WPL 2026 RCB vs MI: ಮೊದಲ ಪಂದ್ಯದಲ್ಲಿ ಮುಂಬೈ ಮಣಿಸಿದ ಆರ್ಸಿಬಿ
WPL 2026 RCB vs MI Results scores highlights: ನವಿ ಮುಂಬೈ: ವುಮೆನ್ಸ್ ಪ್ರೀಮಿಯರ್ ಲೀಗ್ WPL 2026ರ ಉದ್ಘಾಟನಾ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ರೋಚಕ ಜಯ ಸಾಧಿಸಿದೆ. ಮುಂಬೈ ಇಂಡಿಯನ್ಸ್ ನೀಡಿದ್ದ ಸಾಧಾರಣ ಗುರಿಯನ್ನು ಬೆನ್ನಟ್ಟಿದ ಆರ್ಸಿಬಿ, ನಡಿನ್ ಡಿ ಕ್ಲರ್ಕ್ ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ 3 ವಿಕೆಟ್ಗಳ ಅಂತರದ ಜಯ ದಾಖಲಿಸಿ ಶುಭಾರಂಭ ಮಾಡಿದೆ.
ಮುಂಬೈ ದಾಳಿಗೆ ತತ್ತರಿಸಿದ್ದ ಆರ್ಸಿಬಿ
155 ರನ್ಗಳ ಗುರಿ ಬೆನ್ನಟ್ಟಿದ ಬೆಂಗಳೂರು ತಂಡಕ್ಕೆ ಆರಂಭದಲ್ಲೇ ಆಘಾತ ಎದುರಾಯಿತು. ನಾಯಕಿ ಸ್ಮೃತಿ ಮಂಧಾನ (18 ರನ್) ಶಬ್ನಿಮ್ ಇಸ್ಮಾಯಿಲ್ಗೆ ವಿಕೆಟ್ ಒಪ್ಪಿಸಿದರೆ, ಸ್ಟಾರ್ ಆಟಗಾರ್ತಿ ಗ್ರೇಸ್ ಹ್ಯಾರಿಸ್ ಮತ್ತು ಹೇಮಲತಾ ಕೂಡ ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ನಿಲ್ಲಲಿಲ್ಲ. ಸತತ ವಿಕೆಟ್ ಪತನದಿಂದಾಗಿ ಆರ್ಸಿಬಿ ಒಂದು ಹಂತದಲ್ಲಿ ಸೋಲಿನ ಸುಳಿಗೆ ಸಿಲುಕಿತ್ತು.
ನಡಿನ್ ಡಿ ಕ್ಲರ್ಕ್ ಏಕಾಂಗಿ ಹೋರಾಟ:
ತಂಡ ಸಂಕಷ್ಟದಲ್ಲಿದ್ದಾಗ ಮೈದಾನಕ್ಕಿಳಿದ ನಡಿನ್ ಡಿ ಕ್ಲರ್ಕ್ ಪಂದ್ಯದ ಚಿತ್ರಣವನ್ನೇ ಬದಲಿಸಿದರು. ಅರುಂಧತಿ ರೆಡ್ಡಿ (20 ರನ್) ಜೊತೆಗೂಡಿ ಉಪಯುಕ್ತ ಜೊತೆಯಾಟವಾಡಿದ ಡಿ ಕ್ಲರ್ಕ್, ಮುಂಬೈ ಬೌಲರ್ಗಳನ್ನು ದಂಡಿಸಿದರು. ಕೇವಲ 44 ಎಸೆತಗಳಲ್ಲಿ ಅಜೇಯ 63 ರನ್ ಬಾರಿಸಿದ ಅವರು, ಪಂದ್ಯದ ಗತಿಯನ್ನು ಬೆಂಗಳೂರಿನತ್ತ ತಿರುಗಿಸಿದರು.
ಪುರುಷರ ಬ್ಯಾಂಕ್ ಖಾತೆಗೆ 2,000; ಯಾರಿಗೆ ಸಿಗಲಿದೆ ಹಣ?
ಮುಂಬೈ ಮಾಡಿದ ಎಡವಟ್ಟುಗಳು:
ಪಂದ್ಯದ ಅಂತಿಮ ಹಂತದಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಫೀಲ್ಡಿಂಗ್ ವೈಫಲ್ಯ ಎದ್ದು ಕಾಣುತ್ತಿತ್ತು. 19ನೇ ಓವರ್ನಲ್ಲಿ ಡಿ ಕ್ಲರ್ಕ್ ನೀಡಿದ ಎರಡು ಸುಲಭ ಕ್ಯಾಚ್ಗಳನ್ನು ಕೈಚೆಲ್ಲಿದ ಮುಂಬೈ ಫೀಲ್ಡರ್ಗಳು, ರನ್-ಔಟ್ ಮಾಡುವ ಸುವರ್ಣ ಅವಕಾಶವನ್ನೂ ಮಿಸ್ ಮಾಡಿಕೊಂಡರು. ಈ ಜೀವದಾನಗಳ ಸದುಪಯೋಗ ಪಡಿಸಿಕೊಂಡ ಡಿ ಕ್ಲರ್ಕ್ ಅಂತಿಮ ಓವರ್ನಲ್ಲಿ ನಾಟ್ ಸಿವರ್-ಬ್ರಂಟ್ ಬೌಲಿಂಗ್ನಲ್ಲಿ ಎರಡು ಸಿಕ್ಸರ್ ಹಾಗೂ ಎರಡು ಬೌಂಡರಿ ಬಾರಿಸಿ ಪಂದ್ಯವನ್ನು ಮುಗಿಸಿದರು.
