Covid 19: ಕೊರೊನಾ ಲಸಿಕೆ ಹಾಕಿಸಿದವರಿಗೆ ಕ್ಯಾನ್ಸರ್ನಿಂದ ಅಪಾಯ ಕಡಿಮೆ : ಅಧ್ಯಯನದಲ್ಲಿ ಹೊರಬಿತ್ತು ಮಹತ್ವದ ಮಾಹಿತಿ
Covid 19: ಕೋವಿಡ್ 19 ಎಂಬ ಮಹಾಮಾರಿಯೂ ಪ್ರಪಂಚಾದ್ಯಂತ ಬಂದು ಅನೇಕ ಸಾವು ನೋವುಗಳಿಗೆ ಕಾರಣವಾಗಿ 5 ವರ್ಷಗಳೇ ಕಳೆದು ಹೋಗಿದೆ. ಕೊರೊನಾ ರೋಗದ ತಡೆಗಾಗಿ ಸರ್ಕಾರಗಳು ಕಡ್ಡಾಯಗೊಳಿಸಿದ ಲಸಿಕೆಗಳಿಂದಾಗಿ ಇತ್ತೀಚಿನ ದಿನಗಳಲ್ಲಿ ವಯಸ್ಕರಲ್ಲಿ ಹೃದಯಾಘಾತದ ಪ್ರಮಾಣ ಹೆಚ್ಚುತ್ತಿದೆ ಎಂಬ ಆರೋಪಗಳು ಕೇಳಿ ಬರುತ್ತಿರುವ ಬೆನ್ನಲ್ಲೇ ಇದೀಗ ಕೊರೊನಾ ಲಸಿಕೆ ಕುರಿತಾದ ಮಹತ್ವದ ವಿಚಾರವೊಂದು ಬೆಳಕಿಗೆ ಬಂದಿದ್ದು ಕೊರೊನಾ ಲಸಿಕೆ ಹಾಕಿಸಿಕೊಂಡವರು ಹಿರಿ ಹಿರಿ ಹಿಗ್ಗುವಂತಾಗಿದೆ.
ಹೌದು..! ಇತ್ತೀಚಿಗೆ ನಡೆಸಲಾದ ಸಂಶೋಧನೆಯೊಂದರ ಪ್ರಕಾರ ಅತ್ಯಂತ ವ್ಯಾಪಕವಾಗಿ ಬಳಸಲ್ಪಡುವ ಕೋವಿಡ್ 19 ಲಸಿಕೆಗಳು ಕ್ಯಾನ್ಸರ್ನಿಂದ ಬಳಲುತ್ತಿರುವ ರೋಗಿಗಳಿಗೆ ಅಚ್ಚರಿಯ ಪ್ರಯೋಜನವನ್ನು ನೀಡಿದೆ. ಕ್ಯಾನ್ಸರ್ ಗೆಡ್ಡೆಗಳ ವಿರುದ್ಧ ಹೋರಾಡಲು ದೇಹದಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಕಾರ್ಯವನ್ನು ಕೊರೊನಾ ಲಸಿಕೆಗಳು ಮಾಡಿವೆ.
ನೇಚರ್ ಜರ್ನಲ್ನಲ್ಲಿ ಪ್ರಕಟಗೊಂಡ ಅಧ್ಯಯನದ ವರದಿಯ ಪ್ರಕಾರ, ಚಿಕಿತ್ಸೆಯನ್ನು ಪ್ರಾರಂಭಿಸಿದ 100 ದಿನಗಳಲ್ಲಿ ಫಿಜರ್ ಅಥವಾ ಮಾಡರ್ನಾ ಲಸಿಕೆಯನ್ನು ಪಡೆದರೆ, ಕೆಲವು ಇಮ್ಯುನೊಥೆರಪಿ ಔಷಧಿಗಳನ್ನು ತೆಗೆದುಕೊಳ್ಳುತ್ತಿದ್ದ ಮುಂದುವರಿದ ಶ್ವಾಸಕೋಶ ಅಥವಾ ಚರ್ಮದ ಕ್ಯಾನ್ಸರ್ ಹೊಂದಿರುವ ಜನರು ಗಣನೀಯವಾಗಿ ಹೆಚ್ಚು ಕಾಲ ಬದುಕುತ್ತಾರೆ ಎಂದು ತಿಳಿದುಬಂದಿದೆ.
Also Read: ಕೆಮ್ಮು ಸಿರಪ್ 2 ವರ್ಷದೊಳಗಿನ ಮಕ್ಕಳಿಗೆ ಬೇಡ : ಕೇಂದ್ರ ಸರಕಾರದ ಎಚ್ಚರಿಕೆ
ಆ ನಿರ್ದಿಷ್ಟ ಲಸಿಕೆಗಳಿಗೆ ಶಕ್ತಿ ನೀಡುವ mRNA, ಅತ್ಯಾಧುನಿಕ ಕ್ಯಾನ್ಸರ್ ಚಿಕಿತ್ಸೆಗೆ ಪ್ರತಿರಕ್ಷಣಾ ವ್ಯವಸ್ಥೆಯು ಉತ್ತಮವಾಗಿ ಪ್ರತಿಕ್ರಿಯಿಸಲು ಸಹಾಯ ಮಾಡುತ್ತದೆ ಎಂದು ಹೂಸ್ಟನ್ನ MD ಆಂಡರ್ಸನ್ ಕ್ಯಾನ್ಸರ್ ಸೆಂಟರ್ ಮತ್ತು ಫ್ಲೋರಿಡಾ ವಿಶ್ವವಿದ್ಯಾಲಯದ ಸಂಶೋಧಕರು ತಿಳಿಸಿದ್ದಾರೆ.
ಕೊರೊನಾ ಲಸಿಕೆಯು ದೇಹದಾದ್ಯಂತ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸೈರನ್ಗಳಂತೆ ಕಾರ್ಯ ನಿರ್ವಹಿಸುತ್ತವೆ. ಇವುಗಳು ಕ್ಯಾನರ್ ಗಡ್ಡೆಗಳ ವಿರುದ್ಧ ಪರಿಣಾಮಕಾರಿಯಾಗಿ ಹೋರಾಡುತ್ತವೆ ಎಂದು ಆಂಡರ್ಸನ್ನ ಪ್ರಮುಖ ಸಂಶೋಧಕ ಡಾ. ಆಡಮ್ ಗ್ರಿಪ್ಟಿನ್ ಹೇಳಿದ್ದಾರೆ.
ಆರೋಗ್ಯಕರ ರೋಗ ನಿರೋಧಕ ವ್ಯವಸ್ಥೆಯಿಂದಾಗಿ ಕ್ಯಾನ್ಸರ್ ಕೋಶಗಳನ್ನು ಸುಲಭವಾಗಿ ಸಾಯಿಸಲು ಸಾಧ್ಯವಿದೆ. ಇದರಿಂದ ಕ್ಯಾನ್ಸರ್ ಗಡ್ಡೆಗಳು ಬೆಳೆಯುವುದಿಲ್ಲ.
Also Read: ಏನಿದು ಬ್ರೇನ್ ಈಟಿಂಗ್ ಅಮೀಬಾ? ರೋಗಲಕ್ಷಣ, ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆಗಳೇನು?
ಲಸಿಕೆ ಹಾಕಿದ ಶ್ವಾಸಕೋಶದ ಕ್ಯಾನ್ಸರ್ ರೋಗಿಗಳು ಕ್ಯಾನ್ಸರ್ ಚಿಕಿತ್ಸೆಯನ್ನು ಪ್ರಾರಂಭಿಸಿದ ಮೂರು ವರ್ಷಗಳ ನಂತರ ಲಸಿಕೆ ಹಾಕದ ರೋಗಿಗಳಿಗಿಂತ ಎರಡು ಪಟ್ಟು ಹೆಚ್ಚು ಬದುಕುಳಿಯುವ ಸಾಧ್ಯತೆ ಇತ್ತು. ಮೆಲನೋಮ ರೋಗಿಗಳಲ್ಲಿ, ಲಸಿಕೆ ಹಾಕಿದ ರೋಗಿಗಳ ಸರಾಸರಿ ಬದುಕುಳಿಯುವಿಕೆಯು ಗಮನಾರ್ಹವಾಗಿ ದೀರ್ಘವಾಗಿತ್ತು – ಆದರೆ ಡೇಟಾವನ್ನು ವಿಶ್ಲೇಷಿಸಿದಾಗ ಆ ಗುಂಪಿನ ಕೆಲವರು ಇನ್ನೂ ಜೀವಂತವಾಗಿರುವುದರಿಂದ ನಿಖರವಾಗಿ ಎಷ್ಟು ಎಂಬುದು ಸ್ಪಷ್ಟವಾಗಿಲ್ಲ.
