸುತ್ತಾಳಂತೆ.

Also Read : ಟೆಕ್ಸಾಸ್ನ ಮನೆಯಲ್ಲಿ ಹೋಮ ಮಾಡಿಸಿದ ಭಾರತೀಯ ಕುಟುಂಬ; ಕೊನೆಗೆ ಆಗಿದ್ದೇನು ಗೊತ್ತಾ ?

ದಿನಕ್ಕೆ ಮೂರು ಬಾರಿ ಸರಿಯಾದ ಸಮಯಕ್ಕೆ ಊಟ ಮಾಡುತ್ತಾಳಂತೆ ಮತ್ತು ವಿಶ್ರಾಂತಿ ಪಡೆಯುತ್ತಾಳಂತೆ. ಹಾಗೇ ಆಕೆ ಹೊರಗಡೆ ಓಡಾಡಲು ಕಾರುಗಳನ್ನು ಬಳಸುತ್ತಿರಲಿಲ್ಲವಂತೆ, ಬದಲಾಗಿ ನಡೆದುಕೊಂಡೇ ಹೋಗುತ್ತಿದ್ದಳಂತೆ.

ಜಪಾನ್‌ನಲ್ಲಿ ದೀರ್ಘಾಯುಷ್ಯ ಹೆಚ್ಚುತ್ತಿದೆ

ಕಗಾವಾ ಅವರ ಕಥೆಯು ಜಪಾನಿನ ಅತ್ಯಂತ ಹಿರಿಯ ನಾಗರಿಕರೆನಿಸಿಕೊಂಡಿದ್ದ ಮಿಯೋಕೊ ಹಿರೋಯಾಸು ಅವರ ಕಥೆಯನ್ನು ಅನುಸರಿಸುತ್ತದೆ.

ಹಿರೋಯಾಸು ಓಯಿಟಾ ಪ್ರಿಫೆಕ್ಚರ್ನಲ್ಲಿರುವ ನರ್ಸಿಂಗ್ ಹೋಂನಲ್ಲಿ ಸರಳ ಜೀವನವನ್ನು ನಡೆಸುತ್ತಿದ್ದ ಶಿಕ್ಷಕಿ ಮತ್ತು ಕಲಾವಿದೆಯಾಗಿದ್ದು, ಓದುವುದು, ಚಿತ್ರ ಬಿಡಿಸುವುದು ಮತ್ತು ಕಾರ್ಡ್ಗಳನ್ನು ಆಡುತ್ತಾ ದಿನಗಳನ್ನು ಕಳೆಯುತ್ತಿದ್ದರು.

Also Read : ಸ್ನೇಹಿತನ ಹಲ್ಲು ಹರಿತಗೊಳಿಸಲು ಈತ ಮಾಡಿದ್ದೇನು ಗೊತ್ತಾ ?

ಕಗಾವಾ ಅವರಂತೆಯೇ, ವೃದ್ಧಾಪ್ಯದವರೆಗೂ ಮಾನಸಿಕವಾಗಿ ಮತ್ತು ದೈಹಿಕವಾಗಿ ಸಕ್ರಿಯವಾಗಿರುವುದಕ್ಕೆ ಅವರು ತಮ್ಮ ಆರೋಗ್ಯಕ್ಕೆ ಹೆಚ್ಚಿನ ಮನ್ನಣೆ ನೀಡಿದ್ದರು ಎನ್ನಲಾಗಿದೆ.

This is the oldest living person in Japan You will be shocked to hear his age