ಏಷ್ಯಾ ಕಪ್ 2025 : ಭಾರತಕ್ಕೆ ಯುಎಇ ಸವಾಲು : ಇಲ್ಲಿದೆ ಸಂಪೂರ್ಣ ವೇಳಾಪಟ್ಟಿ

ಏಷ್ಯಾ ಕಪ್ 2025: ಏಷ್ಯಾ ಕಪ್ 2025 ಪಂದ್ಯಾವಳಿ ಇಂದಿನಿಂದ ಸೆಪ್ಟೆಂಬರ್ 9, 2025) ಅಧಿಕೃತವಾಗಿ ಆರಂಭವಾಘಲಿದೆ. ಏಷ್ಯಾಕಪ್‌ ಈ ವರ್ಷದ ಪಂದ್ಯಾವಳಿಗಳು ಯುನೈಟೆಡ್ ಅರಬ್ ಎಮಿರೇಟ್ಸ್‌ನಲ್ಲಿ ನಡೆಯುತ್ತಿದೆ. ಒಟ್ಟು ಎಂಟು ತಂಡಗಳು T20I ಮಾದರಿಯಲ್ಲಿ ಪಂದ್ಯಾವಳಿಯನ್ನು ಆಡಲಿವೆ. ಸೆಪ್ಟೆಂಬರ್ 28ರಂದು ಫೈನಲ್‌ ಪಂದ್ಯಾವಳಿ ನಡೆಯಲಿದೆ.

ಏಷ್ಯಾಕಪ್‌ ಪಂದ್ಯಾವಳಿ : ಗುಂಪುಗಳು

ಗುಂಪು ಎ: ಭಾರತ, ಪಾಕಿಸ್ತಾನ, ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ), ಮತ್ತು ಓಮನ್

ಗುಂಪು ಬಿ: ಶ್ರೀಲಂಕಾ, ಬಾಂಗ್ಲಾದೇಶ, ಅಫ್ಘಾನಿಸ್ತಾನ ಮತ್ತು ಹಾಂಗ್ ಕಾಂಗ್

ಪಂದ್ಯಾವಳಿಯ ಸ್ಥಳಗಳು : ದುಬೈ ಅಂತರರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣ ಮತ್ತು ಶೇಖ್ ಜಾಯೆದ್ ಕ್ರಿಕೆಟ್ ಕ್ರೀಡಾಂಗಣ, ಅಬುಧಾಬಿ

ಪಂದ್ಯಗಳು ಭಾರತೀಯ ಕಾಲಮಾನ ರಾತ್ರಿ 8:00 ಗಂಟೆಗೆ ಪ್ರಾರಂಭವಾಗಲಿದ್ದು, ಸೆಪ್ಟೆಂಬರ್ 15 ರಂದು ಭಾರತೀಯ ಕಾಲಮಾನ ಸಂಜೆ 5:30 ಕ್ಕೆ ಪ್ರಾರಂಭವಾಗುವ ಒಂದು ಪಂದ್ಯವನ್ನು ಹೊರತುಪಡಿಸಿ (ಯುಎಇ ವಿರುದ್ಧ ಓಮನ್).

ಏಷ್ಯಾ ಕಪ್ 2025 : ಪಂದ್ಯಾವಳಿಗಳು

• ಸೆಪ್ಟೆಂಬರ್ 9 : ಹಾಂಗ್ ಕಾಂಗ್ ಮತ್ತು ಅಫ್ಘಾನಿಸ್ತಾನ – ಅಬುಧಾಬಿ (ರಾತ್ರಿ 8:00ಕ್ಕೆ )
• ಸೆಪ್ಟೆಂಬರ್ 10: ಭಾರತ vs ಯುಎಇ- ದುಬೈ ( ರಾತ್ರಿ 8:00 )
• ಸೆಪ್ಟೆಂಬರ್ 11: ಬಾಂಗ್ಲಾದೇಶ vs ಹಾಂಗ್ ಕಾಂಗ್ – ಅಬುಧಾಬಿ (ರಾತ್ರಿ 8:00 IST)
• ಸೆಪ್ಟೆಂಬರ್ 12: ಪಾಕಿಸ್ತಾನ vs ಒಮಾನ್ – ದುಬೈ (8:00 ರಾತ್ರಿ)
• ಸೆಪ್ಟೆಂಬರ್ 13: ಬಾಂಗ್ಲಾದೇಶ vs ಶ್ರೀಲಂಕಾ – ಅಬುಧಾಬಿ (ರಾತ್ರಿ 8:00 IST)
• ಸೆಪ್ಟೆಂಬರ್ 14: ಭಾರತ vs ಪಾಕಿಸ್ತಾನ – ದುಬೈ (8:00 ರಾತ್ರಿ)
• ಸೆಪ್ಟೆಂಬರ್ 15: ಯುಎಇ vs ಓಮನ್ – ಅಬುಧಾಬಿ (5:30 PM IST)
• ಸೆಪ್ಟೆಂಬರ್ 15 : ಹಾಂಗ್ ಕಾಂಗ್ vs ಶ್ರೀಲಂಕಾ – ದುಬೈ (ರಾತ್ರಿ 8:00 ಗಂಟೆಗೆ)
• ಸೆಪ್ಟೆಂಬರ್ 16: ಬಾಂಗ್ಲಾದೇಶ vs ಅಫ್ಘಾನಿಸ್ತಾನ – ಅಬುಧಾಬಿ (ರಾತ್ರಿ 8:00 IST)
• ಸೆಪ್ಟೆಂಬರ್ 17: ಪಾಕಿಸ್ತಾನ vs UAE – ದುಬೈ (8:00 PM IST)
• ಸೆ 18: ಶ್ರೀಲಂಕಾ vs ಅಫ್ಘಾನಿಸ್ತಾನ – ಅಬುಧಾಬಿ (ರಾತ್ರಿ 8:00 IST)
• ಸೆಪ್ಟೆಂಬರ್ 19: ಭಾರತ vs ಓಮನ್ – ಅಬುಧಾಬಿ (ರಾತ್ರಿ 8:00 IST)

ಭಾರತದ ಮೊದಲ ಪಂದ್ಯ: ಭಾರತ ಸೆಪ್ಟೆಂಬರ್ 10 ರಂದು ದುಬೈನಲ್ಲಿ ಆತಿಥೇಯ ರಾಷ್ಟ್ರವಾದ ಯುಎಇ (UAE) ವಿರುದ್ಧ ತನ್ನ ಅಭಿಯಾನವನ್ನು ಪ್ರಾರಂಭಿಸಲಿದೆ.

ಭಾರತ vs ಪಾಕಿಸ್ತಾನ: ಭಾರತ ಮತ್ತು ಪಾಕಿಸ್ತಾನ ನಡುವಿನ ಬಹುನಿರೀಕ್ಷಿತ ಪಂದ್ಯವು ಸೆಪ್ಟೆಂಬರ್ 14 ರಂದು ದುಬೈನಲ್ಲಿ ನಡೆಯಲಿದೆ.

ಪ್ರತಿ ಗುಂಪಿನಿಂದ ಅಗ್ರ ಎರಡು ತಂಡಗಳು ಸೂಪರ್ ಫೋರ್ ಹಂತಕ್ಕೆ ಮುನ್ನಡೆಯುತ್ತವೆ ಮತ್ತು ಆ ಹಂತದ ಅಗ್ರ ಎರಡು ತಂಡಗಳು ನಂತರ ಫೈನಲ್‌ನಲ್ಲಿ ಸ್ಪರ್ಧಿಸುತ್ತವೆ. ಮುಂದಿನ ವರ್ಷ ನಡೆಯಲಿರುವ ಐಸಿಸಿ ಪುರುಷರ ಟಿ20 ವಿಶ್ವಕಪ್‌ಗೆ ಈ ಪಂದ್ಯಾವಳಿಯನ್ನು ನಿರ್ಣಾಯಕ ತಯಾರಿ ಎಂದು ಪರಿಗಣಿಸಲಾಗಿದೆ.

ಇದನ್ನೂ ಓದಿ: ವಿಶ್ವ ಜಂಪ್‌- ರೋಪ್‌ ಚಾಂಪಿಯನ್ ಶಿಪ್ ನಲ್ಲಿ ವಿಶ್ವ ದಾಖಲೆ ಮುರಿದ ಚೀನಾದ ವ್ಯಕ್ತಿ!

ಏಷ್ಯಾ ಕಪ್ 2025 : ಸೂಪರ್ 4 ಮತ್ತು ಫೈನಲ್:

ಪ್ರತಿ ಗುಂಪಿನಿಂದ ಅಗ್ರ ಎರಡು ತಂಡಗಳು ಸೆಪ್ಟೆಂಬರ್ 20 ರಂದು ಪ್ರಾರಂಭವಾಗುವ ಸೂಪರ್ ಫೋರ್ ಹಂತಕ್ಕೆ ಅರ್ಹತೆ ಪಡೆಯುತ್ತವೆ. ಫೈನಲ್ ಪಂದ್ಯ ಸೆಪ್ಟೆಂಬರ್ 28 ರಂದು ನಿಗದಿಯಾಗಿದೆ. ಸೂಪರ್‌ 4 ಹಾಗೂ ಫೈನಲ್ ಪಂದ್ಯಗಳು ಭಾರತೀಯ ಕಾಲಮಾನ ರಾತ್ರಿ 8:00 ಗಂಟೆಗೆ ನಿಗದಿಯಾಗಿದೆ.

ಇದನ್ನೂ ಓದಿ: Hulk Hogan: ವಿಶ್ವ ಕುಸ್ತಿ ದಂತಕಥೆ ಹಲ್ಕ್‌ ಹೋಗನ್‌ ನಿಧನ

ಏಷ್ಯಾ ಕಪ್ 2025 : ನೇರ ಪ್ರಸಾರ ಮತ್ತು ಸ್ಟ್ರೀಮಿಂಗ್:

ಭಾರತದಲ್ಲಿ ಏಷ್ಯಾಕಪ್‌ ಪಂದ್ಯಾವಳಿಯನ್ನು ಸೋನಿ ಸ್ಪೋರ್ಟ್‌ ವಾಹಿನಿಯ ಮೂಲಕ ವೀಕ್ಷಿಸಬಹುದಾಗಿದೆ. ಸೋನಿ ನೆಟ್‌ವರ್ಕ್ಸ್‌ನ ಲೈವ್‌ ಸ್ಟ್ರೀಮಿಂಗ್ ಸೋನಿಲೈವ್ ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್‌ನಲ್ಲಿ ಲಭ್ಯವಿದೆ. ಪಂದ್ಯಗಳನ್ನು ವಿವಿಧ ಭಾಷೆಗಳಲ್ಲಿ ವಿವಿಧ ಸೋನಿ ಸ್ಪೋರ್ಟ್ಸ್ ಚಾನೆಲ್‌ಗಳಲ್ಲಿ ಪ್ರಸಾರ ಮಾಡಲಾಗುತ್ತದೆ.