ಐಪಿಎಲ್​ನಲ್ಲಿ ಬಿಸಿಸಿಐ ಮಹತ್ವದ ಬದಲಾವಣೆ : ಅಭಿಮಾನಿಗಳಿಗೆ ಗುಡ್‌ನ್ಯೂಸ್‌

IPL 2026 : ಇಂಡಿಯನ್​ ಪ್ರೀಮಿಯರ್​ ಲೀಗ್​ಗೆ ಇರುವ ಅಭಿಮಾನಿಗಳ ಸಂಖ್ಯೆಗೆ ಬರಗಾಲವಿಲ್ಲ. ಅದರಲ್ಲೂ ಕಳೆದ ಬಾರಿ ಆರ್​ಸಿಬಿ ಐಪಿಎಲ್​ ಕಪ್​ ಗೆಲ್ಲುವ ಮೂಲಕ ಹೊಸ ಇತಿಹಾಸ ನಿರ್ಮಿಸಿತ್ತು.

ಅಂತಾರಾಷ್ಟ್ರೀಯ ಮಟ್ಟದ ಕ್ರಿಕೆಟ್​ ಪಂದ್ಯಾವಳಗಿಂತಲೂ ಐಪಿಎಲ್​ಗೆ ಅಭಿಮಾನಿಗಳು ಜಾಸ್ತಿ ಎಂದು ಹೇಳಿದರೆ ತಪ್ಪಾಗುವುದಿಲ್ಲ. ಕಳೆದ ಬಾರಿಯಂತೂ ಆರ್​ಸಿಬಿ ಅಭಿಮಾನಿಗಳಿಗಾದ ಸಂಭ್ರಮ ಪದಗಳಲ್ಲಿ ವರ್ಣಿಸುವಂತದ್ದಲ್ಲ.

ಇನ್ನೂ ಆರ್​ಸಿಬಿ ಗೆಲುವಿನ ಸಿಹಿ ಅಭಿಮಾನಿಗಳ ಎದೆಯಲ್ಲಿ ಮಾಸಿಲ್ಲ. ಇದೀಗ ಇಂಡಿಯನ್​ ಪ್ರೀಮಿಯರ್ ಲೀಗ್​ ಅಭಿಮಾನಿಗಳಿಗೆ ಮತ್ತೊಂದು ಸಂತೋಷದ ವಿಚಾರ ಸಿಕ್ಕಿದೆ. ಮುಂದಿನ ಸೀಸನ್​ನಲ್ಲಿ ಐಪಿಎಲ್​ ಪಂದ್ಯಾವಳಿಗಳ ಸಂಖ್ಯೆಯನ್ನು ಹೆಚ್ಚಿಸಲು ಬಿಸಿಸಿಐ ಚಿಂತಿಸಿದೆ ಎನ್ನಲಾಗಿದೆ.

ಇಂಡಿಯನ್ ಪ್ರೀಮಿಯರ್ ಲೀಗ್​ನಲ್ಲಿ (IPL) ಮಹತ್ವದ ಬದಲಾವಣೆ ಆಗಲಿರುವುದು ಖಚಿತವಾಗಿದೆ. ಅದು ಕೂಡ ಪಂದ್ಯಗಳ ಸಂಖ್ಯೆಗಳ ಹೆಚ್ಚಳದೊಂದಿಗೆ ಎಂಬುದು ವಿಶೇಷ. ಅಂದರೆ ಐಪಿಎಲ್ 2026 ರಿಂದ ಹೆಚ್ಚುವರಿ 10 ಪಂದ್ಯಗಳನ್ನು ಆಯೋಜಿಸಲು ಬಿಸಿಸಿಐ ಚಿಂತಿಸಿದೆ.

ಈ ಹಿಂದೆಯೇ ಐಪಿಎಲ್​ ಪಂದ್ಯಾವಳಿ ಹೆಚ್ಚಿಸುವ ಬಗ್ಗೆ ಬಿಸಿಸಿಐ ಚಿಂತನೆ ನಡೆಸಿತ್ತು. ಆದರೆ ಈ ವರ್ಷ ಅದು ಸಾಧ್ಯವಾಗಿರಲಿಲ್ಲ. ಪಂದ್ಯಗಳು ಹೆಚ್ಚಾದರೆ ವಿದೇಶಿ ಆಟಗಾರರಿಗೆ ತೊಂದರೆಯಾಗುವ ಸಾಧ್ಯತೆ ಇತ್ತು.

ಇದನ್ನೂ ಓದಿ : ಕಾಪು ಮಾರಿಯಮ್ಮನ ದೇಗುಲಕ್ಕೆ ಕ್ರಿಕೆಟಿಗ ಸೂರ್ಯಕುಮಾರ್‌ ಯಾದವ್‌ ಪತ್ನಿ ದೇವಿಶಾ ಭೇಟಿ

IPL 2026 : ಐಪಿಎಲ್ 2027 ರಿಂದ 94 ಪಂದ್ಯ

ಆದರೆ ಮುಂದಿನ ವರ್ಷದಿಂದ ಆಟಗಾರರಿಗೆ ಒಟ್ಟೂ 84 ಪಂದ್ಯಗಳನ್ನು ಆಡಿಸಲು ನಿರ್ಧರಿಸಲಾಗಿದೆ. 2027ರಿಂದ ಈ ಸಂಖ್ಯೆ 94ಕ್ಕೆ ಏರಲಿದೆ ಎನ್ನಲಾಗಿದೆ. ಇಲ್ಲಿಯವರೆಗೆ ಐಪಿಎಲ್​ನಲ್ಲಿ 74 ಪಂದ್ಯಗಳು ಇರುತ್ತಿದ್ದವು.

ಮುಂದಿನ ವರ್ಷದಿಂದ 10 ಪಂದ್ಯಗಳ ಏರಿಕೆ ಹಿನ್ನೆಲೆಯಲ್ಲಿ ಪ್ರತಿ ತಂಡಗಳು 18 ಪಂದ್ಯಗಳನ್ನಾಡಲಿವೆ .BCCI ಮಾಧ್ಯಮ ಹಕ್ಕುಗಳ ಒಪ್ಪಂದದ ಪ್ರಕಾರ ಈ ಹಿಂದೆಯೇ ಪಂದ್ಯಗಳ ಸಂಖ್ಯೆ ಹೆಚ್ಚಿಸಬೇಕಿತ್ತು. ಆದರೆ ಆಟಗಾರರ ಅಲಭ್ಯತೆಯಿಂದಾಗಿ ಇದು ಸಾಧ್ಯವಾಗಿರಲಿಲ್ಲ.

ಆದರೆ ಐಪಿಎಲ್​ ಪ್ರಸಾರಕ ಸಂಸ್ಥೆಗಳ ಮನವಿ ಹಿನ್ನೆಲೆಯಲ್ಲಿ ಬಿಸಿಸಿಐ ಮುಂದಿನ ವರ್ಷದಿಂದ ಪಂದ್ಯಗಳ ಸಂಖ್ಯೆ ಕ್ರಮ ಕೈಗೊಂಡಿದೆ ಎನ್ನಲಾಗಿದೆ. ಇದರಿಂದ ಐಪಿಎಲ್​ ಅಭಿಮಾನಿಗಳಿಗೆ ಹೆಚ್ಚುವರಿ ಪಂದ್ಯಗಳನ್ನು ವೀಕ್ಷಿಸುವ ಅವಕಾಶ ಸಿಗಲಿದ್ದು ಅಭಿಮಾನಿಗಳು ಫುಲ್​ ಖುಷ್​ ಆಗಿದ್ದಾರೆ.

BCCI makes significant changes in IPL 2026 Good news for fans